لولوه الصليهم

كيف عرفتي انك مترشحه

September 04, 2016

يرسلون لك على بريدك الجامعي رسالة تهنئة بترشيحك للبرنامج
برضو في موقع التحضيري بقسم برنامج المتفوقين يكتبون قائمة بأسماء المقبولات في البرنامج

0

0

البرنامج بس لخريجات الرياض

September 04, 2016

لا لكل المقبولات بالجامعة
وفيه بالنسبة للطالبات الغير سعوديات فقط أعلى طالبة مركبه لكل مجال، صحي علمي انساني

0

0

طيب بعد اختيار التخصصات ما يرشحون طالبات جدد في البرنامج ؟؟؟

September 04, 2016

لا ما يرشحون، مثل ما قلت لابد تجتازين المرحلة الأولى اللي هي التحضيري عشان تنتقلين للمرحلة الثانية اللي هي التخصص

0

0

People you may like

Buthaina.

also likes

• #ksu

برهاآم

also likes

• #medicalstudent

Mohamedical Samir➿الضاكتور➿

also likes

• #medicalstudent

Dina Mamdouh

also likes

• #medicalstudent

ⓐbdo El ⓢhemi ( الضاكتور ) ツ

also likes

• #medicalstudent

muhammed el shenawy

also likes

• #medicalstudent

Mohamed Fadel

also likes

• #medicalstudent

asmaa yasser

also likes

• #medicalstudent

Jí H Äđ

also likes

• #medicalstudent

خُلُود رَمَضَان.

also likes

• #medicalstudent

Manar Mahmoud

also likes

• #medicalstudent

Mahmoud Talaat

also likes

• #medicalstudent

randa sowan

also likes

• #medicalstudent

Abdallah Maher

also likes

• #medicalstudent

Fatma Balabel

also likes

• #medicalstudent

Kareem Abo-Elmagd

also likes

• #medicalstudent

Hossam Ayman

also likes

• #medicalstudent

Ihsan Mustafa

also likes

• #medicalstudent

Manar A Ahmed

also likes

• #medicalstudent

محمد

also likes

• #medicalstudent

islamxetam

also likes

• #medicalstudent

*•.¸♡ مَـــيَــار ♡¸.•*

also likes

• #medicalstudent

Mohammed El-Sirafy

also likes

• #medicalstudent

Shrouk

also likes

• #medicalstudent

omar elmorsy

also likes

• #medicalstudent

Want to make more friends? Try this: Tell us what you like and find people with the same interests. Try this:

#party #fun #shopping #books #sport #music #hiphop #dating #comics #football

+ add more interests + add your interests

في البرنامج ما يستبعدون اللي ما حضروا عشان يعطون مجال للباقين

September 04, 2016

لا مستحيل
هم ما ياخذون غير أفضل 20 مركبة للصحي وما يزيدون عليها ولا ينقصون، وعادةً بعد التخصص يققلون الطالبات لأن كل تخصص له عدد مخصص للمتفوقات، مثلًا الطب تقريبًا فقط أربع طالبات أو خمس، فيقل كثير عدد الطالبات أصلًا مع السنوات

0

0

ايش سووا لكم في برنامج التفوق؟

September 04, 2016

بالتحضيري سوو لنا بس دورات تدريبية بمجالات كثيرة، بالحاسب بالرياضيات بتطوير الذات
وبرضو سوو لنا رحلات عديدة، الشورى مصنع مركز أبحاث وغيره

0

0

اهلا لولوة برنامج المتفوقين اذا ما دخلته الطالبة في التحضيري تقدر تدخله في التخصص ؟؟

September 04, 2016

أهلًا
لا ما تقدرين، بالأصل البرنامج مراحل، عشان تنتقلين للمرحله الثانيه لازم تجتازين المرحله الأولى
المرحله الأولى التحضيري، الثانيه أول سنتين تقريبًا بالتخصص، الثالثة آخر سنتين بالتخصص
وبالمناسبة مو ترشحين نفسك أو تقدمين هم اللي يختارونك

0

0

ان شاءالله يارب بشد حيلي.. طبعاً اعترف اني ندمانه جداً اني ما شديت حيلي من بدري والود ودي يرجع الوقت واشد حيلي من الاول لان حلم حياتي من وانا صغيره ادرس طب ،بس اخاف اتأمل واتحطم بالنهايه!

