@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

When should I not think for myself?

جدير بالذكر ان مينفعش نعيش معتمدين على اننا منقدرش نفكر لنفسنا، لان لازم نحاول ونفهم ونراعى اختلافات الناس عن بعض، بس الموضوع ده ينفع مثلا، لما تكون بتحيد وتحرف وتتجنب الحقيقة، عشان مش قادر عليها او مشاعرك اقوى من انك تواجهها وتفكر بشكل سليم وتأخد القرار الصح.. فلازم حد ينبهك بوجود تشوه معرفى ويفكر معاك او لك..
او لما تكون معندكش المعلومة والقدرة والبصيرة الكافية تفكر وتقرر، وبالتالى مشاركتك تضييع جهد وتبويظ للنتيجة بس، فلازم تشوف حد عنده خبرة او علم ينصحك.
2
5
Liked by: Sheikh Hassam

صديقتي بطلت تعمل سيين لرسائلي فجأة، انا سالتها كتير ليه، بس متجاهلاني تماماً، ومش عاملة seen للرسائل اصلاً، مع انها فاتحة، انا مغلطتش معاها بحاجة، ومش معبرة وجودي. انا شاكة بسبب ما، بس متاكدة اني مأذتهاش خالص، بس بغض النظر عن موقفها اتجاهي، دا مش اسلوب محترم لانهاء الصداقة، صح؟ اعمل ايه بالحالة دي؟

انا كنت هقولك يمكن عندها ظروف او مشغولة، بس طالما متأكدة انه تجاهل، فطبعا مش اسلوب لا لانهاء الصداقة ولا للتعبير عن الغضب، ممكن حتى لو محتاجة فترة لوحدها تقولها "انا محتاجة مساحة لوحدى" احتراما لك، بعدين تبعد براحتها..
لذلك لك حق تتضايقى، ومن حقك تعرفى حتى غلطتى فى ايه.
لو حابة علاقتكم تفضل، وحاسة ان الى فى دماغك ممكن يكون زعلها ده مهم بالنسبة لها، وهى شخص ذوق مش هيحرج الناس ويمشيهم مثلا، لو تعرفيها فى ارض الواقع ممكن تروحيلها تواجهيها وتتصالحوا،
او تكلمى حد يكلمها لو العلاقة الكترونية يسألها ويفهمها انك مهتمة،
وفى الحالتين تقولى ان اسلوبها ضايقك وان فى بدائل اصح.
اما لو الموضوع جرحك ومش عايزة تتعاملى معاها او حابة تبعدى شوية، وهو حقك، ابعتى رسالة نهائية مفادها ان لو غلطتى فى حاجة فانت مش قصدك واسفة، وان كنت تتمنى منها موقف افضل وبقاء على العشرة، وان طريقتها ضايقتك واشكريها على ذوقها، ثم اقفلى الشات بتاعها، وحاولى متفكريش فيها تانى. وانت مش غلطانة ولا وحشة.
بس ايا كان الوقت او الشىء الى هترد بيه وايا كانت علاقتكم هترجع ولا لا، لازم تفهم انك اتضايقتى وان معاملة التجاهل ده متنفعش.

View more

Understanding the behavior of humans is the most difficult job in the world. Why?

اول سببين جم دماغى لما قرأت السؤال: ان مفيش مباشرة، الانسان تركيبه معقد ومتشابك، ساعات مثلا بيستعمل حيل دفاعية تخبيه، او يكون بيكابر مثلا، او مبيبقاش فاهم نفسه عشان يفهم غيره او يبقى صريح معاه، وبالتالى تجربتك مع كل انسان بتختلف مع غيره حسب علاقتكم وحسبك وحسب هينفتحلك قد ايه وحسب الظروف.
والتانى، ان ساعات تعريفاتنا مبتبقاش واحدة او ملناش نفس المرجعية اصلا، وبالتالى المبدأ او الفكرة الواحدة مختلفة عندنا، حتى فحوارنا هيبقى صعب ع الطرفين يوصل لنهاية مجزية سريعة.
1
5

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

How do I get rid of the feeling of emptiness?

