@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.

"لو لقاها مناسبة" ازاى؟
مش عارفة هل قصدك هل ممكن حد يرفض خوفا من الارتباط نفسه ان هو كان عايز يكون فى مشاكل؟ - وهو ممكن- ولا قصدك هل ممكن حد يلاقى بنت مناسبة ويرفضها؟ - وهو ممكن. كل حاجة ممكنة xD
2
Liked by: Sondos ali DEMON
+7 answers Read more

اعمل ايه لما احس باكتئاب؟ زي activities وكدا.

لنتفق الاول بس ان اكتئاب "وجود مشكلة محتاجة تتحل"، غير الاكتئاب كاكتئاب كبير محتاج علاج على المدى البعيد مع تغيير طريقة تفكير الشخص واسلوب نظرته للدنيا، غير مود او مزاج اكتئابى بسيط مش حابينه يتطور لشىء اقوى..
:انا هفترض المتوسط، واقول متقعدش لوحدك -الا لو هتقرأ قرآن مثلا او تصفى ذهنك فعلا وكده، يفضل تتكلم وتهزر وتسمع وتختلط بناس -حتى لو شايف ده بلا جدوى او معندكش طاقة للناس دلوقتى- بس ده هيخفف من تركيز تفكيرك السلبى على نفسك وع الدنيا ويشتت القلق ويحسن مزاجك ويحسسك بالدعم كتير ويديك مواضيع مختلفة اخرى تفكر فيها.. لو مش هتعرف تقابل حد خالص دلوقتى ممكن تفتح برامج منوعات قديمة، هتحس بالالفة والونس ونفس الفكرة، او تفتح فيلم عائلى مثلا وتفكر فيه..
وحاول عموما تنظم المكان الى انت فيه وتنظفه كويس، ده بيدى احساس اكثر بالراحة والاستقرار، وانت شخصيا ممكن تنتعش اكتر لو اخدت دش بسيط وشغلت بخور مثلا واعتنيت بنفسك شوية، ثم ممكن تدور على صور حيوانات اليفة او حاجات طبيعية او طريفة نتفرج عليها تضحكك وتحسسك ان قلبك دافىء وتقلل الوحشة، او تنزل تتمشى وتغير جو ومشهد او تفتح البلكونة.
وحتى لو اكتئابك نابع من شعور بالركود وعدم الرغبة فى عمل اى حاجة او عدم القدرة على الانجاز، شغل موسيقى وقوم ارقص معاها، يفضل تكون حماسية، او بشكل اشمل العب رياضة واتحرك واعرق طاقة عموما هتريحك جدا بعد ما تخلص ومش هيبقى فى طاقة نستهلكها فى كراهية الذات مثلا، او اجبر نفسك تنجز حاجة حتى لو بسيطة، تحسسك انك بتعمل شىء، زى مثلا تصلح حاجة بايظة او تكمل مهمة ناقصة او تجرب تعمل اكلة جديدة، كده.
تجنب بس اهم شىء الركود او الاستسلام لفكرة ان "عارف النتيجة" او "ده كله مش مهم" او مفيش فائدة او اقعد ع السوشيال ميديا اسهل الخ، خد خطوة وباذن الله تحس مزاجك افضل، حاسسها حالة عامة مستمرة بلا سبب، استشر اخصائى. وربنا معك.

View more

اي اقتراحات هدايا لعيد الام؟

لو مكانتش قبل كده عايزة شىء محدد كان نفسها فيه، او مش عندها حاجة ناقصة تكملها - طقم محتاج شنطة مثلا، ممكن تجيب طرح بتكون بسيطة فى الاختيار ومش هتراعى مقاسات قد الهدوم وتنفع على كذا حاجة، او ممكن تجيب منتجات للعناية بالبشرة غالبا هتحبهم لو بتحب الحاجات ده، وممكن لو بتحب تشرب قهوة تجيب لها فنجان شيك متزين مخصوص لها، او لو بتقدر الرمزيات والذكريات وكده تعملها بورتريه فى برواز اعتقد هتحبه، او صورة عائلية كبيرة وتتعلق، لو تقدر ممكن تجيب مثلا لها حاجة حلوة فى البيت/او تعملها واحتفلوا بيها اعتقد الجو نفسه هيبسطها.
وعلى كل حال لو ينفع نحاول شوية نبعد عن الحاجات الى لها علاقة بالبيت او المطبخ او كلنا هنستعملها بشكل عام مش الام نفسها وراحتها، بس لو قررت تجيب لها شىء كده يساعدها هيكون لطف منك برضو لو جبت معاه وردة او حاجة مخصوصة لها. وكل سنة والامهات كلهن بخير يارب 💗