September 04, 2016

أرجع وأقولك الندم ماراح يفيد بأي شي لأن كل شي انتهى وما تقدرين تغيرين أي شي
أنتِ سوي اللي عليك واللي كاتبه ربي بيصير، أهم شي افعلي بالأسباب وقاتلي عشان حلمك وربي لا يضيع أجر من أحسن عملا

1

0

Liked by: أماني سعد

الاكيد بإذن الله بشد حيلي هالسنه بالنسبه والقدرات والتحصيلي لكن خوفي كله اني حتى لو شديت حيلي وجبت درجات عاليه السنتين اللي راحوا يأثرون على قبولي بالمسار الصحي💔

September 04, 2016

أيش راح يسوي لك الخوف؟؟ ماراح يسوي لك أي شي صدقيني
ما عندك أي شي تسوينه حاليًا غير إنك تشدين حيلك وتتعبين فعلًا وتذاكرين بشكل مكثف جدًا وترفعين من مركبتك قد قد ما تقدرين
وفي النهايه القبول من عند رب العالمين
وفي النهايه انقبلتي في أي جامعة صحي الحمدلله ما انقبلتي خيره وجربي تحولين إلا إذا مره تقفلت كل السبل عليك كملي بالمجال اللي قبلوك فيه
في النهايه بعض الجامعات بالصحي صحيح ممكن يأثر عليك بعدين مركبتك خصوصًا لو كانت متوسطة ونفس نسب البنات، لكن بعض الجامعات ما يأثر أبد وما يكون التركيز إلا على المعدل الجامعي فقط لا غير، فأنتِ شوفي إذا مركبتك عالية روحي لجامعة تاخذ مركبتك، إذا حسيتيها متوسطة روحي لجامعة ما تاخذ مركبتك
بالمناسبة تكلمت مره بصيغة المذكر ومره بالمؤنث لأن حقيقي ما أعرف بنت أو ولد 😅

1

0

Liked by: Faris

للي بثالث ثانوي وما شد حيله بالنسبه بأولى وثاني ثانوي يقدر يعوض بثالث؟

September 04, 2016

يقدر يعوض بإذن الله في القدرات والتحصيلي
بالنسبة لنسبة الثنوي صعب صراحة يرتفع المعدل بشكل كبير جدًا، يعني ممكن يرتفع في ثالث معدلك لكن المعدل التراكمي صعب شوي ترفعه
أهم شي صراحة إنك ترفعه سواء كان بيرتفع كثير أو شوي، الزياده ولا النقصان 😁
وبالنسبة لفهم المواد واستيعابها، هو صحيح لو مجتهد في أولى وثاني راح يسهل عليك كثير في ثالث أشياء لكن يظل فيه إمكانية النجاح في ثالث ثنوي بنسبة عالية مع الجد والاجتهاد القوي جدًا حتى لو ما كنت مجتهد في أولى وثاني
ممكن يكون الوضع صعب عليك ممكن يكون الوضع جدًا جدًا صعب بس الوصول لمكان مرموق يخفف كل هالتعب ويعطيك دافع قوي بالاستمرار على اللي أنت فيه، مهم جدًا الاستمرارية والتطوير للأفضل لحد ما توصل لمبتغاك

