@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

التنازل عن الحق ، قوة او ضعف ؟

لو من موقف قوة وقدرة على الانتقام، فكرم ورحمة وحكمة، ولو ان كلنا الضعفاء لله. ولو من موقف ضعف فميتحسبش كرم اكتر من هوان وغباء، ولو ان الدخول فى متاهات احنا مش قدها ذكاء والله المنتقم. مين عارف.
14
Liked by: Ahmed Shenawii. Mo'men Moustafa Ezzat Georgette حنون وما يخون | مُلهم إحسآسِيْ DEMON ي ق ج _ 8926 _★ Close غَياهِيبْღ نُورْ

بتآمن بِ الحُب من أول نظرة ؟ .. !

الحب الى يخلى علاقات تستمر؟ ليس بالشكل الكافى، بعتبره انبهار او اعجاب او افتتان او تلاقى ارواح، والى ممكن يبقى جزء من الحب عادى بس مش بالضرورة هو..
بس على كل معنديش تعريف للحب او تصور او كده، كل ناس تجاربهم وصور احتياجاتهم بتختلف وكده.
7
Liked by: Ahmed Shenawii. Moustafa Ezzat EXTRA.D DEMON ي ق ج _ 8926 _★ شيرين نُورْ

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

إذا أردت أن تعيش سعيدا لفترة وجيزة فانتقم، وإذا اردت السعادة الدائمة فسامح الجميع. - قول حكيم.

ذكرتنى باقتباس جميل لتوماس ماس بيقول "ان فهم كل شىء يعنى العفو عن كل شىء"، والظريف، اننا دائما مهما وصل بنا العلم مش بنكون فاهمين كل شىء، لكن
البعض من باب معرفة ان "فى شىء مش فاهمينه"، او حبا فى السعادة الدائمة، او زهدا فى الانتقام بيسامحوا، واعتقد ده الحكمة.
7
Liked by: Ahmed Shenawii. Moustafa Ezzat DEMON نُورْ Mai ♡ Sura_w_gharaba

I'm sad and lonely, tell me something positive if you can please.

فى صديقة عزيزة بعتتلى مرة اغنية حماسية لما كنت محبطة، ومن وقتها كل ما احس بالحزن اشغل اغنية كورية وارقص معاها لحد ما اضحك xD
الحياة مليانة بحاجات وحشة، بس فيها حاجات حلوة وناس حلوة واحلام حلوة وطموحات حلوة، دائما فى امل، ودائما كل حاجة بتنتهى مهما كانت صعبة وتفسح المجال لغيرها، فمنستمتعش دلوقتى ليه؟
انا دائما هنا لو حسيت بالوحدة، ممكن تتكلم/ى فى اى شىء، اوريك مثلا مغامرات القط، او نتكلم عن الكرتون او الروايات او السياسة مثلا، المهم متقعدش ساكن ??
ربنا يسعد قلبك ويبعد عنك الحزن ?
6
Liked by: Ahmed Shenawii. DEMON ي ق ج _ 8926 _★ Polaris نُورْ

اي السبب الي يخلي حد يعاملك علي اساس انك مش فارق معاه.؟؟ مع انك في الحقيقه فارق معاه جامد ..؟

ساعات بيبقى مستنيك تقوله ان هو كمان فارق معاك، اوقات كبرياء، واوقات بيبقى فعلا عايز يتخطاك لانه مش هيقدر يستحمل، وبكل حالة الله اعلم.
7
Liked by: Ahmed Shenawii. DEMON ي ق ج _ 8926 _★ mÕő O_o نُورْ anastasialove06

لسه ١٠ أيام على الامتحانات ومعرفش ولا كلمه فى اى ماده اعمل ايه ؟

وهو فى حل غير انك تبدأ تذاكر؟
ابدأ من دلوقتى ومتقولش كمان ساعة او بعد الفيلم او الكلام ده ومتأجلش اى حاجة اكتر كده عشان متندمش، المدة الى قدامك ده كافية قوى لو اجتهدت يبقى عندك فكرة عن كل شىء وتقدر تحل كويس. فدور على ملخصات لكل الشابتر اقرأ المخلص الاول بعدين ابدأ
فى الشابتر عشان يبقى عندك فكرة وتخلص اسرع. وابعد عن اى مصدر ازعاج او تسلية او كده. وسجل الملاحظات المهمة بس، ومتسمحش لحد يقلل من عزيمتك او يقلل منك او يقول ان مفيش وقت عشان تنجز وباذن الله خير.
6
Liked by: Ahmed Shenawii. DEMON ي ق ج _ 8926 _★ نُورْ Polaris