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

انا نفس اللي سالت السؤال الاول، قصدي انه هل مرور الكثير من الوقت يقتل مشاعر الحب العاطفي بين الطرفين؟ اذا كان احد الطرفين جفى (من الجفاء) او قب اهتمامه مثلا بالاخر؟

والله، هو اى حد ممكن يرجع، وممكن لا.. يعنى زى ما قلت يرجع حنين، يرجع عشان مش هيلاقى الى كان عنده، يرجع عشان حس انه غلط، يرجع عشان حتى كان بيختبر الى معاه، يرجع عشان كان عنده مشاكل، بس ما يرجع! مش ده المهم.. المهم انه مشى خلاص، واعتمد فى علاقته مع الطرف التانى على اهواءه، مش العشرة او الالتزام بينكم انه حتى يقفل الامور بطريقة لائقة جافية.
فاحنا هنا المهم نتكلم عن نفسنا، يعنى عن حب غير متبادل من الطرف الى باقى على العلاقة لسه -طالما جزمنا ان خلاص الطرف التانى فقد مشاعره- مش فى هل الى مشى هيرجع ولا لا..
فبتكون اخيارات المتاحة فى الموقف ده حسب وضع وظروف وعلاقة وامكانيات كل واحد:
يا تحاول تصلح وتمسك فيه وتنبهه بقيمتك وتنقذ ما يمكن انقاذه فى حدود المعقول وكله عشان نفسك اولا واخيرا، وده بتبقى لما يبقى الدنيا كبيرة زى اسرة واولاد وعمر مثلا والشغف مش بس كل حاجة،
يا تتعامل مع الواقع وتفكر: هل يمكنك التخلص من مشاعرك للحد الى يخليك تعرف تكمل حياتك؟ وده بالوقت والتعايش اه. ويمكن لما تبعدوا هتقييم الامور بعين عقلانية اكتر كمان.

View more

1
Liked by: iLIKEcereal13

What was the hardest thing you went through in life, and how did you get past it?

I can name few but Idk what to pinpoint as the hardest, so say it's "being born" itself and its consequences I guess.. and here we are, doing what we can, hopefully till the end~ :)
1

إيه المشروب اللي مينفعش يومك يعدي من غير ماتشربه")

هما اتنين: الماية والمر. xd

انا في رليشن مع شخص بحبه. اتعاملت موخرا مع شخص تاني. انا حاسس ان فيه اعجاب مني تجاهه. انا رافض دا. بس مش انا المتحكم في المشاعر الخارجة. انا بحاول اكبح المشاعر دي. لكن دا بيحسسني بالذنب. اني بظلم الشخص الل معايا. فهل طبيعى ال انا بحسه؟ وهل للموضوع دا حل؟