0

0

الي معنده لغه بالتحضيري ويبي يجيب درجات ويدخل شيء حلو ايش يسوي 😢

September 03, 2016

يطور لغته وبس
اللغة ما تعد عائق أبد للدرجات أو للوصول للتخصص
أسهل شي وأقولها لك بكل صراحه اللغة بالتحضيري، ما كانت تشكل أي عائق أو حتى صعوبة، ومافيه أسهل من تطوير اللغة خصوصًا بهالوقت
خليني أكون معاك صريحه شوي وأعذريني، الشي الوحيد اللي يخلينا ما نطور لغتنا أننا ما نبغى وبس، لأن مستحيل سابع المستحيلات أننا ما نقدر، فيه كل الوسائل والطرق لتطوير اللغة بس اللي يبغى فعلًا يطورها راح يستفيد واللي ما يبغى بيتحجج، فلا تحطين لك أي حجه أبد بعدم تطوير لغتك أيًا كانت هالحجة لأن صدقيني ماراح تكون مقنعه
من ألحين أبدي تحولين البيئة اللي حولك لانجليزي، غيري اعدادات أجهزتك وخلي اللغة إنجليزية، في مواقع التواصل حاولي تتابعين أشخاص إنجليزيين أو حسابات باللغة الإنجليزية، تابعي مقاطع باللغة الإنجليزية أيًا كانت هالمقاطع، مقاطع قصيرة أفلام مسلسلات اللي تحبين تابعي، سواء مقاطع لتعليم اللغة أو غيرها عادي ما عندك مشكلة، أقري كتب اللي تكون مترجمة عربي انجليزي هذي مره بطله، أو لو حتى تفتحين مواقع فيها قصص باللغة الإنجليزية مع مقطع يقرا القصة أهم شي أقري
برضو لازم تتدربين على القراءة والاستماع عشان تتطور هالمهاره عندك، افتحي مواقع وحاولي تتدربين لحد ما تتطورين
يمكن تشوفين كلامي مكرر وسمعتيه ألف مره بس هذا دليل على إنه حقيقة، تطوير اللغة شي سهل وحتى أسهل مما تتخيلين، أهم شي خلي عندك عزيمة وجهد وأبدي وراح تشوفين كيف إن هالكلام فعلًا صحيح
برضو الإنجليزي عندنا بسعود شي مره سهل، سواءً الكتب أو الدروس اللي يعطونا أو المشاريع أو حتى الإختبارات، شي مره مره مره سهل خصوصًا بالترم الأول، صدقيني لمن تخلصين التحضيري بعد ما طورتي لغتك راح تضحكين على نفسك كيف كنتي خايفه من هالشي، أنا كنت مثلك بالضبط قبل سنة وشهر، قبل سنة مثل هالوقت كنت كملت شهر تقريبًا بالتحضيري واستوعبت كيف كنت مخدوعة جدًا بكلام الناس عن صعوبة التحضيري وعن اللغة وعن الجامعة حتى، صدقيني صدقيني الموضوع أسهل بكثييييييير مما تتخيلين، أهم شي تجتهدين وترتبين وقتك وما تستسلمين أبد
موفقين كلكم يا حبايبي ❤️

View more

0

0

بالترم الثاني درستي لحالك بدون مدرسه؟

September 03, 2016

إذا قصدك مدرسة خصوصية أيوه ما أخذت مدرسة خصوصية أبدًا بولا ماده
هو فقط إني ما حسيت إني احتجت وكنت فاهمه، لو حسيت إني أبدًا ما عرفت أمشي كنت رحت لمدرسة خصوصية، ناس راحوا واستفادوا وحصلوا الحمدلله وناس راحوا وما استفادوا ولا شي للأسف
والعكس كمان ناس ما راحوا وتضرروا وناس ما راحوا وحصلوا شي مره عالي، يعتمد عليك أنتِ هل تحسين نفسك محتاجه أو لا بس

1

0

Liked by: وليد محمد، مغلق.

