هو عادي يكون عندي مشاعر تجاه صاحبتي ؟ بحب أكون معاها وتمسك ايدي هو ده طبيعي ؟
عايزانى اجاوبك ازاى؟ ولا اعرف مدى علاقتكم وطبيعة تواصلكم، ولا اعرف مرجعيتك، ولا اعرف هدفك
Ask @LoloBatoot
Previous
طرزان حب جين عشان شخصيتها وكدا ولا حباها عشان هي البنت الوحيدة الي شافها؟
مش متأكدة هتفرق قوى، حاسة الواحد مش لازم يجرب كل حاجة عشان يدرك ان حاجات معينة تلائمه حاليا، خاصة لو تلائمه ده تعنى تلائمه قوى لدرجة يحبها مش مجرد يتجبر عليها، ولو بعد كده تطوراتهم ماتوافقتش مع بعضها هينفصلوا.
هو في اختلاف بين الشخص "اللي بتحبه" و"الشخص المناسب"؟ هو الشخص المناسب مش بالضرورة نحبه؟؟؟؟؟ ليه هيكون مناسب اذا مبنحبوش؟
الفكرة ان كل واحد ممكن يفسر "بتحبه" و"مناسب" بطريقته هو، ممكن حد يشوف بتحبه يعنى مفتون بيه، فتلاقى الشخص الى انت مفتون بيه ده ممكن مينفعكش فعلا، ولو كملنا ع التعريف ده، ممكن حد يكون مناسب لك -بالمعنى الى تراه ملائم بقى- بس حبكم مش زى الافلام، فحد هيعتبر ده عدم حب حتى لو هو ملائم ويبقى اه المناسب مش بحبه، بس يجى حد تانى يعتبر طالما مرتاحين مع بعض وبينهم مشاعر مريحة يبقى ده مش حب ليه اساسا؟، فتفكرى بمعنى الحب ومعنى المناسب ونمط حياة الفرد والى كل واحد عايزه من العلاقة والى يقدر يدفعه فى سبيل ده واولوياتهم الخ.
Related users
الشخص اللي بتحبه و لا الشخص المناسب ؟
الناس بتختلف فى تعريف "الى بتحبه" و"المناسب"، فهختار المناسب
صوره لطيفه! 💛
شخصيتك على النت بتختلف عن شخصيتك في الواقع ؟
لا، بس بحس كل مكان بيسمح للى قدامك يشوف حاجة اكتر 🤷🏻♀️
هل ممكن ف يوم من الايام الانسان يقدر يتخطي انهيار أحلامه قدامه؟
انهيار الاحلام حاجة صعبة، اكيد هتزعل وتأثر فى الواحد.. بس ارجو من كل قلبى لكل حد ده حصله، يشوف ويبنى طرق جديدة ويحبهم، وتكون قيمتهم عنده اعلى من كل الى فات
سهل إنك تعتذر وانت غلطان !؟
معنديش مشكلة
اي احسن حاجه ممكن تقدمها لانسان ؟
الصراحة، والفرصة انه ينغمس ويجرب ويتعلم ويختار، بما يشتمله ده بقى. حاسة ده دعم جميل وفعال وصادق.
ع فكره عادي اعلمك الصح وانا اعمل الغلط، فين المشكله يعني.
من حيث الصح والغلط كمبدأ؟ مفيش، كل الناس بتحاول تكون زى مثالياتها، بس عادى جدا برضو ان عدم فعلك للصح الى بتدعمه قوى يشكك فى نواياك، لان لو الموضوع مفيد وفيه مصلحة وقابل للتطبيق، معملتوش انت ليه؟، واوقات كتير الكلام ده بيكون وصاية وتحكم وحشرية وتجاهل لحياة الآخر الى مش لازم تعرفها، فطبيعى يقولوا خليك فى نفسك.
هل تدر هواياتك دخلاً ماديًا ، أم عليك أن تنفق مدخراتك عليها؟ 😅
طول حياتى بنفق انا بس، بس مش لدرجة مدخراتى عليهم يعنى xD، بس لما اشتغلت فى الترجمة، بقيت مع حاجات بتستهوينى، وكله شغل
كم طولك؟
152
هل الاجتهاد في الثانويه العامه مهم ولا كل زى بعضه ؟
الاجتهاد مهم عموما ايا كان، لو ماجتهدتش -فى اى شىء- مش هتروح اى حتة
صباح الخير إيه حلو في حياة الراجل يخلينا نطلب نتساوى بيه؟
طب تخيل بقى تكون حياتك اقل من القليل الى مش عاجب حد فعلا 🤷🏻♀️
"ليس عليك أن تحاول في كل مرة من أجل الشيء نفسه، الإفلات حل أيضًا."
عندك حق
Liked by:
DEMON
موبايلك صامت وانت نايم ولا بتسيبه عادي
مضبوط دائما ع الفايبريشن، لما بنام بخليه flight mode
اللي بيكسب نفسه مابيخسرش حاجه
الى لفت نظرى فى الجملة، الى هى تعبير عاطفى طبيعى تماما ومفهوم، ان اه الانسان لازم يكسب نفسه، ويقدرها، بس بجد ما هى نفسه ده ايه؟ معطى من المعطيات، نقول كسبانه لنفسه هو الراحة والكرامة والحرية مثلا؟ عادى قد يخسر قدام الحدود مساحات وقدام الراحة فرص وقدام الحرية امان وذكريات.. فيعنى، مشاعرنا طبيعية لو حسينا بالخسارة على اى شىء، حتى لو الافضل لنا عدم وجوده، مش لازم ننكر ده عشان نكون قدرنا نفسنا، النقطة اننا نركز بس اى المكاسب اهم، وهنتعامل مع الخسارة ازاى.