يا تدور على معنى لحياتك خصيصا، يا تعمله.. ربما يكون ده فى مساعدة الاخرين، او فى مناصرة قضية ما، او فى علاقاتك الاجتماعية وموضعك فيها، او فى الانتماء لجماعة ايا كانت هى لايه، او فى ترتيب افكارك، او فى احاطة نفسك باسرار الكون ومحاولة فهمها وفكها، او فى علاقة روحانية قوية، او فى الاهتمام بنفسك، او الانشغال بالواقع الى قدامك بحيث ميبقاش فى رفاهية التفكير الكتير، حاجات كده.
1

ازيك يا قمر ممكن نصيحة؟ في مشاكل كتير في حياتي حاليا زي علاقاتي الاجتماعية الخربانة و اهمالي لنفسي و فقدان شغفي تجاه كل حاجة، بس محتاجة اظبط حاجتين أول حاجة المذاكرة عشان كليتي صعبة و محتاجة اذاكر كم كبير جدا و مش قادرة فاهمة؟ و تاني حاجة ازاي اخلي نفسيتي متأثرش عليا بإني اعد اكل كتير جدا؟بجد تعبت:(

اعتقد انك محتاجة يا حبيبتى مبدئيا حاجتين، اولا ورقة وقلم وتكتبى -مش تقولى وتعتبرى نفسك عارفة- كل نقطة قدامك وكل حاجة محتاجة تتعمل وترتبيهم بهدوء داخليا وبالترتيب ممل، بحيث تبقى بتتكلمى فى حاجة ممسوكة ومش بتسبب قلق ضبابى وممكن تخلص، وتكونى مرتباهم بشكل يمكن تطبيقه، لا هو مضغوط ومثالى ولا هو سايب كل حاجة تعمليها بكره، وتفكرى نفسك ان ده كله هيخلص وانك فخورة بنفسك وبجهدك مهما كان.. ثانيا، تتكلمى مع حد، حتى لو محادثات خفيفة مش لازم تبدأوا اعمق صداقة، بس لازم متسيبيش نفسك لوحدك وتعزلى نفسك، فتسيبى لنفسك طرق اخرى لتطليع الضغط والافكار والتخفيف من حدة الوحشة، عملتى ده؟ بالتدريج كل حاجة هتخلص والوقت هيعدى، وهيتسنى لك تنفذى خطط افضل تساعدك فى ترتيب حياتك كمان.
الحفاظ على الصحة النفسية حاجات كتير مستمرة -من ضمنها طريقة رؤية الذات، وايه البيئة الى حواليكى، والعادات الى بتتبنيها كل يوم- مش بس كونك حاسة عندك هدف ورغبة ولا لا، لذلك ده مهم اعتقد فى نقطة الاكل، والى مش هيتحل بمجرد زرار ده عادات، فربما لو سيطرنا على احساس الضبابية وزنقة الوقت، هتلاقى التحكم اكثر.. او ربما قد يساعدك تعدى المرحلة ده لو جبتى خضراوات ورقية -سعرات حرارية تقريبا مفيش وفوائد كتير- واكلتى منهم كل ما حسيتى انك محتاجة تأكلى اى شىء، او ربما يساعدك تستحمى للاسترخاء او تختارى رياضة ما تمارسيها -نقول المشى او اليوجا مثلا- لما تحسى انك محتاجة تأكلى لتفريغ الضغط مش للجوع، ومتقوليش ده هيأخد وقت او مش مهم مانا عارفة او مكسلة الخ، المهم هيديكى نتيجة وهيساعد، وكده كده مش كل الوقت المذاكرة.. لحد ما تبدأى ترتبى ورقك كله، وبالتوفيق فى مذاكرتك وحياتك وعلاقاتك يارب 💓

View more

انا اسفة بس انتي مش بنت، خالص انا عارفة ان انك انثى بيولوجيا بس مش بنت لا سلوك وﻻ شخصية بنت وندمانة اني عرفتك

وانت عايزة البنات ازاى؟ 😂
انا هتقبل اسفك عموما الى فى الاول على توقعاتك وحكمك وكلماتك، الى اكيد عارفة ان مش قصدك تضايقينى بيها -لو ده مش سؤال مضايقة او عشوائى- بس يعنى بتعبرى عن استياءك، واتمنى تتقبلى اسفى عن دفعى لك "تندمى على معرفتى" لو كنت ضايقتك، مع التذكير ان الامر ملوش علاقة بكونى بنت او ولد، ولو فى شىء معين بتشتكى منه او نصيحة حابة تقدميها ياريت تعبرى عنها بوضوح، عدا ذلك؟ مفيش مشاكل ربنا يوفقك.

+ 1 💬 message

read all
3
Liked by: Al-Hassan Aziz ي ق ج _ 8926 _★ Sondos ali

Why does a person choose a mistake?