الناس داخل اى علاقة هم جزء من الدنيا مش منعزلين عنها، فطبيعى تقابلوا ناس اخرين وتعجبوا بمميزاتهم كمان، ده مش عشان انت بالضرورة مش بتحب الى انت معه، بس ده برضو ميساويش ابدا علاقة مستقرة وروابط موجودة بالفعل،
فالمش عادل والى يحسس بالذنب هو اننا نتمادى بوعى واحنا لسه عايزين علاقتنا القديمة كما هى، ده الى تحاسب نفسك عليه.
طب الحل؟
فى العلاقات، الجزء الى بعد الانجذاب الرومانسى مباشرة اسمه الالتزام، فطالما الشخص الى انت معه بينكم علاقة تفاهم متبادل واسس مشتركة، يبقى اهم شىء تقنع نفسك انك بتختاره وانه يستحق الاختيار ده وان حياتكم سوا ذات قيمة عندك وميتضحاش بيها عشان مشاعر بسيطة، فتحاول توقف المشتتات الاخرى -والى طبيعى تتواجد خصوصا لو فى خلاف او فتور نحاول نعالجهم- وتركز تحسن العلاقة المبنية الى قدامك.
اقتراحات: نحاول نبعد عن الفرد التالت مؤقتا قدر المستطاع، نحاول منهزرش معاه كتير، منحاولش نديه تلميحات تخليه هو كمان يتضرر مننا، لو فكرنا فى مميزاته مثلا نعدد مميزات اخرى فى الشخص الى بنحبه، نفكر فى ذكرياتنا وحياتنا سوا، نتحاور معاه فى فى مشاكل علاقتنا لو فى، الخ.
طب حصل وكان فى خلافات او عدم توافق بينكم لا يمكن حلهم، وانت معه بس عشان ذكرياتكم، لكن بالفعل شايف ان الافضل تنفصلوا وتبدأ علاقة اخرى من جديد بعيد؟ تمام اعملها، بالواقع من غير حتى ما تتعرف على حد جديد..
هل تعرفك على حد جديد هيبقى ظلم للى انت معاه؟ هو اكيد شىء محزن له، بس انت على الاقل واجهته سريعا بالحقيقة واديته فرصة يختار ومكنتش بتكدب عليه وتصطنع مشاعر، وكده كده انت مبقتش تحبه زى زمان.. بس لو خدت القرار ده حاسب متكونش ده الحقيقة، والعلاقات عموما اكتر من مجرد الاعجاب.
الحاجات زى ده الانسان لازم يجاوب لنفسه، ربنا يساعدك ويرشدك للخير.

View more

+1 answer in: “موجودة؟”

Is interrupting people harmful? If so, why?

بشكل عام يعنى مش من الذوق، لانك قد تحرجه، او تفتح كذا موضوع تشتته وتجبره ميكملش تسلسل افكاره ويرد عليك، وممكن تنسيه الى بيقوله، او تأخد الحوار لجزء غير الى بتتكلموا فيه مثلا.
بس ده لا ينفى انه ممكن يكون سبب ترجع الى بيتكلم للموضوع الاصلى لو هو اسهب غلط فبيضيع وقت، او لو خلط مواضيع ببعض - طالما هى مش مناظرة مثلا لك حق الرد فى الاخر على كل حرف - او كان بيستعمل مصادر غلط، او تنبهه يشرح اجزاء ماداهاش حقها، او تقاطعه عن افشاء معلومات مفترض متتقالش، وهكذا.
الشىء مضر او مفيد حسب استخدامه.
2
5

If reincarnation exists, what kind of creature would you like to be in your next life?

اتمنى تكون ده حياتى النهائية واوصل للنيرفانا، مع ان -تحريا للواقع- اعرف ان فى حياتى الحالية ده انا فى سلام نوعا ما اه، بس عادى فى تفاعل من جهتى مع الدنيا ورغبات وتطلعات ومخاوف، فنوعا ما متمسكة بالحياة وبدى ايموشنز -وده صحى، بس، فربما لست قريبة منها حاليا بالمعنى الكامل، او لا اعرف، بس هى هدف جميل..
1
Liked by: Muhammad Medhat

ازاي اتخلص م ادمان السوشال ميديا انا قليل لما بشارك بس بمسك التليفون وقت كتير قد يشغلني عن شغلي ؟

