@Alolo_6

لولوه الصليهم

Ask me anything Follow
Ask @Alolo_6

Sort by:

LatestTop

Previous

صباح الخير، جالسة أدور عن أحد يقدر يصورلي المناهج حق مواد الترم الأول أو حتى الثاني إذا ممكن.. أو يرسلها لي بالايميل إذا عنده روابط السلايدز أو أي شي ممكن يعطيني نبذة عن التحضيري. هل تقدرين أو تعرفين أحد مستعد يوريني المناهج؟ 😁

مواد الترم الأول ممكن أصور لك إياها لأننا كنا ندرسها من كتب وهي موجوده عندي، لكن الترم الثاني كنا ندرس من سلايدز وملازم من المكتبة فما أقدر أصورها 😅 للمعلومية كتبنا تبع الترم الأول ما تباع بالمكاتب عمادة السنة التحضيرية اللي تطبعها ونشتريها منهم ومهي متوفره بغير الجامعه، عمومًا أرسلي إيميلك وراح أرسلك صور الكتب وروابط السلايدز إن شاء الله
إذا تبغين تقرين عن التحضيري اكتبي بقوقل تحضيري صحي جامعة الملك سعود وراح تلاقين اللي تبغينه، لأن فعلًا المواضيع الجميله ما تنحصر بكم رابط، ويمكن كمان من كثرتها أنسى بعضها
1
Liked by: Dr.Nawal

ليش تحير ما تعتبر عاليه يعني 😐؟ بعدين كثير قالوا روحي سعود علشان مركبتك تضمنين شوي احسن من الحرس بس ما ادري عن السنه التحضيريه كيف مستواها 😭؟

إلا عاليه بس قصدي ما تعتبر عاليه مره 😄 حلوه مركبتك ما عليها، مستوى التحضيري ماهو صعب والله، بس يبغاله جد واجتهاد وجدّيه في المذاكره وبتمشي الأمور ما عليك، ما أقولك سهل تاخذين 5 لكن بنفس الوقت مهو مستحيل مثل ما يصورونه كثير 😬 أفضل شي بعد أول أسبوع إلى ثاني أسبوع تكونين لك خطه خاصه فيك لكل ماده وتمشين عليها، إذا حسيتي إنها نفعت في المد تيرمز كملي ما نفعت حاولي تعدلين عليها وتصححين الأخطاء اللي عندك، وبكذا بتمشين كويس مره 👍🏻

People you may like

ButhainaAlmajed’s Profile Photo Buthaina.
also likes
Ahmed_borham88’s Profile Photo برهاآم
also likes
docsabry’s Profile Photo Mohamedical Samir➿الضاكتور➿
also likes
dinamamdouh62’s Profile Photo Dina Mamdouh
also likes
Abdo2021’s Profile Photo ⓐbdo El ⓢhemi ( الضاكتور ) ツ
also likes
medooooya’s Profile Photo muhammed el shenawy
also likes
mohamed_fadelll’s Profile Photo Mohamed Fadel
also likes
asmayaser90’s Profile Photo asmaa yasser
also likes
jihad896’s Profile Photo Jí H Äđ
also likes
np50’s Profile Photo خُلُود رَمَضَان.
also likes
Manar115M’s Profile Photo Manar Mahmoud
also likes
MahmoudTalaaat’s Profile Photo Mahmoud Talaat
also likes
randa_sowan’s Profile Photo randa sowan
also likes
abdallahmaher2’s Profile Photo Abdallah Maher
also likes
tota14295’s Profile Photo Fatma Balabel
also likes
kareemmohamedaboelmagd’s Profile Photo Kareem Abo-Elmagd
also likes
marzokhossam’s Profile Photo Hossam Ayman
also likes
AhssanMustafa’s Profile Photo Ihsan Mustafa
also likes
Miiinar’s Profile Photo Manar A Ahmed
also likes
pmohamed21’s Profile Photo محمد
also likes
islamxe’s Profile Photo islamxetam
also likes
mayaral3ezaby’s Profile Photo *•.¸♡ مَـــيَــار ♡¸.•*
also likes
Sirafy’s Profile Photo Mohammed El-Sirafy
also likes
Sh_y_r_oO’s Profile Photo Shrouk
also likes
omarelmorsy9’s Profile Photo omar elmorsy
also likes
Want to make more friends? Try this: Tell us what you like and find people with the same interests. Try this:
#fashion #music #shopping #dance #food #movies #rock #beauty #games
+ add more interests + add your interests