ميعرفش انها غلط، خايف يعترف ويغير نظامه ويجرب الصح، يعرف بس هى احسن الوحشين، مش متوقع مدى السوء وشايف هيستحمله طالما راضى دلوقتى، فاكر ان الظروف هتتغير او انه هيقدر يصلحها او صعبان عليه، بيعند مع الى حواليه او بيثبت نفسه، مش شايف نفسه يستحق الخير، معمى برغباته وشهواته وامانيه واحلامه ومبيفكرش فى المستقبل او الواقع اصلا، يعنى، حاجات كده.

+ 1 💬 message

read all
2
5
Liked by: ي ق ج _ 8926 _★

ادعوا لماما ربنا يشفيها عشان تعبانه اوي 🥺

ربنا يشفيهالك ويعافيهالك على خير يارب ويطمنك عليها قريبا 💗
2
5
Liked by: ي ق ج _ 8926 _★

ازاي نرفض حد معجب بينا واحنا مش معجبين بيه؟ خصوصا ان مفيش سبب واحد يخلينا نرفضه بمعنى انه اعترف بإعجابه فرفضتي قام طلب تديله فرصة و نزلتو اتقابلتو و اتكلمتو وهو اعجب بيكي اكتر وراجع مبسوط جدا عكسك وانتي حاسة ان تعلقه بيزيد ومش عايزة تكسري قلبه و ترفضيه بعد ما شوفتيه على طول عشان ميفكرش انه فيه مشكلة

نحط فى دماغنا ان مينفعش نرتبط بالناس شفقة، او عشان صِعب علينا، عشان هما يستحقوا الافضل الى يحبوهم فعلا، ولان حتى لو هما رضيوا بالوضع فلنفسنا احنا كمان حق، فلازم نقوله الحقيقة.. هى هتوجعه وهتبقى محزنة سواء رفضتى فى الاول او فى الاخر او كملتوا ثم حس ان مبتحبيهوش، فافضل واصدق تقوليله على طول بصراحة ان الامر منفعش ومش حاساكم سوا، مش لعيب فيه -لان عادى تكونوا حلوين ومتتوافقوش بالشكل ده- لكن هو نصيب، ويكون اسلوبك مراعى بس حازم ونهائى ميفتحش له باب تانى يحلم ويفكر، او يفتكرك بتتقلى او عايزة تفكرى وهو لسه محتاج يحاول اكتر، وحطى على الموضوع حدودك.
ثم لو تقبل الامر، متحاوليش تفتحى الموضوع ولا تلمحى له ولا تقترحى حد او اى حاجة زى كده، وسيبيه، وهو بالتدريج وبالوقت هيعتنى بمشاعره.
بس حطى فى الاعتبار ان ده، طالما انت مقررة خلاص ان مش هينفع فعلا ومش مرتاحة.
1
4

What is your biggest fear?

مش متأكدة يعنى ايه "خوف".. يمكن المقصد "الزعر" زى من حيوان ما مثلا؟ بس ده حاجات ممكن اعقلنها واعيش، ولا القصد لحظات الحساب والازمات والتدبير؟، مش عارفة الفرق الفاصل بالضبط بين الخوف او القلق او التساؤل او الحيرة والمقصود بعينه فى السؤال... وعلى عدم الفهم ده، اعتقد بعيش الاكبر، الاصغر منه ممكن يبقى ماذا بعد وهوصل بجد ولا لا، الى بعده على طول فكرة عدم القدرة على التماسك، زى خيانة العقل او الحواس او فقدانهم باى شكل.
2
5

Can being overly positive be a bad thing?

اكيد، الانسان لازم يتعامل بالواقع والمعطيات الى قدامه مش بتفاؤل ساذج بلا هدف بيضغط عليه، ويدى مشاعره الاخرى حقها تظهر.. افتكرت فيلم inside out.
3
5

ليه بتحذفي الاجوبة؟

مش بحذفهم كلهم، بحذف بس الى بحس محدش هيستفيد منهم زى الهزار او الكلام الى مش عام او المكرر او لو حاجة حد عايزها وسيبتها وقت يقرأها او لو حاجات شخصية مش مهمة لحد او كده.