ممكن اديك نصائح بسيطة، بس مهم تعرف ان مفيش حاجة بتصلح نفسها لوحدها بسرعة، المهم عزيمتك انت ورغبتك فعلا انك تقلل العادة الغلط وتعمل مكانها شىء افيد وتبدأ من دلوقتى مش كمان شوية..
ممكن مثلا لما تيجى تشتغل خلى الموبايل بعيد عن مرمى نظرك والنوتيفكشنز سايلت او مقفولة، ده هيخليك اكثر قدرة على التركيز شوية، بس لما تأخد راحة متبصش فى الموبايل طالما شغلك مخلصش عشان متنشغلش فيه وفى الرد على الناس وتتشجع على الكسل، ممكن تتحرك او تتمشى او تعمل شىء اخر يرجعلك نشاطك بس وافتح موبايلك فى اوقات الفراغ الاخرى او اخر اليوم، وكذلك هيساعدك تغير اماكن الابلكيشنز عندك على الموبايل نفسه - لو مش هتمسحها وتفتح من الويب وقت ما تختار، فلما تيجى تفتح ابلكيشن ما فى مكانه الى انت متعود عليه وتفتح غيره هتنبه نفسك ان مفترض متفتحوش، وده هيديك دقيقة كده تراجع قرارك، بس طبعا لو فتحته بعدها هتتعود ع المكان الجديد، فمتفتحوش كتير.. وحاول تتكلم او تتفاعل مع ناس حقيقين اكتر، ده هيشغلك وقتك اكتر كمان مع الانشطة المختلفة وهيخليك مش محتاج الالكترونيات زى ما انت متخيل حالا، وربنا يوفقك يارب 🌸

View more

Would you rather forget who you were or who everyone else was?

ليس وكأننى فاكرانى قوى اصلا بس اعتقد الافضل انسى الاخرين واتعرف عليهم تانى، كده كده المهارات والخبرات تراكمية فحتى لو هم سيئين وانا بتقى شرهم هبقى كأن نفس الحاضر بقدراتها بتصلح اخطاء نفس الماضى، والخيرين خيرين دائما وهنتعامل تانى، ومحدش هيتضرر ضرر جذرى لو نسيته، او لا اعرف.
1

How can you become responsible in your relationships?

من وحى علاقات بتتكسر قدامى حالا: زى لما تحب تخرج من علاقة ما فتقول بكل صراحة -ولطف واحترام- انك عايز تمشى، مش لازم تكره الشخص الاخر فى نفسه او تشكك فى نواياه او تقلب الترابيزة عليه عشان تلاقى حجة لنفسك.. او زى لما تلاحظ مشكلة فى علاقة ما فتفكر تستفسر عنها وتصلحها وتثق فى الى معاك، قبل ما هتهدم كل حاجة.
عموما المسئولية فى العلاقات من رأيى تشمل الاخلاص والالتزام، الصدق، الرؤية للامام، الشراكة، ومحاولات الحماية والتحسين والتشجيع..
4
5

What is the most challenging part for you about communicating with others?

اعتقد استمرار الطاقة، الارتياح، وجود التفهم، والمبادلة.
2
Liked by: Sondos ali

"Our feelings are our most genuine paths to knowledge." Do you trust your feelings enough to make this statement true?

انا بحب مشاعرى وبقدرها وكتير بسمع كلام حدسى بس اعتقد لا، المشاعر بيدخل فيها الرغبات زى مجرد اُلفتك مع حاجة واستغرابك اخرى، والانحياز غير المبنى على دليل مش دائما صح، ولا هيديك المعرفة الصافية -قدر ما تقدر توصلها.
3
Liked by: Sondos ali Meh!

رولا انتي اكونتك هو المفضل عندي على أسك أنا عايشة فيه بجددد💜 Thank you for the inspiration والله you helped me ALOT

الله يسعدك ويبسطك ويحلى ايامك انت الى بسطتينى جدا 😂💓💓💓

لو حد حاسس انه detached عن العالم الخارجي أو مش حاسس بتواصل حقيقي و إن علاقاته على الرغم من انها تبان عميقة و قوية إلا إنه مش قادر يحس بالاتصال الحقيقي دا، بيكون دا بسبب ايه و هل ليه حل مثلا؟ عايزة رأيك

لا ادرى بالتحديد بصراحة، بس ممكن السبب يكون اكتئاب وفقدان المعنى، او خوف داخلى من الاتصال ده وقلة الثقة فى الاخر ففى نوع من انواع ميكانزمات الدفاع ان مش محتاجهم او بيمشى اموره عشان ميبقاش وحيد بس، او انكار للذات واهتمام باحتياجات الاخر بس فتبقى العلاقات عبء ومزيفة، او عدم تعرف عميق على الذات يخليك مش فاهم او مقدر نفسك واحتياجاتك والاخر، او نزعة مثالية اثناء النظر للامور تخليك دائما مش راضى ومنتظر افضل مش موجود، او انغماس عظيم فى الذات والى ناقصها بس، او عدم وجود اتصال حقيقى مع البيئة الى انت فيها ومفيش حد ملائم فاهمك او حاسك مثلا -بس فى امكانية يكون فى تواصل فى مكان او بيئة اخرى، مثلا وهكذا، وعلى حسب اما تستبصر داخليا المشكلة فين بنحاول نحلها قد ما نقدر وبالوقت كمان.

