لولوه الصليهم

اتمنى اشوفك 😢 يختي انتي انسانة عجيبة وحبوبة وكل شي فيك يجنن الله يخليك لأهلك ❤️❤️

November 06, 2016

إذا أنتِ معنا بالدرعيه حياك تعالي سلمي راح انبسط والله إذا شفتك
إذا بعدك يالتحضيري ما عليه السنه الجايه أشوفك بالدرعيه وأتشرف جدًا بشوفتك والتعرف عليك والله
وشكرًا على لطافتك 🙈 كلامك جدًا لطيف وكثير علي صراحه 😊 جدًا شكرًا على لطافتك يختي الله يسعدك أضعاف ما أسعدتيني يارب، آمين والجميع يارب ❤️

0

0

الحين بعدين اذا تخصصت سواء طب او صيدلة او اي تخصص بيصير عندنا برزنتيشن خرابيط زي التحضيري ولا اكره العروض

November 05, 2016

ما أعرف عن الصيدله والله بس بشكل عام أتوقع فيه عروض 😅
أحنا بالطب ممكن يكون عندنا عرض على حسب الدكتورة تبع الPBL ممكن بعضهم يطلبون عروض، أما المواد الأساسيه لا so far ما طلبوا مننا عروض
عادي ترا العروض فرصه لك عشان تحصلين درجات بسهوله، سوي عرض بسيط والموضوع اللي بقرين عنه أصلًا راح يجيكم بالإختبار ولمن تقرين عنه قبل هذي مذاكره رهيبه جدًا وراح تتذكرينها لوقت طويل خصوصًا إنك شرحتيها ووضحتيها

0

0

هو عادي مو لازم نكون صداقة في الجامعة خصوصًا التحضيري لأن كلنا راح نفترق الترم الثاني .. والحين الاغلبية اذا خلص الكلاس علطول يروحون لصديقاتهم القديمات .. هو سولفي معهم وتكلمي في الكلاس مو يعني ابدًا لا تحتكين فيهم 👌🏻

November 05, 2016

وجهة نظر جميله جدًا 👍🏻
بس ترا عادي حتى لو كنتوا بكلاسات مختلفه بأوقات تكونون فاضين تجمعوا مع بعض وسولفوا، مثل ما البنات يروحون مع صديقاتهم القديمات نفس الشي أنتوا تكونون صرتوا مره صديقات وتجلسون مع بعض بأي وقت
بنات بالطب معي صديقاتهم بكلية الصيدله وبعيده عننا ومع ذلك أي وقت بريك يروحون لهم ويجلسون مع بعض عادي 😁

0

0

People you may like

Buthaina.

also likes

• #ksu

برهاآم

also likes

• #medicalstudent

Mohamedical Samir➿الضاكتور➿

also likes

• #medicalstudent

Dina Mamdouh

also likes

• #medicalstudent

ⓐbdo El ⓢhemi ( الضاكتور ) ツ

also likes

• #medicalstudent

muhammed el shenawy

also likes

• #medicalstudent

Mohamed Fadel

also likes

• #medicalstudent

asmaa yasser

also likes

• #medicalstudent

Jí H Äđ

also likes

• #medicalstudent

خُلُود رَمَضَان.

also likes

• #medicalstudent

Manar Mahmoud

also likes

• #medicalstudent

Mahmoud Talaat

also likes

• #medicalstudent

randa sowan

also likes

• #medicalstudent

Abdallah Maher

also likes

• #medicalstudent

Fatma Balabel

also likes

• #medicalstudent

Kareem Abo-Elmagd

also likes

• #medicalstudent

Hossam Ayman

also likes

• #medicalstudent

Ihsan Mustafa

also likes

• #medicalstudent

Manar A Ahmed

also likes

• #medicalstudent

محمد

also likes

• #medicalstudent

islamxetam

also likes

• #medicalstudent

*•.¸♡ مَـــيَــار ♡¸.•*

also likes

• #medicalstudent

Mohammed El-Sirafy

also likes

• #medicalstudent

Shrouk

also likes

• #medicalstudent

omar elmorsy

also likes

• #medicalstudent

Want to make more friends? Try this: Tell us what you like and find people with the same interests. Try this:

#electronicmusic #basketball #sport #party #books #football #pop #art #football #shopping

+ add more interests + add your interests

كلامك صح بس لا تعطين الشيء اكبر من حجمة يعني مثلاً لساعات معينة العلم اكيد اكيد مهمة بس مو لدرجة يصرق مني حياتي اعرف الطب جداً جداً صعب لكن مايصرق حياتي! لو كنتي تفكرينه كذا جداً غلط

November 05, 2016

طيب خليني أقولك شي، أنا إنسانه طبيعتي لمن أدرس أطول بالدراسه، عشان أفهم وأستوعب وأعرف بعدين إن شاء الله أحل لازم آخذ وقت مره طويل بالدراسة، هذي طبيعة ما أقدر أغيرها فيني، حاولت كثير مره بطرق كثيره جدًا إني أصير أذاكر بسرعه وما آخذ وقت وانكبت بالمد 😂
أعطيت نفسي راحه بعد اختبار المد وألحين انكبت عندي أكثر من عشرين محاضره ما فتحتها وبالأسبوع الجاي بناخذ زياده محاضرات ولازم أخلصهم قبل الفاينال بأسبوع وزياده عشان ألاقي لي وقت أراجع وما أغلط غلطت المد
ألحين لو استمريت كذا وصرت آخذ فترات راحه وتتراكم علي المحاضرات زياده عشان "أعيش حياتي" وبالتالي ما ألاقي وقت أخلص المحاضرات أو ما أراجعها وأكرر غلط المد وأنقص واجد هل الشي هذا صح أو غلط؟؟
الواحد يتعامل مع حياته بحسب طبيعته، أنا ما أقدر آخذ فترات راحه كثيره لأن لو أخذت راح أنكب وآكلها على راسي، فالأفضل لي أسوي اللي يناسبني وأنجح بحياتي العلميه وأكون فخوره بنفسي وأعيش حياتي على هالأساس 😊

View more

0

0

نفسي دخلت الجامعه وماعرفت اكون صداقات بديت اشك ان البلاء فيني ، بنات كلاسي تصادقوا مع بعض وبقيت انا لحالي ماعرفت اندمج معهم بس تطمنت لما عرفت ان فيه احد قد صارت له قبلي

November 05, 2016

لا بالتحضيري كانت غلطتي إني ركزت مره على الدراسة وما كونت صداقات، وإلى الآن أنا ندمانه على هالشي
حاولي حاولي حاولي تكونين صداقات مع بنات كلاسك قد ما فيك لأن وربي الصداقه شي جدًا جميل وراح تحسين بأهميته لمن تدخلون الترم الثاني وتشوفين كمية الضغط والتعب، راح تحتاجين كثير أحد يخفف عنك ويساعدك ويكون معك يسمع لك وتفضفضين له، حاولي قد ما تقدرين تكونين صداقات مافيه أجمل من الصداقه صدقيني

0

0

ياقلبي اهل ابوك من الخرج معناته ابوك من الخرج؟ اذا انتي من الخرج بعد😂❤️

November 05, 2016

عارفه أنا من الخرج بس السؤال كان عن أصل العائله كلها وأنا والله ما أعرف 😂

0

0

الله يوفقك ويفتح على قلبك انتي قدها ان شاءالله كلها فتره وتعدي يارب نشوفك اكبر دكتورة

November 05, 2016

آمين يارب
جالسه أحاول قد ما أقدر أقنع نفسي بهالفكره وإنها فتره وأضحك على نفسي، لكن الله ييسر ويسهل من حيث لا نحتسب يارب
شكرًا جدًا على لطافتك ❤️ العالم محظوظ إن فيه ناس يعيشون فيه أمثالك على اللطافه هذي الله يكثر من أمثالك يارب ❤️

0

0

كل هاللطافه والاسلوب الحلو والاخلاق الزينه وماعندك صديقات مقربات؟ اتمنى اصير لك وحده منهم ، دائماً اقول ياحظ الي حولك