ممكن التخفيف من حدة الاكتئاب دون ادوية؟

اه فى طرق اخرى، بس كله على حسب درجة الحالة وقدراتها وظروفها، الى عنده خلل عضوى واضح بيحتاج مساعدة دوائية عشان يتقدم ويحس بقيمة ومعنى الى بيتقدمله، مش بس تغيير افكار ووجدان وعلاقات وتضامن.
1
Liked by: bravoreuben

ازاي البنت تستشعر أنوثتها وكبرياءها مرة أخرى بعد ما فضلت مشفقة على نفسها فترة كبيرة؟ كتير كانو بيحسسوني ان انوثتي دي عيب بس عايزة اتحرر من الفكرة دي السؤال التاني ازاي احس اني شخصية مستقلة واستشعر قوتي واعتمد على نفسي عشان اثبتلي اني مش محتاجة حد خصوصا اني مش هينفع اشتغل الفترة دي وشكرا ❤️

اعتقد ان الاشفاق على الذات هنا بيجى من احساسين: اما قلة الانوثة، او ان كونك انثى نفسه غلط وشىء لازم يتمحى ويستخبى..
لذلك التحرر من الاحساس ده ربما يبدأ من تقبل انك انسان، والانسان له تكوين ورغبات واحتياجات، مش بنقيسها على ان الانسان الطبيعى الولد، لا هما تكوين ورغبات وطباع ونحن كذلك، فطبيعى كل حد يحب يعيش على اساسهم، ولما يكون على طبيعته ميكونش مهدد -سواء من كلامه الوحش لنفسه او من الناس- طول الوقت انه اقل من حد..
اعتقد ده بيجى بالتدريج وبتمرين نفسك تفكرى بشكل معين على الاساس الى حابة تكونيه، والافكار الى بتكتسبيها، فمتتقبليش سماع حديث مهين مثلا لمجرد انه هزار، تحطى حدود فى حاجات معينة، تحاولى تعبرى عن نفسك بشجاعة، تعرفى قدرك صح بدون مكابرة وتحاولى تتفهمى الى حواليكى، وتبدأى تشتغلى على انك تستمتعى -مش بس تتظاهرى مثلا- بكونك انثى جميلة وحاسة جمالها فى الداخل والخارج، مثلا معتنية بنفسها واخدة بالك من صحتها -عشان حابة نفسها مش عشان خايفة من الحكم على شكلها- بتستمتع بالدقائق الى بتعمل بيهم ماسك ورايقة مثلا، وفى نفس الوقت بتمارس دورها الانثوى فى الحياة كامرأة وهى فخورة بيه.. يمكن يكون الكلام عام، بس لما تبدأى تحسى وتستمرى فى التفكير كده هتكونى عاداتك الخاصة والدنيا هتتفتحلك وهتحبى نفسك اكتر.
اما السؤال التانى، فالمهم تعرفى انها مش اشياء لازم تكون مالية بالمقام الاول، يعنى الاستقلال ممكن يبدأ بعمل حدود على اوضتك وممتلكاتك وعلاقاتك وتكوين اراءك الخاصة مثلا، واستشعار القوة ممكن يجى من تقديرك لقيمتك كانسان او من مشاركتك فى العمل المدنى او الجمعيات الخيرية فهتحسى ان لك تأثير حلو وواضح، والاعتماد على الذات ممكن يبدأ بتعلم الطبخ -وده مش عشان انت بنت لا، لانه مهارة حياتية مهمة ضرورية- فتقدرى تعيشى لوحدك لو حصل او سافرتى، او البدء فى تعلم مهارات زى الاعمال اليدوية او التجارة عبر النت والى هتدخلك دخل بسيط، او البحث عن المواضيع الى تهمك عشان تشكل شخصيتك بعدين، او تقوية اللغة بتاعتك وتأخدى بيها شهادة، الخ من الاقتراحات البسيطة الى هتحسسك انك قوية ولك فائدة لنفسك قبل ما تبقى للناس.

View more

نفسي العب رياضه و اكون خفيفه ف حركتي بس للاسف بنهج من اقل حاجه و مبقدرش اكمل اي تمرين مع اني مش تخينه حد يقدر يفدني ايه الحل