لو حابة اقرأ بهدف التثقيف واني ازود حصيلة معلوماتي اقرأ في مجال ايه؟ يعني ازاي انتقي الكتب اللي ترفع من مستوايا الثقافي والفكري بالذات؟ وبرضو سؤال بيدور في بالي كتير وكنت حابة اخد رأيك فيه، ازاي استثمر وقتي واحس اني مش بضيع عمري هباء؟ خصوصا إني مش لاقية شغفي في حتة ومش متميزة في إني اعمل حاجة معينة

بعتذر على التأخر فى الرد بس بصراحة ربما متكونش اجابتى مفيدة، بس عشان مابقاش بستسهل الامر محتاج اننا نقعد قعدة صحاب -او انت مع نفسك- ندردش ونتعرف سوا انت محتاجة بالفعل ايه ويلائمك ايه ومن خلال ده نقترح حاجات ونفتح ابواب ونستشير ناس بتفهم فيه على كتب لان مش هقدر افيدك بعمق، لكن عدا ذلك -عشان اكون امينة- السؤال نفسه لازم يبقى محدد رغباته ومفاهيمه الاول.
نقطة "مجال ايه" ده حسبك انت وانت عايزة ايه، وكلهم بالنهاية هيشكلوا صورة متكاملة.. بس اقدر انصحك تحاولى تكونى اكثر تفتحا وتأملية وتحاولى تستفيدى بعمق من اى حاجة، الثقافة عموما مش بس بالكتب فلو بدأتى مثلا تفكرى فى دوافعك او دوافع الاخر بشكل مجرد من الظواهر الى برا وتربطى جواهر الاشياء ببعض ويكون تفكيرك بعيد عن المغالطات المنطقية - بقترح كتاب المغلطات المنطقية عادل مصطفى هنا- وتقربى من اشخاص بتحسى لهم فكر هتحسى بفرق فى تفكيرك ونفسيتك.
بالنسبة ليا، انا مش بعتبر حصيلة المعلومات نفسها اصلا مؤشر على علو المستوى الثقافى والفكرى، وحتى كنت بعترض على فكرة "المعلومات العامة" فى اختبارات الذكاء عندنا فى محاضرة، لان بالنهاية الى اعرفه متعرفيهوش والعكس صحيح ومبيقللش ده من كلانا طالما الشىء الناقص ده قابل للتعلم - الا لو بختبر الوعى بالمحيط او الانتباه والذاكرة وغيره، وكتير عموما ناس ريكوردرز وبيحفظوا قصائد ومعلومات وغيره ويبقوا مبهرين جدا لكن معندهمش فكر او مبدأ متناسق، فمش مهم اصلا لو قرأتى كتاب وحسيتى انك مش فاكرة منه كل التفاصيل والمعلومات..
لكن مع ذلك، كثرة قراءة الكتب عن مواضيع معينة بتخلى بينك وبين مصطلحات او الفاظ معينة الفة، وبتخلى بعض الافكار تلقائية عندك وربطها بغيرها، والتشرب للافكار ده وانعكاسه ع السلوك والوعى بالذات والعالم هو الى بعتبره الثقافة.
شخصيا قبل ما اختار الكتاب او الفيلم او حتى اغنية اى شىء بقرأ عنه التعليقات وريفيوهات متخصصين نقدية، ساعات بيكتبوا كتب تكمل الكتاب ده او تناقضه او اعمال اخرى بنفس الفكرة وده بيبقى مفيد جدا. غير كده ببص على الكاتب نفسه لمحة عن حياته والبيئة بتاعته، فلو انى حسيته حد ذو فكر يبقى كتابه اضافة - حتى لو كان اعلى من مستوايا فاحاول فيه او اجيب حاجة مبسطة- انما لو ذو شهرة لكن كتابه قديم فمتعوض فى حاجة غيره او محتواه اصلا تافه او مشهور لاى سبب غير قيم بسيب الكتاب، بس على كل حال مهم تبصى على المحتويات من جوا وان الكتاب ده انت محتاجاه فعلا، ومش شرط تكملى الكتاب كل مرة المهم تتشربيه وتحسى انك بتستفيدى.
احساس انك بتضيعى وقتك احساس وحش جدا، خاصة لو كنتى بتقارنى نفسك باستمرار بالبيئة الى حواليكى -وده غلط جدا، ربما حله تأخدى حياتك نفسها كالمشروع الى بتستثمرى فيه طول الوقت بابسط الحاجات. ممكن تشترى نوتة صغيرة وتكتبى فيها خطتك الصغيرة قصيرة المدى الى تحسسك بقيمة يومك البسيط وتحاولى تنفذيها وبتشعباتها من غير قلق، على سبيل المثال: هشوف بكره فيلم كذا وهقرأ الرواية بتاعته، خلصتيهم؟ هتحسى بمشاعر مختلفة جواها وافكار وصراعات ممكن تفكرى فيها وتعكسها على واقعك وهكذا تشوف الى شبهه عن نفس التوبيك وينقلك لغيره، ولما تكتبى
عموما عن الخطط هتحسى ان لسه فى حاجات بعينها ممسوكة بايدك كمان ممكن تتعمل قدام مش الدنيا عايمة.. بس عيوب ومميزات خطط الحياة عموما انها ع المدى الطويل ومستمرة لحد ما تبقى جزء مننا، مش حل سحرى بنعمله مرة ونفضل نأخذ ثماره.
ممكن تحبيه <3 جزئية الشغف بقترح عليكى فيلم soul بتاع بيكسار