November 05, 2016

يا لطافتك يختي 🙈🙈
أيام الثنوي كانوا صديقاتي واجدات بس من دخلت الجامعه ماش ما عرفت أكون صداقات 😁 أو تكون صداقه لكن مهي هذيك الصداقه العميقه جدًا يعني نقدر نقول صداقة كلاس 😂
حاليًا بالطب جالسه أحاول أكون صداقه لكن مع الوقت المضغوط هذا ما أعرف إذا راح أقدر أو لا 😂

0

0

ماتشوفين مسلسلات افلام تلفزيون شي

November 05, 2016

أيش فيكم يا جماعه 😩
عادي أنا مجرد إنسانه ما أطلع كثير من البيت بس 😂
أتابع أفلام ومسلسلات وحتى أتابع مباريات وأشجع وأتحمس عادي 😂 بس إني أخصص لكل شي وقت، أحيان يمر أسبوع ما أتابع شي عشان عندي محاضرات كثيره وأحيان عادي يصير عندي وقت وأقدر أتابع
الواحد بس يقنن وقته متى يقدر يسحب على هالأشياء ومتى ما يسحب عليها ويستمتع بوقته 😁

0

0

بس هذا يعتبر كئابة ولنفسك عليك حق من قالك ان علاقاتي ببنات خالاتنا وعمانا كويسة انتي واهلك اطلعوا ووسعو صدوركم ولا تقطعين صلة الرحم غلط والله لو ماتواطنينهم بس لا تتوحدين بنفسك وكتبك ❤️

November 05, 2016

لا مو كآبه أنتِ تشوفينها كآبه أنا متعوده عليها وعايشه وضعي بشكل جدًا طبيعي
مو شرط إني أطلع مع أحد لأي مكان يعتبر تسليه وفرح، ممكن أنتِ تشوفينه تسليه غيرك ما يشوفه كذا 😊
أما بالنسبة لأصل رحمي أكيد أزورهم ولو شدعوه 😁 أروح أسلم عليهم بين فتره والثانيه، أحيان بس أسلم وأطلع وأحيان إذا ما عندي شي أجلس معهم وقت طويل
وأهلي ما يطلعون كثير وإذا طلعوا يطلعون مع صديقاتهم 😅
وبعدين لمن أقول أدرس طول الوينكد ما يعني من أصحى لمن أنوم وأنا أذاكر لا 😂 عادي أقتطع جزء من وقتي أتابع لي شي استانس عليه، أجلس بعض الأحيان مع خواتي نسولف مع بعض
وعمره العلم ما كان كآبه، أنا جالسه أدرس وأقرا وأبحث عشان بعدين بالمستقبل لمن يجيني مريض أعرف وش جالس يصير له، أعرف بالضبط أيش اللي هو يعاني منه، أعرف كيف أوصف له العلاج اللي يناسبه، أعرف كيف أكون سبب من أسباب علاجه وشفاءه من المرض بعد أمر ربي أكيد
ومثل ما أقول لنفسي دايم اللي يبغى الدح ما يقول أح، دخلت طب لازم أعرف إني أذاكر كثير وأدرس كثير وأبحث كثير لدرجة ياخذ مني وقت كبير جدًا جدًا، هذا تخصص يلامس أرواح الناس مو لعبه 😁
هذي وجهة نظري، وصحيح تختلف عن وجهة نظرك بس كل واحد يسوي الشي اللي يريحه، أهم شي الواحد يكون مرتاح بحياته 😊

View more

0

0

الصليهم من وين بالضبط ؟

November 05, 2016

ما أعرف والله
بس اللي أعرفه أهل أبوي من الخرج 😁

0

0

كل ويكند تذاكرين وماتطلعين هذي قويةء💔

November 05, 2016

أنا من عرفت نفسي وأنا كذا والله 😶
أنا إنسانه ما عندي علاقات اجتماعيه قويه يعني ما عندي صديقات مقربات جدًا ومو قريبه من بنات عمي أو بنات خالي فما عندي أحد أطلع معه 😂
وأصلًا لو فرضًا عندي صديقات أهلي مستحيل يوافقون إني أطلع مع صديقاتي 😂
هالشي ممكن أعتبره ميزه عشان أصير أذاكر بكل وينكد وما أكون متضايقه ولا أحس إن هالشي ضغط علي لأني جدًا متعوده على الوضع هذا 😊

1

0

Liked by: وليد محمد، مغلق.