ربما يكون بسبب نقص عناصر غذائية ما فى اكلك؟ انا مش خبيرة تغذية بس ده سبب وارد يجب تستشيرى فيه حد، بس مش معنى كده تأخدى مكملات غذائية لوحدك عشان متعرفيش ناقصك ايه -او محتاجة حاجة اصلا ولا لا- وبتبقى ساعات مضرة لو بجرعات مش موصوفة، فالمهم حللى وحسب دكتورك وهيبقى باذن الله شىء بسيط، اما عن خفة الحركة بشكل عام فربما ده بسبب قلة الحركة، ممكن متقسيش على نفسك فى الاول وتبدأى تخصصى وقت بسيط زى تلت او نص ساعة يوميا مشى بهدوء، او تلعبى رياضة مفيهاش مجهود قوى بس بتتحركى زى اليوجا مثلا، وباستمرار وبالتدريج هتتحسنى وهتحسى بفرق.. وربنا يوفقك ✨
1
Liked by: Sondos ali

اها، وانا هنا بسأل عن سبب عدم استعداده للالتزام وتحمل المسؤولية اتجاهها بحالة زي دي؟

تعرفى حاجة؟.. فكرى ان ده مش مهم.. احنا مش هندخل فى نيته، ولا نقعد نبررله كل تصرفاته وهو عنده لسان يدافع بيه عن نفسه ويقول انا ظروفى ومشاعرى كذا وكذا ومحتاج كذا. لو لينا بالظاهر فهو انه مش عايز يتحمل مسئولية، وهو عارف انك شارياه، يبقى ابعدى شوية.. بعدك هيديكى فرصة تفكرى احسن وتحافظى على نفسك وكرامتك وتحسسيه بالمشكلة وبقيمتك وقيمة علاقتكم.
+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

الافضل النقاش، وفي حال لو رفض النقاش يعني بتسلى.

بالضبط..
ولو هو فعلا كده ومكانش مستجيب او مقنع، انت هتبقى عملتى كل الى عليكى وحاولتى تسهلى كل الطرق وفهمتيه انك شارياه بكل احترام، يبقى بس كفاية كده وابعدى.
+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

كنت بقصد انها مش جميلة جدا بشكل عام، لكن هو شايفها كويسة شكلياً كشريكة بالنسبة اله مثلاً، بس اكيد مش ملكة جمال يعني وسوبر بيوتيفول، عموماً مشكلتي الاساسية مش الشكل طالما انه هو قابله، انا بس ذكرتها كمعلومة.

وحتى لو مش جميلة شكليا خالص اطلاقا، ده مش مبرر انه يعلقها او ميكونش صريح معاها اعتقد..
عموما لازم تثق فى نفسها لنفسها، بس طالما كمان هى كافية له وهو مصارحهاش بمانع ما مادى او نفسى او كده، متحطيش العيب عليكى وبس، ومتقلليش من قدر نفسك عشان حد.
+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

ممكن الرجل اصلا يتردد بالارتباط الجاد ببنت شايف انها مناسبة ليه وجذابة بشكل كافي؟ مش لو تردد ورفض فممكن يكون مش شايفها كفؤ بالنسبة له ولا تستحق الجدية؟

لا اعرف، اعتقد الامر مش على البنت لوحدها.. يعنى ما الارتباط من الجهتين وبالتالى لو عنده مشكلة تعلق وخايف يتساب مثلا طبيعى يقلق من الارتباط، وده مش لانه شايف البنت وحشة او ان فى مؤشرات عقلانية انها هتسيبه!.. هنا ده مش تبرير انه يرفض والبنت تكمل لا خالص، ده تحليل الموقف بمثال بس.
بس هرجع واقولك ان ده مش الحالة العظمى، وبالاغلب مش بيكون الامر بالجدية الكافية من ناحيته فعلا وبيكون الطرف التانى مستمتع بالعلاقة الخفيفة بدون قيود، وده برضو مش عشان البنت وحشة قد ان هو مش مستعد يلتزم وبيتسلى.. فبالتالى البنت محتاجة تتناقش معاه بشكل غير عاطفى اكتر عن هو ليه مش عايز يأخدوا خطوات جدية اكتر؟. هل بسبب اشياء يمكن العمل عليها، ام ان المبدأ مش عنده خالص وبالتالى نقفل الموضوع ونحط حدود صريحة؟.. التهرب من الحوار ده هيتعبكم كتير قدام فالافضل الاسرع.
+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

خطيبى بعد ماانفصلنا بشهور ، بيبعتلى اغانى وبيحاول يفتح مواضيع

على حسب انفصلتوا ليه وازاى وعايزة ترجعى ولا لا.

انا قصدي انه شايفها مناسبة ليه طبعاً.