View more

2
15
Liked by: حنون وما يخون | مُلهم إحسآسِيْ Sondos ali

Does true love ever end?

مهم نسأل نفسنا الاول يعنى ايه "الحب الحقيقى" اصلا؟ وهل هنحكم عليه من داخل العلاقة وفقا لمشاعر ما واحنا منعرفش المستقبل وبالتالى هى معرضة للانكار دائما لو العلاقة انتهت،
ولا من خارج العلاقة واحنا بنتكلم بشكل عملى بحت من ناحية معنى الصح والغلط والاستفادة الشخصية لكل فرد بس فى منظور ميعرفش تفاصيل عاطفية ذاتية.
والله انا معرفش بس الاستمرار من عدمه بيعتمد على حاجات كتير سواء الحب حقيقى او مش حقيقى، زى التوجهات والاولويات والنوايا والظروف ومعنى الخير والشر عند كل فرد اصلا "ممكن اديك مخدرات عشان بحبك، وانا شايفها حلوة وهى مضرة، هنعتبر ده حب ولا مش حب؟" وهكذا، وكل تجربة فيها نسبة ذاتية.
لو هفترض ان ال true love هنا هو الارتياح والامن الروحى والتقبل، اعتقد ربما اه.
ولا اعتقد ان عشان انتهى او اتغيرنا يبقى بالضرورة مكانش زمان حقيقى او صادق او مهم او مؤثر وقت ما كان موجود بالمعطيات الى كانت موجودة.
هنا البعض ممكن يقول طب ايه فرقه عن ال fake love كده؟ شخصيا بشوف ال fake زى رغبتنا فى تملك الاخر والتحكم فيه عشان رضا انفسنا، او رغبتنا فى اذيته لو مكانش معانا -ولو ان ممكن يبقى قلة نضج او كلام انفعالى، او زى الانبهار بالى فاكرينه فيه والقوالب الى مش عايزين نطلعه منها، وهكذا من الامثلة الشبيهة والى ساعات البعض مبيأخدش باله انه مش حب صادق او غلط وبيكمل فيه وبيحبه.
بس يعنى عموما، هل يهم؟ نحاول نحافظ على مشاعرنا وعلاقاتنا قدر المستطاع من غير ما نأخدها for granted والا نكدبها، ولو حصل وانفصلنا نفتكر الحلو والوحش، كلنا بشر بالنهاية، وكل واحد وطريقه.

