لولوه الصليهم

شكراً جزيلاً لتشجيعك بني اكمل دراسة قدرات تأكدي دائماً في شخص يدعي لك بتكونين حققتي اجمل امنية لي اللي هي الطب 😢💕تأكدي بانة لك شخص دائماً يدعي ويكثف دعاء لك تأكدي دائماً انك غيرتيني وتأكدي ان توفيقي واصراري ترا من بعدك يسعدك ربي لسابع سماه والله يحقق مُناك ياكريم 💕الله يكتب اجرك ❤️

September 19, 2016

يالله كيف كلامك أسعدني 😢❤️
ما تتخيلين شكثر صنعتي يومي على هالكلام الجميل جدًا جدًا، اسعدتيني بوقت كنت بحاجة ماسة جدًا لكلام مثل كذا والله
الله يسعدك ويوفقك ويحقق لك فوق ما تمنيتي وتخيلتي، ويسعدك يارب أضعاف ما أسعدتيني، الله يحقق لك كل أمانيك وييسر لك حياتك ويجعلها عامرة بالتوفيق والخير يارب ❤️
جزاك الله خير على لطافتك، ما يحرمك الأجر على إسعاد قلبي يارب ❤️

0

0

لو ما حطيت مكياج بالجامعة بيصير شكلي غلط؟ مو رايقة كل يوم أحط 🙈

September 18, 2016

لا
صدقًا طول التحضيري ما كنت أحط ولا نقطة مكياج إلا يمكن روج وشعري دايم رافعته، يعني مافيه أي اهتمام بالشكل 😂
مافيه أي شي غلط، بتلاقين ناس تحط مكياج خفيف ناس تحط مكياج ثقيل ناس ما تحط عااااادي جدًا جدًا

0

0

لولو طبيعي اني تحضيري صحي و مو حاطة تخصص معين ببالي؟

September 18, 2016

فيه بعض البنات كانوا كذا داخلين ومو حاطين شي ببالهم، ألحين ذا الأسبوع ما عندكم شي افتحي النت وابحثي عن التخصصات وأقري كثير عنها وشوفي مقاطع أو أي شي له علاقة بالتخصصات، حلوو تكونين محدده لك هدف من البداية تسعين له، وأريح لك بعدين في ترتيب الرغبات وبدل ما تنحاسين

0

0

People you may like

Buthaina.

also likes

• #ksu

برهاآم

also likes

• #medicalstudent

Mohamedical Samir➿الضاكتور➿

also likes

• #medicalstudent

Dina Mamdouh

also likes

• #medicalstudent

ⓐbdo El ⓢhemi ( الضاكتور ) ツ

also likes

• #medicalstudent

muhammed el shenawy

also likes

• #medicalstudent

Mohamed Fadel

also likes

• #medicalstudent

asmaa yasser

also likes

• #medicalstudent

Jí H Äđ

also likes

• #medicalstudent

خُلُود رَمَضَان.

also likes

• #medicalstudent

Manar Mahmoud

also likes

• #medicalstudent

Mahmoud Talaat

also likes

• #medicalstudent

randa sowan

also likes

• #medicalstudent

Abdallah Maher

also likes

• #medicalstudent

Fatma Balabel

also likes

• #medicalstudent

Kareem Abo-Elmagd

also likes

• #medicalstudent

Hossam Ayman

also likes

• #medicalstudent

Ihsan Mustafa

also likes

• #medicalstudent

Manar A Ahmed

also likes

• #medicalstudent

محمد

also likes

• #medicalstudent

islamxetam

also likes

• #medicalstudent

*•.¸♡ مَـــيَــار ♡¸.•*

also likes

• #medicalstudent

Mohammed El-Sirafy

also likes

• #medicalstudent

Shrouk

also likes

• #medicalstudent

omar elmorsy

also likes

• #medicalstudent

Want to make more friends? Try this: Tell us what you like and find people with the same interests. Try this:

#football #anime #pop #cars #comics #fun #electronicmusic #music #food

+ add more interests + add your interests

وش يعني سنمار؟

September 18, 2016

ما أعرف والله 😶
ما أذكر بالتحضيري قد مر علينا سيمنار، ما أبغى أتفلسف ويصير غلط 😂

0

0

هنا حسابي بنزل كل اسبوع موضوع متعلق بالدراسة ، طرق الدراسة ، كيف تنظمين وقتك ، و تحفيز هنا اول موضوع : كيف اجيب معدل خمسة وهو جزئين هنا الجزء الاول https://instagram.com/p/BKdRn47g0W2/ اتركو لي تعليق و الي تبي تكون اب تو ديت تتابعني وشكرا 😍❤️