انا بعد اشوفك قدوتي بامور الدراسه كثيري من تجاربك اللي تكتبينها❤️❤️❤️

September 03, 2016

كيف ممكن تكونون لطيفين مثل كذا 😢❤️
جدًا جدًا ممتنه لكلامك ولطفك، جزاك الله خير وربي يسعدك ويرزقك فوق ما تتمنين يارب ❤️
وفعليًا أتمنى تكونون فعلًا فعلًا تستفيدون من اللي أكتبه لكم

0

0

كيف سواقة اهل الرياض كويسة و لا سيئة ؟

August 29, 2016

نفس سواقة جميع أبناء المملكة 😂
بشكل عام السواقه في السعوديه سيئة، سواء بالرياض أو غيرها 😁
بس يعني أكيد فيه الزين وفيه الشين

0

0

ممكن تحطينلنا لينك تجربتها؟

August 29, 2016

تجربتها كانت للترم الثاني بس، هنا 👇🏻
http://l.ask.fm/goto/50aiCfb4fe-ICCd0gWbs74sytVSB_enHo1HuoPPo0DOaPBtvEYpEYVWq6WIJVhxLRCSKYcJb6E2_5rNl9DFNxHxaJxJ-tSu8fwm71P_cniTB7ahKU4GIN7DcCM8qCTGgiFyp2OCPH8s9yPrlK-pQJE6BvcAO9b-kywnoQ2n1AZ3VOi10EiyrOL1HbGzWKLk9HaL9NHVoJCsX-WEDC0CJfYx0u9y4X8az04gOn1pp0_YzEoBscePSF-Bm8ll1OpzIMPzx0E-LSAhw4_MDh9TeyMc6ip9f04NAD7RzWRU-7em0tTVZlsJq1uAqtcwARe6Ol5QFsPkZ2j6gkwP_JxAUMr17vO25xQZNYv7HMM0iTA1nnHgf3zO7QFs2

3

0

Liked by: Lamya Reem alahmari وليد محمد، مغلق.

انا الدفعه اللي بعدك و كنت ايام القدرات و التحصيلي اقرا تجربتك قريتها يمكن ٤ او ٥ مرات💙

August 29, 2016

يا حلوك يختي ❤️
ما تتخيلين شكثر لطيف كلامك وأسعدني، أتمنى أتمنى أتمنى إنك استفدتي من تجربتي، لأن والله هذا الغرض الوحيد اللي خلاني أنزل تجربتي، ربي يوفقك يارب ويسعدك وتحققين فوق ما تتمنين يارب ❤️
جدًا شكرًا على كلامك اللطيف، الله يسعدك أضعاف ما أسعدتيني، صنعتي يومي وربي ❤️

0

0

متحمسه للطب؟

August 29, 2016

هذا أكثر سؤال أسأله نفسي وما أعرف إجابته 😂
صدقًا ما أدري، قبل سنة كنت متحمسة للتحضيري وإنو خلاص سنة وأحقق حلمي وأدخل طب لكن لمن طلع قبولي خفت بشكل 😶 وكل ما أقرا تجارب ونصائح أخاف زيادة 😂
الشي الوحيد اللي متحمسة له هو أول يوم، أحسه بيكون مره مره جميل، بأشوف كثير بنات من الدفعة اللي قبلي كانوا قدوة بالنسبة لي وكل ما يأست بالتحضيري أتذكر كلامهم وأتحمس مره ثانيه لحد ما وصلت ألحين، خصوصًا الجميلة هذي @sweetshdoo ❤️ كل ما يأست أقرا تجربتها وأرجع أتحمس
عمومًا شوي متحمسة إني حاليًا راح أدرس تخصص كنت أحلم فيه من الطفولة، وأكيد إن مهما كانت الصعوبة إلا إني راح أستمتع ولو على الأقل شي بسيط

1

0

Liked by: شهد العنزي.

