@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

لو كنت صاحب مصلحه هل تحب ان يكون الك منافس بالسوق!؟ لماذا؟ ( مع العلم يوجد فوائد و سيئات للمنافسه) ------ بأقتراحك ما هي المصلحه التي تراها مناسبه في منطقتك؟

اه هحب يبقى فى معايا ناس، ليس من منطلق المنافسة اكثر "من ليه هقطع رزق حد؟" او "ليه هسلط الاضواء على نفسى لما ممكن نبقى سوا".. عدا ذلك، لا اهتم بان اكون الاولى او الافضل طالما فقط بذلت جهدى، اثق ان شغلى هيبقى مميز بذاته، وحدش بيأخد رزق حد..
بلدى انا فيها كتير حاجات ممكن تتفتح، بس اتساءل ان كنت مهتمة فى المقام الاول بيهم لدرجة فتح مشروع والاعتناء به :p
2
Liked by: ي ق ج _ 8926 _★

بسم الله نبدأ ....... كيف بدك تحكي لشخص ماخذ منك مبلغ من المال أنو يرجعلك المال بدون ما تحرجه!!

انا شخصيا هتحرج اطلب - ان مكنتش نسيت - فحاسة احساسك، ممكن تفتح الموضوع او موضوع قريب منه او تفكره بالمناسبة الى خد فيها الفلوس وهو هيفتكر لوحده ?
2
Liked by: ي ق ج _ 8926 _★

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

مع ام ضد جواز الصالونات؟

هو وسيلة مشروعة من وسائل التعارف، المهم يبقى فى خطوبة تعرفه فيها متعتمدش بس على السمعة.
1

ازاي افتح صفحه جديدة ف حياتي خالية من الذنوب وكيف اجعل المولى عز جل ان يغفر لي ما مضى ويبدل ذنوبي حسنات

اعتقد اهم شىء النية، فنيتك انك تتوب توبة نصوحة لوحدها بداية لصفحة جديدة.
فمتخليش حماس مشاعرك الحلوة يجرفك جامد ثم يخلص فى يومين وتنتكس مثلا، لان "خالية من الذنوب" ده حاجة مستحيلة تقريبا، فلا تقسو على نفسك، وخد نفسك بالتدريج..
اهتم بالصلاة فى وقتها، بر والديك لو عايشين، ابتعد عن اصدقاء السوء و بدلهم بصحبة اصلح، استغفر وادعى ربنا، حاول مثلا تبدل الاغانى باستماع اكثر للقرآن، خصص ورد معين، اقرأ الاذكار، اعتذر لو فى اساءة سابقة و اطلب العفو عشان ربنا مش بيسامح بحقوق العباد، كون هين ولين فى القول، مبتسم فى وجه الناس، وداعى لربنا فى كل قول وفعل.
ربنا يهديك ويريح بالك ❤❤
1
Liked by: Rony El Khawaga

وردة ولا خاتم الماظ ؟

كلاهم سيان، على حسب معناها وطريقة التقديم.
بس مننساش لو الاثنين ملهمش قيمة معنوية، الخاتم يتباع بالف وردة!
2
Liked by: ي ق ج _ 8926 _★ هَاچِر

ايه القرار أو المبدأ ال عمرك ما هتغيره او تفرط فيه وتفضل ثابت عليه مهما حصل ؟

مش عارفة.
الواقعية بتقول ان دائما فى احتمالية تغيير للتأقلم، قيود هاوية ان الانسان يحاول يحط لنفسه حدود، او خطوط حمراء يستحيل تغيرها، او افكار ويقدسها بلا نقد ايا كانت هى ايه، او يستعمل مصلحات "الابدية" باشكالها عامة، لان الصح يعبّر على قد اللحظة لو مقتنع بيها فى لحظتها، بس يكون عارف انه هو نفسه مش دائما نفس الشخص!
"نحن اولاد اللحظة".
طول م انت ماشى فى حياتك، معارفك بتزيد، ونضجك بيزيد، وخبراتك بتزيد، ودوايرك بتوسع، والجمود وحش، كل فكرة فى العالم ده عرضة انها تكون غلط، وكل حاجة كنت بتنتقدها ممكن تعملها، وكل حاجة رفضتها بقسوة فى يوم يمكن الى بعده تفهم انها الصح، و من منطلق ان انت ممكن تبقى غلط، فالطبيعي أساسا انك تغير آراءك بإستمرار مش انك تثبت، والا انت كده مبتتحركش.
لازم تبقى مرن ومتفهم ان فى كل شىء نسبة من الصحة، وانك لازم تغير رأيك او تعدله لو اتضحلك ان نسبة خطؤه تكبر من نسبة صحته، وتكون مستعد لاعتناق فكرة تانية لو اتضحلك إن الرأى تانى أكثر عقلانية.
الشاذ انك تستمر متمسك برأي واحد ، بفكر واحد، برتم واحد، بنظرة واحدة لنفس الموضوع بدون تغيير.. لكن الاكثر شذوذا انك تفخر بانك جامد.. او تبقى مرعوب من احتمال انك تغير رأيك!
اعتقد ان شرح ده بيتلخص فى اقتباس عماد ابو الفتوح: "انت ناضج طول ما انت عندك القدرة انك تغيّر آراءك وتطوّرها.. انت جاهل طول ما انت متخيل أن ثبات الرأي هو قمة النضج"، او حتى الاقتباس الشهير الى فيما معناه ان المرء يظل حكيما طالما يبحث عن الحكمة، وعندما يظن انه يملك الحكمة جهل.
ويمكن عشان كده دائما بنقول:
"يا مقلب القلوب، ثبت قلبى على دينك".

View more

3
Liked by: Noha Basuni ي ق ج _ 8926 _★ ايمان مش نجم

Next

Language: English

4.1

1,266,418 reviews
© Ask.fm 2024