View more

4
5
Liked by: حنون وما يخون | مُلهم إحسآسِيْ Dina Abass

حل للتسويف في المذاكرة؟ نفسي يكون ليا شغف مع اني بحب المجال نفسه بس مش قادرة اذاكر و حليت وحش في الامتحانات اللي فاتت و محتاجة اعوض ف نفسيتي مش كويسة عشان انا فقط وسط زمايلي اللي عكيت فدخلت في دايرة سلبية مغلقة :"" تقدري تفيديني؟

الفكرة انه ستايل حياة، يعنى حل تأجيل الاشياء الصريح هو عدم تأجيلها..
اهم شىء متسيبيش لنفسك فرصة تقولى "كمان شوية" او تحسى ان الحاجات كتير حواليكى ومش عارفة تبدأى منين مثلا فتأجلى او انهم سهلين هيخلصوا فتراكمى، لا قومى فى ساعتها دلوقتى -مش هصحى من بكره اعمل كذا- وجدوليهم، مش بانك تحطى وقت للمهمة مثلا لكن انك تحددى بشكل صريح مكتوب ايه هى مهام اليوم اصلا، ثم تقسميهم جواهم على شكل اشياء بسيطة تتعمل من بداية اليوم تبدأى فيها بمجرد استيقاظك، واحدة تخلص تيجى التانية، من غير ما تزنقى نفسك ومتسيبيش راحة خالص ولا تسيبى مسافات واسعة غير ضرورية ومهام قليلة، ومتبصيش لباقى الى عليكى كل شوية عشان متكسليش، المهم انك تخلصى النهارده، وتبقى عاملة حساب المواقف الطارئة وباقى الحياة عموما، ومجرد ما تحسى انك بتعملى حاجة هتتحمسى اكتر، وحتى لو ماتحمستيش هيفضل قدامك محتاجة تخلصى ايه النهارده عشان ترضى عن نفسك وتكملى مسئوليتك، وتقدرى ببساطة تعرفى ايه هيترحل لبكره وانجزنا ايه النهارده وده افضل كتير.. وممكن تحطى هدية معينة لنفسك لو كملتى فى مذاكرتك مدة اسبوع صح مثلا.
حابة تشركى معاكى حد يحمسك ويتأكد من خط سيرك هيبقى لطيف، بس احب الفت نظرك بجد متقارنيش نفسك بحد ومتبصيلهمش اصلا، انت بتسعى للامام بالنسبة لقدراتك انت وظروفك انت وبس فمتخليش علاقتكم تضغطك اكتر وتحسسك بالسوء عن نفسك اوتفتكرى فى ان الماضى كده كده هيعوقك وتقفى. وخلى الموبايل قدر المستطاع بعيد او معمول log out من كل حاجة نص ساعة المذاكرة وميتمسكش فى البريك بس عشان ميشتتكيش ويغريكى وتريحى عيونك لحد ما ترجعى تكملى، وربنا معاكى يارب.

View more

1
10
Liked by: حنون وما يخون | مُلهم إحسآسِيْ

When people say, "I have no regrets in life", are they telling the truth? How can people really have no regret in life?

اعتقد ناس وناس، بس مشاعر السلام الداخلى والتصالح مع الذات والدنيا والماضى موجودة، حتى لو لحظية، فتكون تمام غلطت او ندمت زمان بس تفهمت ده وتخطيته ولك اسلوب اخر غير جلد الذات فى التعامل معاه فملكش ندم، وممكن ساعات حتى يكون السبب هو عدم ادراك الماضى واخطاء الذات او عدم وجود الضمير الفعال اصلا فتنظر لنفسك من منظور افضل اسمى وبس.
4
5
Liked by: عبدالله الغامدي حنون وما يخون | مُلهم إحسآسِيْ Sondos ali

عندي فضول اعرف كتابك المفضل أو رواية و فيلمك المفضل و مسلسلك و بلدك المفضلة و سبب اختيارك ليهم لو في سبب 🥰😂

