المنظومة كلها فيها خلل. بس تعاطفى مع الم الفقير مش معناه نكران تعب الى عرف ازاى يتصنع الدواء و صنعه و نقله و باعه، و مش مفترض استنى منهم تنازل فى حقوقهم خاصة بعد ارتفاع اسعار كل شىء عشان حد اخد فعلا الخدمة و المجهود .. تجاريا. الى اقدر اعلق عليه بس هو الاشخاص الى بيستغلوا فعلا الاوضاع المادية للفقراء و يتعاملوا بجشع مبالغ فيه. ربنا يصلح الاحوال.
*الواقع الافتراضى*
ايه اللى يثبتلك انك عايش فالواقع اللحقيقى او اللى انتا متخيله حقيقى
ممكن يكون هوا واقع افتراضى وانتا عايش جواه ولانك جزء منه متقدرش تثبت انه مش حقيقى يعنى انتا ممكن تكون عايش جوه لعبة فيديو او ده فيلم والمؤلف اللى كاتبلك شخصيتك او انتا فكورة مخترعها ساحر وبيتفرج عليك! اثبت العكس
مين اصلا عارف كل الحقيقة عشان يقدر يقول ان وجهته عن العالم الحقيقة؟ و مين قال ان فعلا الانسان كمخلوق مخيّر وسط تسيره مش فى فكره مشابه لكده بالفعل؟ مش هتفرق كتير. وقتها هتفضل نفس اعتراضاتى هى هى على نفس قوانين السيستم، حتى لو فى خلاف فى مسألة الوعى :"p.
كوننا نساء و رجال اصلا نفس الفكرة بطريقة مصغرة. غالبا احنا مولودين مش فاهمين بعض كليا، حتى لو كنا بنفس اللغة فى كل اللغات المحكية و المكتوبة. بس الى بيعثروا على ترجمة بسيطة صادقة -مش ضرورى لغوية- ينقلوها لقلوب الاخريين بس الى بينجحوا يفهموا و يحسوا كمان.. فعدا ذلك انتبهوا انها الحرب xD
الشخص بياخد الفيد باك من اول الكلام ولا من اخره ؟؟
بمعنى تانى لو انا بوصفلك تجربتى مع حاجة وقولتلك الحلو فيها الاول وبعدين الوحش
ايه اللى هياثر معاكى وهيبقا انطباعك عن الحاجة الوحش ولا الحلو ؟
حسب كل موقف. فى كلام حلو بيبان متزوق بزيادة، و كلام وحش بيبان مصطنع و فيه كره شخصى. فانا هاخد غالبا الانطباع -لو خدت- من طريقة كلامك نفسها ?.
بس خطوة الجواز ده كبيرة قوى انا مش عارفة لسه قوى كمان
ده سبب عشان كده سألتك لو كنتى جد :"D حبيت اجيبها بس من ناحية ترضى الكل دينيا و اجتماعيا، و تبين نيتك من الاول.لانك متعرفيهوش. لو الموضوع بينكم بس ممكن ينعكس عليكى يضرك، يدمرك لو طلع وحش، او يضره هو لما تكتشفى حقيقة مشاعرك، او يضر كلاكم و يحطكم فى خانة متستحقوهاش. نسبة قليلة الى ممكن يبادلك المشاعر و فى نفس الوقت يحتفظ بحدوده وتبقوا مع بعض، فمتلقيش نفسك و خلاص. اتأكدى الاول انك فعلا عايزة تأخدى الخطوة ده، و انه مش مجرد اعجاب سطحى هيزول، بعد كده مش هتندمى على شىء.. او تحاولى عشان مشاعرك الى تستحق المحاولة.. حتى لو تعبتى شوية الصراحة xD.
لو بتحبوا حد ممكن تعترفى له انت؟ لو اه ازاى؟
بصى، كرولا سيبك منى لانى اصلا اشك حاليا انى هوصل لنتيجة انى بحبه واتحرك x'D بس الافضل لو انت عايزة فعلا ترتاحى متوقفيش دماغك على حد و تعلقى نفسك على الفاضى وسيبك من افكار الفراغ العاطفى وكونى جد، انت جد؟ . لو اه يبقى عرفى حد مسئول "عاقل" يكلمه عليكى، ده حلال و مريح للطرفين و مفيهوش احراج. لان لو قلت اعترفى بنفسك - خصوصا كبنت - هتفتحى على نفسك باب مش لطيف و متضمنيش هيتصرف ازاى او شخصيته ازاى فى العموم، على الاقل لو مش معرفة، فحاولى تتقى الشبهات. ربنا يهديكى و يجمعكم لما فيه الخير يا حبيبتى ?