لا لا ما اقصد كذا😂😂اقصد كيف تعاملتوا مع مواد الطب واول سنة وكيف ذاكرتوا له والصعوبة وبس❤️

November 05, 2016

واضح إني خرشتك بالإجابه 😂
شوفي أنا ما قبل المد كانت المواد حليوه وخفيفه وتنفهم، وحتى يعني لو مره ما فهمت ممكن أفتح اليوتيوب وأشوف مقاطع وأفهم
لكن جزئية ما بعد المد حست فيها لحد ما قلت آمين 💔 أول بالويكند أقدر أخلص ثلاث أربع محاضرات لكن حاليًا بهذا الويكند مثلًا جالسه يوم كامل على محاضره وحده 😅💔
والمشكله مو هنا المشكله إن الكل يقول لنا من بعد المد بيتسهل عليكم كل شي وتصيرون تذاكرون أسرع لكن اللي صاير لي العكس وأنا ماني عارفه وش المشكله فمتحطمه ألف مره من اللي جالس يصير 😢
أيش لازم أسوي أيش الحل هذي عليها مليون علامة استفهام، لكن الله يسهل يارب

0

0

طيب واختبارك كيف طاكرتي لها وجبتي فيها زين

November 05, 2016

طيب أرجع أوضح وجهة نظري لأني ما كنت واضحه مره
المقصد يا جماعة هي لا تتوكلون على مذاكرتكم ولا على دراستكم، أقصد لا تقولون أنا حصلت الدرجة العاليه بفضل مذاكرتي هالشي ما يصلح، الأصح أنكم حصلتوا الدرجة العاليه بفضل ربي وتوفيقه
هالشي ما يعني بس اعتمدوا على توفيق ربي ولا تفتحون شي لأني إذا قلت هالكلام معناته إني وحده مو صاحيه 😂 طبعًا لازم تذاكرون وتشدون حيلكم وتتدربون كثير جدًا جدًا عشان يتطور مستواكم وبإذن الله تقدرون تحلون، التوكل على الله ما يتنافى أبدًا مع الأخذ بالأسباب، أصلًا هو أساس التوكل على الله الأخذ بالأسباب
لابد تذاكرون وتعملون كل اللي بيدكم عشان تحصلون الدرجة العاليه، وبعد ما تخلصون مذاكره قولوا يارب ليس بجدي ولا باجتهادي إنما هو توفيق منك يارب العالمين، هذا هو اختصارًا الفكرة اللي أنا حبيت أوصلها 😊
إذا كان سؤالك عن شي ثاني فأتمنى توضحينه لأني ما فهمت مره أيش قصدك 😅

0

0

صاحبة سؤال الدالة معليش اذكري رقم الدرس والسؤال يمكن اقدر اساعدك ❤️

November 05, 2016

جزاك الله خير ❤️

0

0

لولوه يوم كنتي تذاكرين كتاب هدفك بالقدرات كيف كان مذاكرتك له انا قاعده اذاكره وحاليا وصلت عند مقياس الرسم ، انتي كم يوم قعدتي عليه ؟ وهل استفدتي منه بالشكل المطلوب في اختبار القدرات يعني كانت اسئله القدرات سهله عليك؟

November 05, 2016

حلوو مره هذا الكتاب إذا كان أساسك كويس، مره جميل استمري عليه
كم يوم قعدت عليه ما أتذكر بالضبط لكني ذاكرته مرتين، المره الأول كان باختباري الثالث وما كان أساسي مره كويس فطولت مره عليه ممكن جلست شهر كامل، لكن المره الثانيه ذاكرته جلست عليه أعتقد بالكثير أسبوعين
مره مفيد الكتاب وطور مستواي بشكل رهيب 👍🏻 أما بالنسبة لأسئلة القدرات هي تتسهل إن شاء الله بالتدريب، مو بس تعتمدين على كتاب واحد لا حلي أسئلة مره كثيره، على كثر ما تحلين أسئلة على كثر ما تسهل عليك أسئلة الإختبار وتتعودين

0

0

لولو أسئلة الحقيبة التفاعلية هي اللي في البلاك بورد و اسمها (اختبار الجلسة) ؟

November 05, 2016

أيوه بالضبط

0

0

ايش اللي مافهمتيه وتحسينه مادخل مخك!