أنا مركبتي 92 اضمن شوي الطب بجامعتكم 😭؟

إذا ولد كويسه، إذا بنت صراحه تحير 😬بس كويسه ما عليها، قبل استخيري وشوفي أيش ترتاحين له ومن ثم روحي، كل الجامعات كويسه نوره الحرس سعود كلهم كويسه، أهم شي استخيري أول، والله يلهمك الصواب يارب

سبحان الله طلعوا العيال اشطر منكم

ما أشوف فيها شي هم أشطر أو إحنا أشطر، أهم شي الواحد يستمر ويحصل عالي ويبدع بمجالها، كنا أشطر أو هم أشطر ماراح يفيد بشي عادي 😄

طيب مثلا عندي مادة ساعاتها الفعلية١٠ كم مره اخذها بالاسبوع؟ ١٠ مرات!!!

لا لا، فيه محاضرات في اليوم ساعتين ممكن ثلاث ساعات، مثلًا محاضره ساعاتها 10 فممكن تاخذون المحاضره ساعتين كل يوم، مافيه شي ثابت أو نظام يحددها، على حسب نظام الجامعه

اش هي الساعات الاكاديمية والساعات الفعلية؟

الساعات الأكاديميه هي الساعات اللي تدخل بالمعدل، يعني وزن الماده، مثلًا عندنا بسعود الإنجلش الساعات الأكاديميه هي 8 ساعات، الساعات الفعليه يعني كم ساعه ندرس هذي الماده بالأسبوع، مثلًا الإنجلش لفل b ندرسها 15 ساعه، أيش اللي يأثر طيب؟؟ الساعات الأكاديميه هي اللي تلعب بالمعدل، هي تشبه فكرة مواد الثنوي، الرياضيات كانت الدرجة مضروبه بسته صح؟؟ وكنا إذا نقصنا درجة بالرياضيات يأثر كثير بالمعدل عكس الأدب مثلًا، نفس الفكرة اللي عليها ساعات كثيره لمن ننقص قريد فيها يأثر على المعدل أكثر من اللي ساعاتها قليله
يعني مثلًا الإنجلش عليه 8 ساعات بالمعدل لمن ناخذ a بدل a+ ينقص من المعدل 0.29 تقريبًا، لكن الريض عليه ساعتين فلمن ناخذ a بدل a+ ينقص من المعدل 0.02
الساعات الفعليه مالها دخل أبد بالمعدل، بس إذا كانت الماده ساعاتها الأكاديميه كثيره يعني ساعاتها الفعليه كثيره، لكن مالها أي تأثير بالمعدل

ان شاء الله بطور لغتي. ويارب اني ما اشيل هم 😂🙊 شكراً للطفك ❤️

يا حبيبتي، الله يوفقك يارب وينور قلبك ويسعدك وبعد سنه يارب تتبرشين بقبولك بالطب يارب
بالتوفيق يا قلبي ❤️
1
Liked by: Dr.Nawal

حبيبتي والله ردك طمني شكراً ربي يسعدك 💗 الله يوفقنا ونحقق احلامنآ

شوفي الإجازة طويله مره مره، حرام تقضينها خوف وتوتر، هالمشاعر بتجيك بالتحضيري فخلي لكل شي وقته 😁 استمتعي بإجازتك وإذا لغتك ضعيفه حاولي تطورينها ولا تفكرين كثير بالقبول وهالسوالف، باقي سنه كامله عشان يتحدد هالشي ليه تفكرين من ألحين؟! والله نصيحه نصيحه نصيحه لا تفكرين كثير وعيشي حاضرك واستمتعي فيه، بعدين بيجي اليوم اللي بتتوترين فيه هذي خلي لها وقتها
1
Liked by: Dr.Nawal

ليش مركبة البنات أعلى من العيال؟

ما أدري عنهم 😁 يمكن لأننا أحنا البنات نشد حيلنا أكثر ونذاكر أكثر، وبرضو دائمًا العيال يقبلون عدد أكثر من البنات فهذا سبب برضو، لكن ألاحظ في كل مكان البنات دائمًا أعلى، ممكن لأننا ندرس أكثر منهم وحريصين أكثر

تعرفين برنامج الطلبة المتفوقين؟ كم وقفت النسبة المركبة عليه في التحضيري؟

ما أعرف إلا عن بنات الصحي، أذكر أنهم قبلوا 20 بنت وأقل مركبه كانت 95.5 أو بالهحدود يعني، ماني متأكده من الفاصله لكن تقريبًا يعني

ايش اصعب مادة واجهتك الترم الثاني بصراحة ؟ومن اي ناحية كانت الصعوبة؟

الفيزياء، صعوبتها كانت في طريقة الأسئلة، يعني مستوى الأسئلة غير عن اللي تعودت عليه بالثنوي، وغير كذا أنا إنسانه ما أحب الفيزياء ولا استمتع بمذاكرتها أو دراستها أو حتى القراءه عنها، والتيتشر شرحها كان جدًا سيء للأسف، فما كان فيه شي يساعد أبدًا إن الماده تتسهل علي 😅

السلام عليكم حبيبتي 💗 انا مركبتي 95.70 وابي جامعة سعود العادية طب لكن خايفة ان مركبتي تكون قليلة ماتساعد كثير مركباتهم عالية وخفت ! ايش رأيك 🎀.