امال ليه ذكرتى نقطة الجمال؟ طالما شايفها مناسبة وقالها انه شايفها مناسبة يبقى مقدار الجمال مش محل تساؤل وفى مشكلة من عنده، يستحسن تناقشها معاه بشكل مباشر ويشوفوا ظروفهم سوا.
اتمنى بس ميكونش بيتكلم بشكل عابر كمعاكسة سهلة وهو معندوش نية واضحة اصلا، لذلك يستحسن يتكلموا.
+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

طيب اسه اسباب رفض الارتباط بالبنت في حال لو لقى انها مناسبة مثلاً، مش جميلة جداً لكن مناسبة؟

بس هى هى نفس الاجابة..
ثم يعنى ايه "مناسبة"؟ مين يحدد؟ اكيد بتختلف من فرد لفرد، وفى حاجات كتير ممكن تكون مهمة للفرد واولوية وميكونش عايز يقولها واحنا مش عارفين، حتى لو كانت شعور الارتياح نفسه او مشاعره تجاه اى حد تانى او اى سبب..
لو هنتكلم فى نقطة الجمال، ربما تكون عامل تمام، لو حابة اقول "ليه الجمال مهم لو كل شىء تانى متوفر؟"، فللاسف لان هى ده الطبيعة، ربما يُحسب للانسان انه ساعات يقدر يبدى اولويات تانية على الشكليات والوراثة والفطرة او الانجذاب البدائى وكده، بس هو من حقه يكون معه شكل مريح ومرضى نفسيا له، حتى لو ده اغلب الوقت سطحية، بس احنا منقدرش عموما نفرض معاييرنا احنا او رؤيتنا احنا لمدى محورية الجمال فى الدنيا او قدر الواقعية الى لازم يبقى موجود فى حد عشان يقدر حاجات تانية عنه، لذلك هو مش ذنب حد، او ع الاقل مش شىء لازم نجلد نفسنا عليه، هل يعنى عدم اعجاب حد بشكلنا اننا بالقطع وحشين او منستحقش حد يشوفنا؟ اكيد لا!
لو ده رأيه هو حر فيه، بس منخليش ده يحبطنا او يكرهنا فى نفسنا، ومجرد محافظتنا على نفسيتنا ومظهرنا بشكل لايق على شكلنا ونظيف هينعكس فعلا بشكل اجمل وانضر علينا.
بس عامة بجد مش لازم السبب يكون انه مش شايفها جميلة، ممكن يكون اى شىء من اول عدم جديته لحد خوفه من المسئولية.. بل و ربما القلق او الانسكيورتى عند البنت الى بتدفعها تفكر ان عدم كفايتها لازم هو السبب، بس هل ده حقيقى او حتى عملى؟.
ده مش تبرير بالمناسبة نستنى فى مشاعر وعلاقة مذبذبة ومرهقة كده ايا كان السبب بتاعه ايه، هو مش عايز ده شىء يرجعله وهو مسئول عن مشاعره وقراراته، نحاول نحافظ على انفسنا.

View more

+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

انا قصدي ع الحاجتين اللي قولتيهم جاوبيهم التنين.

فى حالة رفض الارتباط نفسه لو لقى بنت مناسبة، حتى لو مش بنتكلم عن فيلوفوبيا او جاموفوبيا بالتحديد، ممكن يكون شعور عام بعدم الاستعداد الفترة ده، او عدم الرغبة او القدرة على تحمل المسئولية، او الانزعاج من التقييد، او القلق من رد فعل الاخر والظروف والعائلة واحساس نقص مثلا، او انتظار معايير مثالية شوية عشان يحسوا ان هو ده ويأخدوا خطوة زى الحب من اول نظرة مثلا، او ان كان فى نمط علاقات عائلى سىء ما مأثر على اختياراته او عايز يكرره بلا وعى، او انه ببساطة مش جاد فى العلاقة ده من البداية فمش عايز يأخد خطوة جدية.. او وبشكل عام خالص: عدم وجود شعور ان الشخص الى قدامك ده مناسب لك وعايزه "بمعاييرك انت" حتى لو هو حد كويس، وده النقطة التانية، الانسان مبيرتبطش بس لانه لقى حد كويس لما بقى سنه ينفع، اكيد فى معايير تانية لازم نحترمها ومش اى اتنين كويسين ينفعوا سوا..
+7 answers in: “ممكن الرجل يرفض الارتباط ببنت لو لقيها مناسبة؟ مع العلم انه عمره مناسب للارتباط.”

Next

Language: English

4.1

1,266,418 reviews
© Ask.fm 2024