@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

لو انا بحب حد وسبنا بعض بسبب سوء تفاهم بنا وحاولت كتير معاه وبرضو مصمم أنه ميرجعش . احاول تانى ولا خلاص ؟ مع العلم أنه عملى بلوك

انت الادرى عموما سوء التفاهم ده جرحه الى اى مدى، ويستحق تحاولى تانى ولا لا، بس مش ممكن يكون فهم -او مش مهتم يفهم- وواخد الامر حجة عشان مش عايز يرجع؟
عموما لو مش راضى يسمعك ممكن تخلى بينكم وسيط عشان يسمعه للاخر، او تكلميه وجها لوجه عشان تبقى عملتى الى تقدرى تعمليه، وبعدها ايا كان رد فعله تخطى الموضوع.
1
Liked by: FrankPich

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

أزاي أنساه حولت بكل الطرق ومعرفتش؟

طالما قررتى تبعدى، سيبى الامور تسير بالراحة وبسلاسة، "متحاوليش" تجبرى نفسك غصبا تنسى مشاعرك كانك مكنة، فقط خدى بالاسباب. ابعدى بالكامل عن اى باب يفتح تفكير او حنين، متفكريش حتى فى عيوبه عشان تكرهيه، متقعديش فاضية كتير او لوحدك واملى اوقاتك بانشطة تانية تبعدك عن الفراغ، ولو تقدرى غيرى البيئة الى انت فيها واتعرفى على ناس جديدة. وبالوقت هتنسى ولو جزئيا، لان انشغالك بحالك الجديد هيشيل من قلبك رواسب كتير هتفضل لو فضلتى تفكرى. وبالتدريج مفيش حاجة بتفضل زى ما هى.

اكثر شي تشوفه في اليوتيوب؟✨?.

مؤخرا تحليلات لMVs او اغانى مختلفة او مسلسلات.
بس اكتر شىء بشوفه بوجه عام التعليقات XDD
1
Liked by: dreamshunter.1995

لو أنا متعلقة بشخص بقالي سنتين و هو مش بيحبني كل شوية برجع اكلمه و هو بيقفل في وشي و الموضوع بقى مهين اوي و للأسف بيوحشني , انا عارفة اني غلط و جربت كل حاجة ممكنة لدرجة اني قولتله يختفي من حياتي و اختفى بس بعرف اوصله لمجرد ما احط في دماغي , ازاي اخلص نفسي منه و ايه تفسير انه بيوحشني

احسبيها، ايه نهاية التعلق ده؟. لما بنحاول جامد عشان مشاعرنا توصل، بنحط كمان احتمال اننا بنحاول عشان منندمش اننا معملناش الى علينا، مش مجرد بنحاول عشان نرضى مشاعرنا دلوقتى وبس ونفضل نموت فى نفسنا لاخر نفس، لان من الذكاء نعرف امتى ننسحب.
دلوقتى، واقعيا هو مش بيحبك وخد تصرف جامد فى الاتجاه ده وقفل فى وشك واهانك، هل فى افضل الاحوال حتى لو بقيتم سوا ده هيرضيكى ويخلى علاقتكم سلسة ومطمئنة ومتكافئة؟
ما يوحشك! انت مش روبوت هيتك على زرار ينسى مشاعره، ولازم تأخدى وقت، والحب مش لازم يكون مشروط بالمبادلة اصلا فمش لازم تكرهيه عشان مبيحبكيش، لكن المهم ان فى حاجات تانية اهم من مجرد المشاعر ساعات، ايه المانع يوحشك بس متدوريش عليه؟
فكرى فى كرامتك، وفى طاقتك الى بتستهلك، وفى الوقت الى بتزودى فيه جروحك بدل ما تخليها تلم، وفى مستقبلك مع حد تانىبيحبك فعلا، وفى قد ايه حتى انت مضايقة الشخص الى بتحبيه دلوقتى، ومتسيبيش لنفسك طريق وفراغ تحنى لحاجة كتير، وكل دول هيخلوكى "تقررى" تنسيه، مهما خد ده وقت وجهد وارادة لانه اكيد مش حاجة بسيطة، بس المهم انك تعملى على قرارك ده بقى، لان مفيش حاجة اسمها 'انا عارفة انه غلط بس بكمل ومستنية الدنيا تتصلح لوحدها'، انت لما قولتيله يختفى من حياتك مع انها مشاعرك انت وانت الى عايزاه وهو قافل الطريق يعنى مش بيلعب بيكى ولذلك الاولى ان انت الى تختفى، برضو هوبعِد، لذلك امسكى نفسك، وتحملى مسئولية مشاعرك.
وربنا يكون فى عونك.