ليه تخافين 😁 مركبتك عاليه بالعكس المفترض تكونين مرتاحه، كل بنات دفعتكم كذا يقولون أخاف فيه ناس أعلى مني، ترا البنات اللي تشوفونهم يسألون وكذا هم الأفضل والنخبه يعني 😁 ما أتوقع راح ترتفع نسب التخصص لدرجة إن اللي مركبتها 95 ماراح تكون من ضمن المركبات اللي يضمنون طب، هالشي مستحيل تمامًا، خلوا عنكم الوسوسه الزايده وثقوا بالله ثم بقدراتكم وإنكم تقدرون تجيبون معدل عالي ومع المركبات العاليه اللي عندكم ما شاء الله بيمديكم تدخلون تخصصكم بكل أريحيه، يعني شوفي فكري أنتِ كم بنت شفتيها تبغى سعود صحي ومركبتها أعلى منك؟؟ أكثر شي يعني قولي ثلاثين بنت، بنات الصحي بسعود عددهم 800 تقريبًا يعني ما يجون ولا عشر بنات الصحي، أي وحده مركبتها من 93 وأعلى هذي أشوفها في safe side فكيف أنتِ ما شاء الله
1
Liked by: Dr.Nawal

متى يعلنون التخصص في جامعتكم؟

عادةً قبل ما تفتح بوابة القبول للأولاد، القبول قصدي اللي متخرجين من الثنوي ويبغون يقدمون على الجامعه، يعني أذكر السنه اللي فاتت كان يبدا التقديم الأحد أو الاثنين نزلوا التخصصات يوم السبت، فاحتمال هالسنه ينزلونها 5 أو 6 رمضان

مركبتي 93 وانا ولد هل اروح سعود ولا الحرس ؟

مركبتك كويسه مره مره ما شاء الله، إذا حاط ببالك جامعة معينه أستخير أول وبعدين قرر، لكن بشكل عام نصيحتي لك تدخل سعود، مركبتك كثير بتساعدك في التخصص، لكن مثل ما أقول دايم أستخير أول وإذا شفت إنك أرتحت لسعود توكل على الله، كل الجامعتين كويسه ومهما كان قرارك ماراح تندم عليه تأكد 👍🏻

ايش افضل الجامعات بالسعودية ؟

ما عندي اطلاع عن كل جامعات السعوديه 😅 لكن كل الجامعات فيها الخير والبركه، بالنسبة لتفضيلي أنا -وجهة نظري- الجامعات هم سعود، الحرس، عبدالعزيز، الملك فهد للبترول
ما حطيتهم بالترتيب لأني أشوف كلهم كويسين، أما الجامعات الأهليه ما أعرف ماقد أطلعت عليهم

مركبتي ٩٧ ايش انسب الحرس و لا سعود 😢؟

أكيد سعود، مركبتك مره عاليه ما شاء الله، بتساعدك كثير تدخلين طب، استخيري أول وشوفي لكن طبعًا أفضل لك سعود

ضامنه باني ما بياخذون مركبتي يعني بس اشتغل ع معدلي بسعود مو ضامنه لانو بياخذون المركبة وكثير اعلى مني فهمتي علي؟ ومعليش لو تعبتك

إيه فهمت عليك، عمومًا أسألي بنات من نوره عن طبيعة الدراسة عندهم وهل سهل يحصلون معدل عالي عشان دخول الطب وكيف طبيعة دراستهم وأيش المواد عشان يكون عندك صوره واضحه لكل السنه
إذا تشوفين هذا الخيار أفضل لك روحي معاه، مافيه أحد يعرف لك أكثر من نفسك، بس مثل ما قلت لك تأكدي من نظام كل جامعه ودراستهم وبعدين قرري، الجامعه هي بداية حياتك الفعليه لازم تقررين الشي اللي تبغين تكونينه بعد عشر أو عشرين سنه، لا تستعجلين بقرارك وفكري كويس بكل إيجابيات الموضوع وسلبياته، هنا راح يتبين لك أيش الخيار الأفضل