كيف تندمج مع اهل الرياض ؟

August 28, 2016

عادي مثل ما تندمج مع أي شخص
أنا راح أجاوب على إنك طالبـ/ـة جاي من خارج الرياض لجامعتنا، عادي التعامل مع طلاب وطالبات التحضيري سهل جدًا، كلكم بعمر واحد، مخاوفكم واهتماماتكم كلها نفس الشي، سهل جدًا جدًا تندمجون مع بعض حتى وإن كنت من غير المنطقة
وأهل الرياض نفسهم نفس غيرهم عادي سهل الإندماج مع أي شخص بأي بلد كان 😁 لا تشيلون هم
أهم شي أنتم بادروا وحاولوا تبنون علاقات صداقه مع بعض، مهم جدًا تكونون صداقات لأنه بيخفف عليكم كثييييير من الضغط
أنا إلى الآن مافيه ولا شي ندمت عليه بالتحضيري إلا شي واحد، إني ما كونت لي صداقات حقيقية بالتحضيري، متأكده إن السنه كانت بتكون أجمل بكثير لو كان عندي صداقات حقيقية

0

0

طيب ما يأثر عالدراسة ؟

August 27, 2016

لا ما يأثر إن شاء الله، خوذوا الدورات اللي مافيها أي تأثير على محاضراتكم المهمة، مثلًا بعض الدورات اللي أخذتها كانت بوقت محاضرات الإنجلش وما كانت مهمه، ويعطونا عذر للمحاضرة، فالحمدلله ما أثر علي الموضوع أبد
أهم شي تأكد من وقت الدورة إذا ما فيها تأثير خذها، لأن الدورات كثيرة والمطلوب اثنين بس من كل قسم، وهم ثلاث أقسام، يعني ست دورات طول السنة

0

0

تتوقعي 97 عيال تدخل؟

August 27, 2016

إن شاء الله، مره عاليه ما شاء الله
حاول تحضر من كل قسم دورتين عشان تستمر بالبرنامج، وبإذن الله تتأهل إنك تدخل المرحلة الثانية

1

0

كم كانت مركبتك الي اهلتك لهذا البرنامج ؟

August 27, 2016

96
عمومًا تختلف من سنة للثانية، لأن مركبات البنات صايرة كل مالها وترتفع، فمو أكيد ولا أساس أن مركبتي تنفع للسنة الجاية أو لا

0

0

متى علموك انك مرشحه؟

August 27, 2016

تقريبًا بعد شهرين من الدراسة
بحثت في الرسائل حقتهم، دراستنا بدت في 23 أغسطس وهم أرسلوا الرسالة في 15 أوكتوبر، يعني شهر وثلاث أسابيع، تقريبًا شهرين 😁

0

0

افضل 20 مركبة مع معدل التحضيري و لا بدون ؟

August 26, 2016

لا بدون
مركبتك اللي دخلتي بها التحضيري، المدرسة القدرات التحصيلي

0

0

20 مركبة اولاد و بنات و لا 20 ولد و 20 بنت ؟

August 26, 2016

للبنات أنا أتكلم
البنات اللي مركباتهم عالية مره ياخذون أعلى 20 منهم
الأولاد ما أذكر مره بس كأني قريت يقولون 40 طالب، بس مو متأكده أفضل أسألوا العيال

0

0

التحقتو ببرنامج الطلبة المتفوقين ؟

August 26, 2016

البرنامج ما تلتحقين فيه، هم يرشحونك بناءً على مركبتك
ياخذون أعلى 20 مركبة في الصحي ويدخلونهم البرنامج
إذا ترشحتوا حاولوا تحضرونه حلوو يكون هالشي بسجلكم، ممكن ما تحسونه مفيد بالتحضيري بس بإذن الله يكون مفيد بعدين بالتخصص

0

0

نكته سامجه من عندك؟؟؟🌚💕

August 25, 2016

واحد يسأل طالب طب كيف دخلت الكلية؟؟
قاله من renal artery
أسمج من كذا ما فيه 😂

0

0