View more

هل لديك القدره على حبس دموعك؟

هو انا حد متماسك بالعادة عموما ومش بعيط بانهيار بس يعتبر لا، لانى شخص عاطفى، فلو تأثرت وهعيط ممكن ادمع على الاقل بدون صوت بعدين اسكت، بس مقدرش اعدى الموقف بدون ريأكشن طالما تأثرت
3
Liked by: dreamshunter.1995 ShannonChance10

كيف تعرف اذا الشخص مُعجب فيك؟"..

بشكل عام خالص، لما الشخص يظهر اعجابه
1
Liked by: Khaled

كيفَ نأمنُ مكرك؟

لست شخصا ماكرا بشكل شرير اصلا عشان تخاف وتحترس من مكرى، بس لو قلق خليك واعى بنفسك.
وعموما كلنا هنروح من ربنا فين؟ "يمكرون ويمكر الله والله خير الماكرين"
4
Liked by: Khaled フセイン ‏ ﮼بَتول

هو انا لو عندي سر ونفسي ف حد يشيله معايا .. اعمل ايه؟

اوقات الافضل للاسرار ان محدش يعرفها، وشوية وتتنسى او تهون، بس لو نفسك حد يعرفه معاك عشان ينصحك او يخفف عنك او ترتب افكارك وتحس بالونس قوله، بس اختار كويس حد يسمعه ويساعد، او حد مش هتتأثر كتير من رد فعله.
1
Liked by: Khaled
+1 answer Read more

البعيد عن العين بعيد عن القلب..مع ولا ضد ؟

انا مع وضد فى نفس الوقت، لان شخصيا بشوف عشان يبقى المثل ده سليم؛ لازم تكون العين هنا مجاز عن الاحاطة، ايا كان نوعها حتى لو مش مادية.
بمعنى: ايه الحكمة من كوننا لما بنبقى قريبين -من العين- بنقرب من بعض وبنفكر فى بعض؟ اننا بنحس بتواجد بعض وتأثير بعض ودفء بعض وبنلاحظ ده!، وعلى نفس الاساس، لو احنا بعاد ولسه حاسين بده او بنحن اليه هيظل نفس الشىء وهنفضل لسه فى عيون وقلب بعض، وفى اى وقت نتجاهل ومنبصش لبعض حتى لو اقرب القريبين هنبقى بعاد عن العين.
البعيد عن الروح بعيد عن القلب بقى.

طلب غريب معلش :""" عايزة users بتحبيهم عالأسك أو اكونت زيك كدا أو بتحبي أفكاره عشان بفتقد إجاباتك بصراحة ف عايزة حاجات مثمرة زيها ف ال wall عندي

مش غريب بالعكس تنورى فى اى وقت، اسعدتينى بكلامك وثقتك جدا مع ان الاكونت عادى xDD?
بصراحة انا بدخل اجاوب على اسئلة بس بالعادة، فمش متابعة ناس كتير، بس بحب
shehabeldin90
samehtarek
ولو حابة، ممكن اضيفك على الفيس بما انى انشط هناك كتير، ونتعرف على بعض. ?

.

عموما هى اخر مقطع فى رواية اول الرجال على سطح القمر. ذكرياتى بالواقع عنها مش كبيرة بس بتذكر كل فترة اخر سطر ده حيث البطل مقدرش يكمل اخر كلماته، المستسلمة، وانقطع الاتصال بيه. يمكن جذبنى انها مزيج من الاستسلام للفراغ والواقع مع اليأس الى الكون مسمحلوش يكون كامل.
وهنا، اعتقد مفيش شىء محدد عايزة اقوله كخلاصة حياتى، بس لو جدلا فى، فمهما قلت على لافتة -مع مراعاة استيعاب اللافتة اصلا- هتظل مجرد لافتة، عابرة، باردة ومفيهاش وجدان كفاية، محتاجة من القارىء تجربة عشان يحس بالكلمات، وهيحس بيها ويفهمها بطريقته وخلفيته هو، لان الدنيا غالبا كلها "وستقرأ كلماتى كما تفهم نفسك" يعنى، وهيتفاعل بعدها كما يريد برضو، وقد متنفعوش وقد ميلتفتش. وهو ما يجعل محاولتك لسرد الكلمات بدقة لتجنب -الى انت شايفه- غلط والتوجيه والارشاد-للى انت شايفه- صح وايصال خلاصة خبرتك وامنياتك شبه مستحيلة، خاصة انك مش بتوجهها لمجموعة الية متطابقة.
فبما انه مش شىء سهل او محدد، او مهم للامانة ?، ولا يمكن اختزال الانسان كامله فى عبارة، ومش بيحسسنى بشىء افضل عن نفسى، شخصيا كنت هميل لعدم وجودى كلافتة اصلا، لا ادرى، بس بما انى هنا، لا فائد xD

View more

1
+1 answer in: “لو كنت لافتة في الطريق، ما الذي تود أن يكتب عليك؟”

