و ممكن يبقى عنوان الشياكة للى عايزينه، بس الفكرة فى الاستعمال، اللون ملوش ذنب.
Who do you want to be?!
well, I'm more forced - than wanted -"to be" here, whatever this "be" is. so, I don't really care.×~ Maybe a person who is comfortable and satisfied , ?.
عامة لولا معرفتك لحقيقة الفناء ما كان للحياة عندك اى قيمة،، بس معتقدش فى حد فعليا بيخلد كله، لان كل واحد بيخلّد فى دماغه الشىء الى بس عايز يخلده عنك.. يمكن من اعمالك او افكارك و تأثيراتك على الاخرين، او ربما نواياك او حتى تحميلك ذنب ما، لا اعلم بالضبط لكن الاسباب كتير. لكن الاكيد ان كل واحد فينا له بيت تانى فى قلوب الى بيحبوه،.
والله هو انا عملت كتير، بس يحضرنى دلوقتى لما رجعت مع @Ramooza27 من الاقصر متأخرة و ورانا تاجر مخدرات فى القطر، و قعدت اتناقش معاه فى رأي العلم و الدين فى اجبار الاطفال على التدخين ?????????
من غير الشر معنى الخير ملوش معنى، بس الله اعلم الحقيقة. يمكن المنطق بيقول ان وقتها الشر هيبقى النفس امارة للسوء، و يمكن برضو عشان كده الواحد مفروض يدعى دائما " اللهم اعنى علىّ فانى عدوى و انت العليم بكل الخفايا"،.
سمعتنى ذكرت قبل كده ان الصفة الاساسية فى الانسان الانانية؟ اظنها للدقة الاساسية فى الكائنات جميعا، و بيظهر ده بالذات فى لحظات صراعات البقاء. نسبيا تصورك عن الفيديو بفكرة "الانسان الوحش" فيه نظرة تعالى على الطبيعة و تعظيم لقدراتنا البشرية، انا مش برر شىء .. او بقول ان الانسان ماستغلش غيره، بس ليس وكأننا من صنعنا قوانين العالم "البقاء للاقوى" فخدنا منهم الى نقدر ننتفع بيه بكل قسوة ورميناهم *حتى لو ده الى بيحصل*، بل ان سلسلة الانتخاب الطبيعى و تمرير الطاقة و الحلقات حاجة طبيعية سواء من الانسان او غيره والانسان نفسه كمان من ضمنها. وحتى لو كنا معترضين او شايفين ان النظام ده "سادى"، مش ده من قوانين السيستم؟!انا طبعا -سواء كنا الحيوان الارقى او لا - ضد انك تعذب اى كائن آخر، حتى لو وانت بتستخدمه -لان ملهاش تعبير غير كده، و انك متستغلوش بلا سبب وجيه او هدر او تضره بلا هدف، وتحاول متضرش على قد م تقدر، و تراعى اعداده و تناقصه و تشوف له موارد و حياة امنة طول فترة حياته او تسيبه فى حاله، بس للى عنده عقل.. بس عامة منقدرش ننكر، كلنا استغلاليين و لا استثنى احدا :)المقاطع الباقية بكل اسقاطاتها وافكارها الاخرى اعجبتنى الحقيقة، بس كل واحد محتاج انسر لوحده اتكلم عنه.. آسفة على الرد المتأخر كنت مستنية يبقى فى واى فاى، بس شكرا جدا جدا ?
المجهول عندى تقريبا هو كل شىء، حتى فى الى عارفه فى حاجات متعرفهاش؛ حتى لو فى ادلة عليه فى كل مكان مش دائما الى شايفه صح، بس متقدرش تقول انك "متعرفوش"، حاجة زى الصندوق الاسود، مش كل حاجة "سين" فعلا كده؟ سوء النية وحش xD