November 05, 2016

هو أنا كذا وضعي بالأميون أفهم الكلام الموجود بالسلايدز لكن ما يدخل مخي، يعني ما استوعبه ولا أقدر أتخيله بمخي، وعلى كثر ما أشوف مقاطع animation إلا إني ما أقدر أستوعب ما أدري ليه 😓
على العموم ممكن لو ذاكرت الباثو تتضح الصوره أكثر، يعني لعل وعسى 😅

0

0

ياليت اذا تعرفون او احد يعرف وش يقصد ب The domain consists of the number 2. Which is assigned the number 4.. المطلوب بالسوال هل هي داله او غير داله ومعطيني هالجمله 😢

November 05, 2016

والله ما فهمت وش المقصود من السؤال 😓
إذا فيه أحد فهم يا ليت يساعدها

0

0

كيف الاميونولوجي

November 05, 2016

نص ونص صراحه 😁
فيه أشياء فهمتها لمن شفت الفيديوز وفيه أشياء إلى الآن ما استوعبها مخي 😂 يعني مو قادره أفهمها وما لقيت ولا مقطع فيديو يشرحها بشكل سهل وبسيط كلهم يعقدون السالفه زياده عن اللزوم
وأنا أبغى استوعبه لأني ما لمست ولا محاضره من الباثو للinflammation لعل وعسى إذا فهمت الأميون راح أفهم الباثو لكن الظاهر إني ماراح أفهمهم ثنينهم 😂

0

0

طيب المواد العلميه تختلف على حسب اللفل ولا كل المواد نفس الشي بس الانجلش اللي يختلف؟

November 05, 2016

لا مافيه اختلاف بالمواد العلميه، بس يختلف اللفل بالإنجلش، وعلى دفعتنا والدفع اللي قبلنا يخلون لفل b and c نفس بعض، يعني يصير عدد ساعات لفل c نفس لفل b بس الكتب تختلف

0

0

بالبرزنتيشن عادي لو جلست اقل من ثلاث دقايق؟

November 05, 2016

يختلف على حسب التيتشر لكن عادةً التيتشرز ما عندهم مشكله مع الوقت، أهم شي ما تخلصين بسرعه مره ولا تطولين مره خلك وسط يعني
من دقيقتين إلى دقيقتين ونص وضعك طبيعي مافيه مشكله

0

0

هل الترم الثاني اقدر اغير اللفل؟

November 05, 2016

ما أعرف صراحه بس على دفعتنا كان في بنات قالوا لهم نبغى نغير اللفل وما وافقوا، بس ما أعرف هل صار للكل ولا مجموعة بنات
السؤال هذا أفضل توجهينه للعماده أو المسؤولات عن قسم اللغة الإنجليزية هم عندهم المعلومة الأكيدة

0

0

الترم الثاني بالانقلش في ca ولالا وإذا فيه بيكون نفس هالترم؟

November 05, 2016

إيه فيه لكن إذا إنتوا صحي المواضيع راح تكون تتعلق بالمجال الصحي، مثلًا بالعرض راح يعطونكم مواضيع يا عن معدات طبيه أو مرض وشي ثالث نسيته 😅 أما بالكتابة راح يعطونكم تكتبون يا عن دوا معين أو عن السمنه عند الأطفال أو عن العلاج الشعبي ومقارنته مع العلاج الحديث، هذا اللي أذكره للفل b وكانوا لفل c نفسنا لكن ما أعرف عن لفل a نفس الشي ولا لا 😁

0

0

http://ask.fm/Alolo_6/answer/141583833956 ليه قلتي كذا؟ فيه شيء اسمه فعل اسباب وتوكل ودعاء /:

November 05, 2016

أنتوا فهمتوني مره غلط وأنا ما وضحتي نقطتي بشكل كويس 😂
أقري الجواب اللي تحتك وراح تفهمين
وكلامك جدًا جدًا صحيح وما يختلف عليه أي أحد، أنا كان المقصد أنبه فقط على نقطه كثير ناس يغفلون عنها 😊

0

0