انا اسفة لو هحبطك بس لا امتلك مفضلات بعينها 🤣🤣🤣💔
يعنى عادى بحب فى كل حاجة حاجة او بتلمس قلبى او تعبر عنى او بتفيدنى او تنبهنى لحاجة، ومبحبش حاجة تانية.
5
Liked by: عبدالله الغامدي حنون وما يخون | مُلهم إحسآسِيْ ⁦⁦⁦Ali mohamed⁦ Dina Abass

رولا حابة اخد رأيك في حاجة .. إذا كنتِ في كلية طب اسنان يعني عارفة مستقبلك و هتشتغلي ايه وكدا تعملي ايه عشان تطوري من نفسك في سنوات الدراسة؟ أقصد اني عايزة اعمل حاجة جمب الدراسة واستغل فترتي الجامعية بس مش عارفة اطور من نفسي ازاي أو اعمل ايه أو امشي يومي ازاي مع العلم اني بقرا و بلعب رياضة فقط يعني

اعتقد انت تقصدى ازاى تستغلى فترة الشباب انت كبنى ادم بعيدا عن الكارير والكورسات والاستقلال المادى وكده، صح؟
انت عايزة حياتك ازاى؟، مفيش حاجة جبر عليكى، او وحش مثلا انك بس بتقرأى وتلعبى رياضة -بس اختارى حلو الى بتقرأيه طبعا xD، بس اعتقد احنا بنحدد نوعية التطوير المطلوب وهيبقى ازاى ودرجته قد ايه ومريح ازاى لنا -لانه ستايل حياة مش جدول يومين- لما نحدد الجانب الى فيه قصور او ممكن يبقى افضل او نحب نتعلمه من اول وجديد -بس بشكل واقعى مش مجرد امال او شوفنا حد بيعمله وشكله حلو فنعمله من غير ما نكون محتاجينه فعلا، فكله على حسب امكانياتك ووقتك ورغباتك انت الى انت ادرى بيها..
ممكن تستغربى نصيحتى العامة بس اعملى لنفسك نظام غذائى متوازن مع الرياضة، ده مفيد جدا للصحة والنفسية والمستقبل، جددى قوة علاقاتك الاجتماعية وروابطك، وابعدى عن الاشخاص الى بيمتصوا طاقتك او بيهلكوكى بلا مبرر واضح تستمرى معاهم، وحاوطى نفسك بحاجات تدفعك تتحركى ويبقى عندك دافعية دائما، وحددى الاركان الاساسية الى عايزة تبنى حياتك عليها بعمق اكتر، زى تعميق الجانب الروحانى مثلا، وشوفى ايه العادات الغلط الى بتعمليها وتحبى تستبدليها بافضل، وكله بالتدريج طبعا، وحاولى تنفتحى على العالم وتعبرى عن نفسك وتفهميها اكتر، سواء بهواية مثلا زى الرسم او بتجربة لغة وثقافة تانية، وهيفيدك قوى لو استعملتى نوت تكتبى فيها الى عايزة تعمليه تحسسك بالترتيب والتسلسل والانجاز، واستمتعى، وربنا يوفقك ويرضيكى. 🌸

View more

7
30
Liked by: حنون وما يخون | مُلهم إحسآسِيْ ⁦⁦⁦Ali mohamed⁦ Aya M. Shokry Asmaa Awny نُورْ Dina Abass

In life we are surrounded by judgements, what will happen to the world if people have no concept of criticism and judgment?

اعتقد برضو هتبقى مشكلة وحشة جدا، لان المشكلة مش فى فعل "الحكم" نفسه قد ان البعض مبيرقيش احكامه الاولية للواقع ويفضل جامد على نظرة واحدة، او انه يأثر على حاجات مينفعش يأثر فيها ويدخل فى حياة الاخر.
بحب البوست ده:
https://m.facebook.com/story.php?story_fbid=10157215597121084&id=516706083
6
Liked by: حنون وما يخون | مُلهم إحسآسِيْ ⁦⁦⁦Ali mohamed⁦ Dina Abass Emily Pettinella نُورْ

Next

Language: English

4.1

1,266,418 reviews
© Ask.fm 2024