Leen Abdullah☤

September 18, 2016

جزاك الله خير لين، الله لا يحرمك الأجر يارب ❤️

2

0

Liked by: kami Leen Abdullah☤

كم تجلسين يوم تختمين فيه الكتاب اسئلة القدرات مرا تصدع وتقلب راسي💔المتتابعات هذي مرة تجي ضرب وقيمة وجمع شدراني متى يحي كذا وكذا من كتاب هدفك احس اني تشتت واختباري باقي شهر ونص تقريباً💔💔💔💔

September 18, 2016

على حسب الكتاب، أول كتاب بديت فيه هدفك وأظن جلست عليه شهر كامل، تعبتني مره مره مذاكرته بس لمن خلصته لاحظت فرق كبير بمستواي قبل وبعد، تطورت مره، ذاكرت بعد كذا أبدأ من هنا وخلصته بأسبوعين، لأن فعلًا لاحظت مستواي تطور كثيييير الحمدلله
صدقيني مذاكرتك ما تروح هباء أبدًا، سواء ذاكرتي كتب أو تجميعات أو مقاطع ماراح تروح هباء أبدًا أبدًا، استمري وذاكري ذاكري ولا توقفين، أنا كنت مثلك بالضبط بالضبط، وبفضل من ربي وحده ما وقفت والحمدلله قدرت أوصل لشي عالي، طبيعي بتضيعين بالقدرات جدًا طبيعي ترا، كل اللي حصلوا عالي كذا بالبداية كانوا ضايعين وحايسين بين الكتب وحالة بس ما وقفوا وكملوا كملوا لحد ما وصلوا شي مره عالي ولله الحمد، فاستمري استمري وبتلاحظين كيف تطور مستواك بشكل رهيب
المتتابعات ما أدري إذا إلى الآن يجي فيها أسئلة أو لا، بس بتلاحظين مع الوقت إن الأنماط تتكرر، يعني أنا نفسك كنت كذا مره ضايعه بالمتتابعات بس بعدين كذا بعد بفترة لاحظت إني عرفت الأنماط، يا تجي تربيع، عدد مضروب ثم نزيد له عدد كل مره يزيد، تربيع عدد ثابت بعدين نضيف عدد كل مره يزيد، مثل كذا يعني، كل ما حليتي تمارين تعرفين طرق جديدة وأنماط جديدة، وكل ما صار عقلك يفكر بشكل أسرع ويبتكر أنماط جديدة
أهم شي لا توقفين وكملي كملي، حاولي تخلصين بالمدة اللي حددتيها لنفسك ولا تنسين تفتحين التجميعات، وفالك المية يارب ❤️👍🏻

View more

0

0

read the email. Notice the boldface words . they are two kinds of adjectives list each adjective in the email on one of the lines شنو معنى هالسؤال شنو المطلوب مني مافهمت

September 18, 2016

هم مرسلينكم إيميل وحاطين بعض الكلمات بالخط العريض، بس ما فهمت قصدهم بالadjectives 😅
هالكلام شفتيه من وين؟؟ وهو إيميل تبع أيش؟؟

0

0

من وين ادق عطيني رقم ادق عليه ويعلموني الصج ؟؟

September 18, 2016

ما أعرف عن جامعة الإمام، اكتبي بقوقل عمادة القبول والتسجيل جامعة الإمام، بعدين شوفي طريقة التواصل معهم

0

0

يقصدون سندس الي انقبلت طب وهي أردنية بس لان أمها سعودية

September 18, 2016

إيه سندس أمها سعودية عشان كذا عادي تتعامل معاملة السعودية

0

0

قدمت يدوي ورفضوني رغم اني سمعت انهم قبلوا ناس موزونتهم ٨٨ وخارج الرياض

September 18, 2016

طيب استفسري من عمادة القبول والتسجيل تبع الجامعة وأسأليهم، إنه فيه طالبات انقبلوا وهم مركباتهم أقل مني ومن خارج الرياض

