هو مباعوش بتسعين زلة، هو باعه من اللحظة الى بدأ فيها يعد :). اعتقد انت مش بتقدر القيمة بتاعت الشخص بذاته و يغلط زى م يغلط، لان صوابعك مش زى بعضها اصلا، انت بتبدأ تفهم انك لازم تبعد عنهم فى اللحظة الى بتحس فيها انك متقدرتش بعدها تسامح، و هما مبيتغيروش "3.
لو حد علاقتك بيه اتقطعت وعرفت بعد فتره ان الشخص ده محتاجلك ممكن ترجعله ؟ولا لأ
اه، غالبا هبقى ناسية من قبلها اصلا سبب خلافنا و حاسة انى مقفولة او متضايقة منه مش زعلانة، ف هحاول اساعده بالى اقدر عليه تلقائيا. بعدين تدريجيا هنرجع نتصرف على طبيعتنا احنا الاثنين و الى عايز يعمل حاجة يعملها.
"هل تؤيد فترة الخطبه القصيره ام الطويله" لماذا اخترت هذا ؟؟
#تكناوي
الطويلة عشان الصفات بتبان من المعاشرة. صحيح الخطوبة غالبا بتبقى فترة شعارات براقة و تجميل عند الكل، بس على الاقل كل م طالت كل م تضمن ان مستقبلك ظع الى قدامك حلو.
Cultural shock لما اتكلمت فى السامر كامب عن سبب دخولى المدرسة كنت مختلفة و غريبة.. يمكن يكون حد منهم حس انى بجذب الانتباه وبحاول اقول حاجة غير "مفيش دروس" و "هاخد منحة"، و حد صدق الى بقوله لانى مكنتش استعراضية، بس الاكيد انى كنت حاسة بالالم. من الخوف انى اكون مش فى مكانى الصح و خدت مكان حد يستحقه. كان احساسى بالذنب تجاه شخص عايز يطلع مثلا عالم و مدخلش المدرسة بسبب انى سبقته فى اختبار القبول مع انى مش حابة لا S و لا T و لا E و حتى M مضايقنى، كان فى تأنيب ضمير قوى مخلينى حاسة انى ماستحقش اكون فى المدرسة. انك تبقى اقل واحد مهتم بالعلم فى وسط علمى و ناس عندها الشغف.. مع ذلك اكثر واحد متفائل و كلهم بيسيبوا اهدافهم و خايفين و هيحولوا!! انا كنت حاسة بالانزعاج!... كل مرة بيتكلموا فيها عن خوفهم من التنسيق و الكليات و انا مش حاسة بالاهتمام الى هما فيه كان واجعنى! و كل مرة برضو يحسوا ان فى حاجة صعبة او يبذلوا جهدهم فى حفظ كلمات مثلا و انا فاهماها كنت بحس بالندم... انا عندى حاجة ماستحقهاش و الى عايزها مش عنده!.. حتى لما فكرت ادخل الاتحاد فكرت ادخل عشان مش هتفرق معايا درجاتى لكن هما هيهتموا بمستقبلهم.. كل مسابقة بيتكلموا عنها و يقولوا لازم نبقى نشارك اقول مش عارفة ببقى متضايقة لانى يا هخسر ذاتى و امشى مع التيار... يا هقف متأنبة من نفسى قبل اى حد برا. انا كنت بفكر كتير من اول يوم..لذلك، فى السامر كامب كنت هادية... "نايمة" بمعنى اصح.. اقصى من تشجيع شخص ما مش فاكرة اسمه بيعيط و الهزار معاه عشان ميحولش مش بعمل، مش بتشاغب غير لما حد يحاول يحتك بيها، مش بعيط حتى... و مش بخرج من اوضتى خالص لدرجة انى تهت فى طريق رجوعى ليها اول مرة خرجت xD.
كبير على الاطفال و صغير على الكبار، متشتت مش لاقى نفسه بمعنى اخر، و فكرة انه يخرج من ظل طفولته بمتعتها و يلاقى نفسه بنضج و الى محتاجه بجد مش احلام اطفال صعبة، و مش كلنا بيقدر يحفر لنفسه مكان و يثبت نفسه :).
هم طلعت/ي مرةة الاول بلمدرسةة❓? وشنو جانت الهديةة.
مكنتش باخد حاجة مميزة غير مثلا خروجة هتتخرج كده كده او فلوس لان الموضوع كان كل سنين عمرى فى كل المجالات الى بحبها لحد م دخلت مدرستى العزيزة للمتفوقين ?....
الحياة متخلقتش عشان تبقى مثالية، الفكرة ف سعينا للمثالية ده ?. ف انا ممكن اخلى الناس متبقاش سلبية و انانية حتى لو تعبت بس عشان تقدر تصلح و توصل، صباااحك فل ??
تختارى ايه بين حب حبيبك و الانترنت و الناس لو مش ينفع تختارى الاثنين؟؟؟
ومش هينفع اختار الاثنين ليه؟ انا هفضّل ف الطبيعى علاقتى السوية ب "زوجى" على النت، وممكن ابعد عن الناس شوية بس اهتم ان البيت كويس و مبسوطين كعائلة سوا و علاقتنا حلوة و سوية، بس ده بمزاجى و بحكم مسئوليات بيتى الى هيبقى عنده زيها برضو، مش لانى خُيرت بينه و بين الناس.. لانى طبعا هفضل على اتصال مع اصحابى، ومش هعزل نفسى عن الحياة و ماكونش نفسى عشان حد حتى لو غالى و هو كمان. نصيحة فهميه انك هتوازنى بين الامرين، اما لو انت مستعدة تختارى.. فاختارى الى يريحك حسب شخصيتك، بس افتكرى انه ممكن يسيبك ف النهاية و تبقى وحيدة بعد م خسرتى كل الناس و نفسك قبلهم، وممكن يكون بيبعدك عن بيئة مش كويسة انت فيها مؤقتا لحد متلاقى ناس كويسين.. شوفى انت حياتك و اختارى حسب مفاهيمك انت.