Liked by:
نُورْ
بتدي فرصة تانية؟
على حسب، بعدين اوقات بتدى وانت مجبر، واوقات مبتديش وانت كنت عايز.
بتعمل ايه؟
كنت بتفرج على احدب نوتردام مع ماما
لو صاحبتى هتتخطب لشخص مش كويس اعرفها ولا ماليش دعوة بالموضوع
الموضوع فيه اسئلة؛ زى مش كويس قد ايه، ولا ما يمكن مش كويس واتغير، وصاحبتك قريبة منك تفهم نيتك ومتعتبرهاش تقليل او غيرة مثلا ولا لا؟.. عموما، من رأيى تعرفيها باسلوب كويس على اى حال، وحتى لو هتتأقلم وتتقبل الامر، بس ع الاقل تبقى عملتى الى عليكى، وكده كده لو خسرتك عشان حاجة زى ده تبقى هى الغلطانة، انما لو معرفتيهاش وعرفت بعدين هتكونى انت الغلطانة.
سبب منطقي انك ترفضي واحد عشان بيشرب سجاير؟
بالنسبة للمجتمع الى الاغلب فيه بيشربوا وده مقبول اجتماعيا، يمكن ستاندرد عالى شوية، بس اه عاد، فعلى سبيل المثال التدخين السلبى مضر، مش هحب اعيش مع حد الكربون ملتصق فيه وفى ملابسه وفى الاثاث ويسببلى ضرر، كما ان عادة سبب البدء فيه مشاكل غضب وتحكم فى الاعصاب وقلق، افضل نتكلم فيهم الاول عن انى اعتبرها عادة تسلية عابرة، واقلق جامد لو هيقلبوا عليا، لو قيم الشخص مختلفة مثلا عنى :"D
Liked by:
نُورْ
سؤال مش عارفة اسأله لحد .. انا عندي سكر هل انا ممكن اتحب في يوم من الايام بجد هل حد هيقدر الحب والحنية اللي في قلبي دي هل ممكن حد هيقبل بيا وهيتحمل يشاركني تعبي وظروفي ويقبل اني اكون شريكة حياته
ربنا يسعدك يا حبيبتى ويديكى الصحة، بس عايزة اقولك حاجتين:
متشوفيش الموضوع كعقبة جامدة تقلل من قيمتك جامد وتزعلك قوى قوى كده، اساسا كتير عندهم امراض مزمنة مختلفة وبيعيشوا حياتهم عادى، وطول ما بتحافظى على نفسك قد المستطاع هتعيشى كويسة، فمتحسسيش نفسك زيادة ولا تحسسى الى حواليكى ان الموضوع قاتل ومقفل الدنيا..
وحاولى متفكريش بشكل حالم قوى فى العلاقات، انت مش مختلفة عن اى حد، اغلب الناس بتحس المشاعر ده، بس اساسا لا الى معاكى هيكون ملاك كامل متستحقيهوش ولا انت هتكونى عبء، واصلا ولا كل الناس بتتجوز عن قصص حب افلام ففى ابواب كتير فى العادى، فمتقلقيش من المستقبل ازيد من الى يستحقه، وباذن الله ربنا يعملك الى فيه الخير.
متشوفيش الموضوع كعقبة جامدة تقلل من قيمتك جامد وتزعلك قوى قوى كده، اساسا كتير عندهم امراض مزمنة مختلفة وبيعيشوا حياتهم عادى، وطول ما بتحافظى على نفسك قد المستطاع هتعيشى كويسة، فمتحسسيش نفسك زيادة ولا تحسسى الى حواليكى ان الموضوع قاتل ومقفل الدنيا..
وحاولى متفكريش بشكل حالم قوى فى العلاقات، انت مش مختلفة عن اى حد، اغلب الناس بتحس المشاعر ده، بس اساسا لا الى معاكى هيكون ملاك كامل متستحقيهوش ولا انت هتكونى عبء، واصلا ولا كل الناس بتتجوز عن قصص حب افلام ففى ابواب كتير فى العادى، فمتقلقيش من المستقبل ازيد من الى يستحقه، وباذن الله ربنا يعملك الى فيه الخير.
أنا منتقبة لبسي كله أسود لكن لاني بشتغل و بخرج على طول بدأت أحس باكتئاب من اللون و اكره الخروج علشان ملبسوش هل فعلا كثرة لبس اللون الأسود ممكن يسبب إكتئاب
مش عارفة، بس المهم نظرتك للون، وواضح انك مش مرتاحة والموضوع مأثر فيكى جامد، فلو مفيش مانع غيريه او غيرى شكل الى بتلبسيه عليه والخيارات كتير، ولو فى يبقى حاولى تفكرى انت لابساه اصلا ليه وليه باللون ده بالتحديد وحاولى تشجعى نفسك.
Can i fix him?
مم مبحبش اقول كلام ع الهوا، بس بنسبة محترمة جدا لا (وبنسبة محترمة قد نختلف على معنى الفيكسينج اصلا وهل حياتكم زى بعضها ولا لا وحتة حرية الارادة، ثم نسبة صغيرة هنتكلم عن المساندة والدعم الطبيعين بقى)
راضي عن نفسك الفتره دي؟
للامانة حتى روح التقييم مش عندى الفترة ده، حاسة عادى مبفكرش فى الامر، بس الحياة مش مرتبة وماشيين بس، فهعتبر الاجابة لا.
Liked by:
Mo3z
Next