0

0

بشري كيف اول يوم 💕😍

September 18, 2016

جميل مره ❤️
مره انبهرت من كمية التعاون والروح الجميلة بين الطالبات وباقي الإدارة، سواء مجلس طلابي أو التعليم الطبي
كان شي مره جميل الأخوات الكبار كيف متعاونين ويكلمونا برحابة صدر غير طبيعية، حلوو مره الحب واللي بينهم هم دفعتهم، شي مره مره أعجبني
حبيت كثير الليدر تبع سنة ثاني، إنسانة لطيفة جدًا جدًا ❤️ حلوو مره اليوم أعطاني نظرة عن كليتي وعن المواد بشكل عام وعن أهم شي وهي الروح التعاونية اللي لابد تكون موجودة في كل طالب وطالبة طب، تحمست مره أنجز شي بالكلية خلال سنواتي الدراسية
الله لا يحرم كل اللي تعب معنا اليوم الأجر يارب، جزاهم الله خير ❤️

1

0

Liked by: Nora AlSahli

تعرفين اجانب انقبلو طب معاكم

September 18, 2016

ما أعرف والله كل بنات الطب اللي معنا، لكن اللي أعرفه الأجانب ما ينقبلون لا طب ولا طب أسنان، إلا إذا الأم سعودية أو أحد الوالدين عضو هيئة تدريس أو طبيب بالجامعة

0

0

ايه اتوقع هي اللي اقصدها الاردنيه مو السعوديه راحت الاردن والا للحين معاك

September 18, 2016

ما فهمت قصدك والله 😶

0

0

المدرسه ٩٩.٩٣ القدرات ٨٦ التحصيلي ٩٠ وحسبيها ؟

September 18, 2016

حلوه درجاتك ما شاء الله، إذا يمديك ترفعين التحصيلي زيادة من أي ناحية حاولي عشان توصل للتسعين
إذا مره مره تسكر كل شي أرجع وأقولك ماراح يفيد أي شي تسوينه إذا ربي ماكتب لك الطب، أرضي باللي كاتبه لك ربي أفضل لك نفسيًا وبعدين بالمستقبل من ناحية الإنجاز بوظيفتك إن شاء الله، أقري عن تخصصك أكثر، شوفي إيجابياته، أقري وشوفي عن أشخاص ناجحين بتخصصك، كلمي كثير بنات أكبر منك يعلمونك عن التخصص وبإذن الله راح يحببونك فيه

0

0

ما انقبلت قالوا الاولويه لاهل الرياض

September 18, 2016

للأسف كثير تضرروا من نظام المناطق 💔 طيب حتى يدوي قدمتي وقالوا نفس الشي فيه أولوية؟؟
وهل يمديك تعيدين تحصيلي أو قدرات عشان ترفعين مركبتك وممكن فيه جامعات تقبلك إذا رفعتي مركبتك

0

0

http://ask.fm/Alolo_6/answers/140970318436 اقصد كيف هي ما انقبلت مو كيف انا ما انقبلت ه

September 18, 2016

أوه آسفه حسبالي أنتِ نفس البنت اللي تسأل 😓

0

0

يا انها اجنبية او ان ٩١ نسبة الثانوي

September 18, 2016

صح يمكن قصدها 91 الثنوي، إذا قصدها كذا مو مره مرتفعة صراحة 😓
عمومًا شكرًا على تجاوبك، جدًا لطيفة المبادرة منك ❤️

0

0

الامام وقف على٨٤ الصحي وما عندهم الا طب بعد كيف ما انقبلت!!!

September 18, 2016

ما أعرف، أنتِ من الرياض؟؟ لأن أعرف الأولوية لأهل الرياض 😅
ممكن برضو أجنبية لأن الأجانب ما يدرسون طب بالسعودية
ما أدري صراحة ليش ما انقبلتي 😶

0

0

لولو اخبارك صديقتك بالتحضيري اسمها سندس؟

September 18, 2016

هلا والله، أنا الحمدلله بخير
قصدك على أيام التحضيري، يعني السنة اللي فاتت؟؟
إذا قصدك كذا إيه كانت معي بالكلاس الترم الأول

0

0

موزونتي ٩١.٧٨ وقدمت في كل الجامعات وما انقبلت طب وميزانيتنا ماتسمح لاهليه وربي مييييييتته صصصيياح مخنوووقه