هوا مو فكرة انو تحضيري نورة اسهل لكن موزونات البنات هناكا اقل من سعود بشوي يعني بكون شبه ضامنه البشري + عندهم التخصيص بناء ع معدلي العلمي ولو حصل في تساوي بين طالبتين يناظرون للمعدل العام ولو حصل تساوي يلجأون للمركبة يعني غير عن سعود يلي دايركت ياخذ نص المركبة

ما فهمت كيف تصيرين ضامنه؟؟ لأن هو يعتمد على معدلك مافيه ضمان على معدلك، يعني مافيه ضمان إنك راح تاخذين معدل عالي
عمومًا كل الخيارين كويسين، الطب يمديك تتطورين فيه بالتعلم الذاتي مو بس بالجامعه، فكونك تدخلين بسعود أو نوره مافيه هذاك الفرق الكبير، إذا حسيتي إنك مو مرتاحه لسعود لا تدخلينها، التحضيري ضغط نفسي فماله داعي تزيدين عليها تأنيب ضمير هذا الشي بيعذبك، لكن لا تنسين إن عندك خيار في سعود وصدقيني مهو مستحيل إنك تدخلين طب بناء على مركبتك لأنها كويسه صراحه

انا فكرت اقدم ع نوره لانو صدق اخاف ما انقبل حتى لو جبت بالترمين ٥ حابه طب بشري طبعا فقولت اروح للاضمن يلي هيا نوره ايش رايك؟ لانو بيكون لو جبت الترمين خمسة ٩٥.٥٥ ودفعة ٣٥ وقف تقريبا ٩٤ ودفعتي احسو بيوصل لل٩٥ وحكون قلقانه طول الترم واخاف بعدين لو طلع انقص اندم اني دخلت نوره 😩😩شالحل امانه

شوفي ما أعرف كثير عن دفعتكم بس هو مجرد توقع إنها ماراح تزيد عن 95، يعني ما أتوقع راح تكون أكثر من 95 لكن كل شي جايز ما ندري، بس حطي ببالك نوره ما يخصصون إلا على المعدل وأبدًا مش صحيحه فكرة إن تحضيري نوره أسهل من سعود بالعكس هم عندهم بعض المواد مهي عندنا وأصعب مننا حتى، ويدخل كمان بالتخصيص مستواك في الإنجلش، فأفضل حل شوفي المواد شوفي طبيعة الدراسة طريقة التخصيص وأسألي بنات من جامعة نوره عن التخصيص وكذا، ولا تنسين مثل ما قلت استخيري أكثر من مره وشوفي
أتوقع هذا أفضل حل، وصدقيني مهما صار لك فهو خير من عند رب العالمين، أنتِ بس إفعلي بالأسباب وربي ماراح يضيعك أبد

لولوه كم اقل نسبة اخذوها لدورات المتفوقات هالسنة ؟

أتذكر أقل شي كان للصحي 95.5 تقريبًا أو حولها، ما أتذكر الفاصله بالضبط يعني تقريبًا

وانا من دفعة السنة الجايه ومركبتي٩١ احس بدات اخاف من الحين خاصة وانو الكل اعلى مني اف ورايه هم سنة كاملة يارب😩💔

ما تدرين عن مركبات الكل، يعني معظم اللي نشوفهم يسألون وكذا هذول نقدر نسميهم الصفوه 😁 عمومًا وبشكل عام أنتِ استخيري قبل ما تقدمين وشوفي اللي يرتاح له قلبك وروحي معه، وصدقيني مهما كان خيارك بعد الاستخاره فهو الأفضل، مركبتك كويسه وصدقيني فيه كثير مره مركباتهم نازله وقليله، مثل ما قلت لك أهم شي استخيري بعدين شوفي قرارك، على مركبتك كل الجامعات ما شاء الله مفتوحه لك، موفقه 👍🏻

كيف جامعه سعود طيب؟ تنصحيني فيها؟ صعبه ؟؟

مره مره كويسه الجامعه، حتى سمعة الجامعة جدًا كويسه، بالنسبة للصعوبه فعليًا فعليًا كل الجامعات مهي سهله، أنا عندي صديقات من كل الجامعات وكلهم مهي سهله، بس بشكل عام الصعب يعني هو كلية العلوم بتحضيري صحي لكن عادي مو ذاك التهويل مع الاهتمام وترتيب الأولويات تقدرين تنجحين فيها، شكثر اللي نجحوا معناته مو مستحيل الموضوع

لولو انت باي جامعه وباي سنه؟

أنا بجامعة الملك سعود، لسى توني خلصت تحضيري صحي

Next

Language: English

4.1

1,266,418 reviews
© Ask.fm 2024