المرأة كائن ضعيف تحتاج لرجل يرعاها ويقودها! "مع او ضد"؟

كانه حق يراد به باطل، فى الواقع، الانسان كائن ضعيف ويحتاج من يحبه ويهتم به فيساعده يطور من نفسه..
ادعاء ان الصبيان فقط الاقوياء والاذكياء وما الى ذلك والبنات فقط ضعيفات وغبيات وما الى ذلك -كتوتال- بينزع من الصبيان مثلا نقاط ادمية كتير، زى الى بيقولوا الولاد مبيعيطوش مع انهم بشر برضو عادى، وبيخلى يبقى فى تمييز ناحية البنات كانهم مش بيتحاسبوا نفس حساب الصبيان، مع ان فى الواقع احنا زى بعض.
وبتحول صفة الرجولة لمعنى ذات الصبيان بس، ولو انها مطلوبة طبعا فى الجهتين.
فمعتقدش سبب احتياج ادم لحواء كان عشان يرعاها لانها مش حيوانه الاليف، قد انها تكون معاه بذاتها، فيشدوا على ازر بعض ويحس بقيمة وجوده هو كمان لما الاتنين يتعايشوا سوا، او هذا ما اعتقد.
6
Liked by: Ahmed Shenawii. DEMON mÕő O_o نُورْ ي ق ج _ 8926 _★

اذا كنّا نتعلم من أخطائنا فلماذا نخشى الوقوع في الخطأ دائماً؟

وهو احنا بنتعلم بالساهل؟ ? كل خطأ او حتى قلة تقدير للنفع بيأخد جزء من طاقتنا، وثقتنا، وقدرتنا على المعافرة، وبالتالى احيانا جزء من روحنا، وبيغير من
اراءنا، فبما ان محدش بيحب يجرح نفسه، طبيعى نتحفظ شوية ونهدى.. ولو ان التأنى ده لو قلب بخوف يمنع من المحاولة خالص يدى فشل، وبينهم شعرة.
3
Liked by: Ahmed Shenawii. DEMON

متى يكون الألم جميل ؟

الالم هو الالم، دائما مؤلم.. الفكرة: متى يكون له نفع، ومتى يكون مجرد عبث؟ متى يكون يمكن تخطيه، ومتى يكون لا يعوض؟. احنا نحدد.
4
Liked by: Ahmed Shenawii. DEMON Sara

What are you ready to do for love?

مش الى بيحب فعلا مبيبقاش عنده مانع يعمل اى شىء، طالما حاسه وشايفه صح؟
كنت قرأت فى مانجا مرة ان علاقاتنا وسيلة حياة، وكل ما بنتعمق فيها اكثر بتدفعنا للاستماتة اكثر عشان نحافظ عليها، حتى لو هنوصل لاعلى مرتبة وهى الموت، فوقتها الاستماتة للدفاع عن الوسيلة، بيأثر على الهدف الاصلى وهو الغاية..
مع ان لو الاستعداد والطاقة دول فينا، يبقى مفروض نوجههم نعيش عشان علاقاتنا باقصى حاجة عندنا مش نموت ليهم، ولو دفعونا للموت، يبقى مكانوش علاقات صح من الاول..
يمكن الموت هنا رمز عالى قوى، فى وسط العلاقات السطحية الكتير سواء حب الصداقة اخوة ايا كان، بس كما تعلم يعنى، الخوف من الاستنزاف مبينفيش اننا عندنا مشاعر بالفعل، فوجود الى تستحق تتعب او تضحى لاجله، يمكن اهم من التضحية شخصيا، لكائنات بنعيش بالحب ولاجله.
3
5
Liked by: Ahmed Shenawii. DEMON Sara