September 18, 2016

قدمتي في الإمام وما انقبلتي 😶
الإمام وقف الطب أذكر حول 85 أو 86 كيف ما انقبلتي 😅
مثل ما قلت لك إذا ما قدرتي تسوين أي شي أرضي باللي كتبه لك ربي وخلاص، ما تقدرين تغيرين أي شي كتبه ربي، كما في الحديث ((رفعت الأقلام وجفت الصحف)) كل الأقدار ربي كتبها، أنتِ حاولي تسعين للي تبغين وإذا ما قدرتي فهو أبد مو مكتوب لك، فَيا ترضين وتكملين حياتك براحة يا تتسخطين وتتعبين نفسك بدون أي تغيير ممكن يصير، الخيار لك
ودايم أدعي ربي يرضيك باللي وصلتي له ويرزقك التوفيق وين ما كنتي، إذا كان هالدعاء بنية صادقه صدقيني ربي ماراح يضيعك أبد
موفقه يارب ❤️👍🏻

0

0

متضايقه ابي طب وانقبلت بتخصص ثاني بعيييييد عن الطب وهذا اليوم عجزت ابلغه وزادني لما شفت بنات الطب بالسكراب وربي بكيييت حلمي يضيييع

September 18, 2016

طيب ليه ما فكرتي تروحين جامعة ثانية تجربين يمكن تنقبلين طب عندهم؟؟
في النهايه أهم شي تدخلين طب أيًا كانت الجامعة، خصوصًا إنك مره متعلقه بالتخصص ومره ودك فيه، حاولي تكملين ذي السنة بتخصصك وأعطي تخصصك فرصة يمكن فعلًا يعجبك، إذا ما قدرتي تتقبلين تخصصك فعلى نهاية السنة حاولي تقدمين على جامعات ثانية عشان تنقبلين طب، فيه بنات من جامعتنا ما انقبلوا طب راحوا قدموا على الإمام طب وانقبلوا الحمدلله، جربي أنتِ وشوفي
إذا أبدًا ما قدرتي مالك إلا ترضين بالتخصص اللي ربي كتبه لك، أبدًا ما ينفع تتسخطين وتعيشين بأحلام ماراح تتحقق وتظلين تبكين على شي انتهى، خلاص ما بيدك حيله غير إنك ترضين، أمشي بتخصصك وحاولي تحبينه بأي طريقة وبإذن الله راح تبدعين فيه، ربي ما حطك بهالمكان إلا لأن هالمكان هو اللي بالضبط يناسبك

0

0

ايش ناويه تلبسين بكرا

September 17, 2016

سكرب إن شاء الله

0

0

كيف عرفتي انه الفارما بتصير اصعب شيء عليك خصوصا انه مابعد درستي سنه أولى !

September 17, 2016

أنا قلت أحس إنه بتصير 😁
دايم أشوف الناس تتحلطم على الفارما بكل الجامعات 😂 برضو مشكلة الفارما على حسب ما أعرف إنه حفظ وفهم بنفس الوقت، وأشياء متشابهه مره ومتشابكه، أذكر شفت صوره يتكلمون عن الفارما بشكل فكاهي، فعليًا خفت بعد ما شفتها 😂
ممكن أكون غلطانه أكيد، نصبر ونشوف إذا صدق ولا لا 😁

0

0

صدق سافرتي روما؟

September 17, 2016

إيه صدق 😶

0

0

كثير من قريباتي ما انقبلوا وانا علاقتي معهم ممتازة لكن احس بالذنب لان انا انقبلت صحي رغبتي الاولى بالجامعة اللي ابيها وصار الوضع غريب بيننا صاروا يقولون للناس اني انقبلت بواسطة لان ابوي دكتور بنفس الجامعة و و و، صرت اكرههم ليه يقولون كذا انا وصلت لهذا بجهدي ، احسهم حاسديني وكارهيني ايش اسوي :(

September 17, 2016

دائم الناس اللي ما توصل تحط شماعة فشل أيًا كانت هالشماعة، اللي بيقولك واسطة واللي بيقولك ما تستاهلين وغيرها وغيرها
الشي الوحيد اللي لازم تسوينه تسفهينهم، أو مثلًا تفهمينهم بشكل هادي إن القبول بالصحي يعتمد على المركبة، وأنا الحمدلله مركبتي عاليه وتم قبولي ولله الحمد، حاولي تكونين هاديه معهم وتفهمينهم بشكل ودي، ما فهموا ولا استوعبوا واستمروا بهالأسلوب اسفهيهم ولا تعطينهم وجه، ماراح ينقص كلامهم منك شي
وحاولي ما تخربين علاقتك معهم، هذول أقاربك مهما كان وكويس تكون علاقتك معهم كويسة، حاولي تكلمين أحد كبير وفاهم وحيادي يكلمهم ويحاول يخفف الموضوع عشان ما تصير مشاكل بينكم
الله يهدي النفوس ويسهل أمرك يارب ❤️

0

0