أيهما أسوء أن تفشل في شيء أم أن لا تفعله القيام به على الأطلاق ؟

طالما انت عايز الشىء ده، يبقى الا تحاول على الاطلاق.
1
Liked by: DEMON

بس الطبع ممكن يتغير يا رولا ؟؟ معتقدش أنه يتغير بشكل دائم لكن ممكن مؤقت ؟؟

alaadoghaim’s Profile PhotoAlaa khaled
مفيش شىء ينفع نأخده قاعدة على كل الناس وكل الحالات يا آلاء اعتقد، بس يمكن الموضوع على حسب مدى التأثير فى الفرد، الطباع بالنهاية نظُم حياة، وبالتالى التكرار او الاحاطة من البيئة او شدة المؤثر وصدقه او نية الشخص فى التغيير وعوامل كتير عموما ممكن تخليه يتغير فعلا، حتى بدون ما يحس، وتكمل معاه كجزء منه.
لكن بيفضل السؤال هنا هل صحى حد يقرر يدخل علاقة مع غيره وهو فيه طبع معين ويقول هغيره؟ هنا هو بيتجاهل حقيقة انه مش دكتوره النفسى الى لازم يصلحله حياته، وانه بنى ادم وله طاقة، وان الانسان التانى له حق القرار ولازم يبقى نفسه عايز يتغير، وان يمكن يتغير ويمكن لا كمان فهل هتتقبله لو كده؟ وهكذا، فلو محطوش فى اعتبارهم انهم بيكملوا ويساعدوا بعض لافضل خيار يريحهم الاتنين هتبقى علاقة مؤذية.
2
Liked by: DEMON DiogoCaetano007
+1 answer in: “هل يمكن للمرأة ان تغير طبع الرجل ؟”

هل يمكن للمرأة ان تغير طبع الرجل ؟

اعتقد ان اى حد ممكن يأثر فى اى حد ويغير منه ويدفعه سواء للحلو او للوحش.
بس عموما معتقدش صحى وفعال دائما نعتمد على الاساس ده فى بناء العلاقات، لان التأثير متبادل، والطاقات مختلفة، ولازم تحط رغبة الشخص نفسه فى الاعتبار، والظروف وهكذا، بس عامة عادى هى حقيقة.
3
Liked by: DEMON Alaa khaled Al_Shimaa Badr
+1 answer Read more

‏لنفترض بأنني حزين جدًا بماذا ستخبرني لأفرح؟.

للاسف بالضبط مش عارفة، بس اتمنالك فعلا متبقاش حزين! الدنيا بتمطر، ادعى كتير وحاول تحسس نفسك وانت بتدعى بالصدق، وشغل قرآن او موسيقى هادئة، وحاول متفكرش فى اى حاجة تضايق
3
5
Liked by: DEMON Al_Shimaa Badr MØAŹ

كيف تصبح سعيدا ب 5جنيه؟

والله انا ممكن ابص من كذا ناحية، مثلا ممكن اخد الموضوع بكوميديا واقولك حاجة زى 'لو تعرف عرفنى'، او ارد بكوميديا برضو انى اجاوب على الهزار بجد وهكذا هى شخصيتى لان فعلا برد اهو، المهم، فلو المشكلة فى قلة الموارد هقولك طب ما تحاول تشتغل تخلى الخمسة عشرة ولا الفلوس هتزود نفسها؟، واحساسك انك بتعمل حاجة هيديك نوع من انواع الرضى والسعادة، او نفكر من ناحية تانية واقول ببساطة انك بتتجاهل حقيقة انك عندك حاجات تانية اصلا غير الخمسة جنيه، زى النت الى بعت بيه السؤال، ولذلك لو اعدت النظر هتلاقى ان حياتك قد يكون فيها اشياء اخرى قد يتم استغلالها جزئيا لاسعادك او اراحة قلبك، خاصة لو المشكلة فى تعريف السعادة نفسه، او بالنهاية، مش خمسة جنيه ممكن تشتريلك شوكولاتة؟ مفيدة فى رفع المعنويات!
صباح الخير.
4
5
Liked by: DEMON Al_Shimaa Badr Abdalla El-Sheikh Jihad

لشباب :عادي بالنسبه لك ان خطبتك يبقي ليها صحاب ولاد؟ للبنات: العكس؟

كونسبت الخطبة نفسه مش الفيصل لانهم صحاب كزمايل مش كعرايس محتملة، وانا مش هعزله عن الكوكب واقطّع علاقاته، بس طبعا تكون الصداقة والودية ده بحدود عموما.
4
Liked by: DEMON Al_Shimaa Badr Abdalla El-Sheikh Jihad

Next

Language: English

4.1

1,266,418 reviews
© Ask.fm 2024