بحب واحده وهى بتحبينى بس مش مبينه ليا اعمل ايه عشان تكلمنى

مسم.. فى الاول انت مينفعش تفترض مشاعر حد من غير ما يتكلم، لان ممكن تكون انت الى عايزها تكون بتحبك وبيتهيألك وبتعشم نفسك.. ثانيا، يعنى انت الى عندك مشاعر لها، وانت الولد، والبنت ساكتة مابدتش اى حاجة، كمان عايزها هى الى تتكلم؟ ?. الصراحة اى انسان عاقل هيقولك روح كلم باباها او اخوها لو مهتم، ولو لا يبقى استنى لما يبقى عندك مقدرة، انما انتو كناس مش بينكم حاجة هيبقى لعب الحقيقة.
4
2
Liked by: Ahmed Shenawii. DEMON Sara ي ق ج _ 8926 _★

إذا طلع شخص من حياتك وبعد فتره رجع، تتقبله ؟

بتختلف، على حسب علاقتنا كانت ازاى، وبعدنا ازاى، وليه، وفكرت فى ده ولا لا، واتغيرنا قد ايه، وعرفت عنه ايه، ويعنى على نفس النمط ده.. هو عموما انا مش هرفض حد او احرجه وكده وهتعامل عادى فى كل الاحوال، بس فكرة ان نرجع زى الاول او اتقبل وجوده حولى تختلف.
2
Liked by: Ahmed Shenawii. DEMON

‏إكتب 5 أشياء تُحبها؟?✨

الناس الحقيقية، بيبقوا مميزين عندى حتى لو مش مختلفين او روشين وكده بس لهم طابعهم او فلسفتهم الخاصة.
العلاقات البريئة بين الناس.
الحاجات المعبرة، زى الاقتباسات، المواقف من السير، الشعر، الاغانى، الروايات، الرموز الخ. وبحب قراءة التحليلات جدا وبحسها مبهرة.
الانجازات الصغيرة، او رؤية انجاز او مشاعر حلوة لحد.
والذكريات والدفء ?
4
1
Liked by: Ahmed Shenawii. DEMON ي ق ج _ 8926 _★ Mudathir

صعب أن تقع في حب شخص قلبه لا يزال ينزف من خيانه موجعه . الأصعب إقناعه بأنك شخص مختلف

وفى النهاية مهما عملت، فمشاعرك مسئوليتك الشخصية، لا انت مؤكد هتأخد مقابل ترضاه، ولا انت مؤكد مش هتجرح حد خاصة لو نفسك.
4
Liked by: Ahmed Shenawii. DEMON ي ق ج _ 8926 _★ Mohamed

if you had to choose between one loves you or another one you love, whom would you choose?

مش عارفة، واتمنى ماتحطش فى موقف زى ده.
اعتقد لو كل حالة لوحدها الوضع طبيعى، بس مجرد المقارنة وفكرة الاختيار نفسها هتبقى كانك بتتعامل معاهم كسلع عشان ترضى انانيتك انت، وده وحش وفيه عدم تقدير لمشاعرهم..
بس just a wild guessing يعنى، اعتقد كنت يا هحاول ابتعد عن الاتنين يا هختار الى بيحبنى لو انا مرتاحة له، لان لو كان حبى انا قوى لدرجة انى اجرح حد كنت محطتهمش فى مقارنة من الاول، كما ان الحب البراق من بعيد لا يناسبنى..
5
8
Liked by: Ahmed Shenawii. DEMON ي ق ج _ 8926 _★ MØAŹ

هو مينفعش فترة التفكير بتاعت قبل النوم دي تتلغي او نعملها skip مثلاً !..

لو حسيت نفسك هتعمل كده وانت مش عايز تفكر متروحش سريرك الا على النوم بس. جرب كلم حد من صحابك، اطلع اقعد مع اهلك، مارس هواية او لعبة من الى بتسبب ملل، او اسمع قرآن لحد ما تنام.
4
Liked by: Ahmed Shenawii. ي ق ج _ 8926 _★ Mudathir DEMON

Next

Language: English

4.1

1,266,418 reviews
© Ask.fm 2024