@Alolo_6

لولوه الصليهم

Ask me anything Follow
Ask @Alolo_6

Sort by:

LatestTop

Previous

انا حاليا قاعده اذاكر للقدرات وقريت تجارب ناس كثير فيه كتاب بكار فيه ناس مدحوه وناس قالوا انه ماله فايده المهم انا بديت اذاكره شوي حسيت انه مستواه اعلى من القدرات بكثير ومعقد مره وانا للرياضيات مو للقدرات وانا ماودي اطلع عن اساسيات القدرات الممهم كذا يجيني تفكير انه ذا ماذكرته مراح اعرف احل وكذا 😩

شوفي إذا باقي على إختبارك فترة طويلة وأنتِ درستي كتب كثيرة بتطوير الأساسيات بأقولك كملي عليه، هو صح مستواه أعلى من القدرات بس إذا خلصتيه بتلاقين نفسك تطورتي بشكل خورافي
لكن إذا ما تدربتي على كتب أقل مستوى وعلى طول بديتي فيه فلا تكملينه وأبدي بكتب مستواها قليل مثل أبدأ من هنا أو كتاب هدفك بالقدرات
إذا تدربتي على كتب من قبل بس وقت اختبارك قريب أفضل لك ذاكري تجميعات، تستفيدين منها أكثر

الباصات وقت الفاينال نفس وقت الأيام العادية ولا تتغير ؟

تتغير يصيرون ثلاث فترات بالرجعة
فترة الساعة 11:15
فترة الساعة 1:20
فترة الساعة 4:15

المواد العلمية بالترم الثاني الشرح عربي والمنهج انقلش زي الريض؟ ولا زي التقن الشرح كله انقلش ؟

إذا الدكاترة عربيات أيوه يشرحون بالعربي والاختبارات انقلش
لكن لو الدكاترة أجنبيات بيشرحون لكم بالإنجلش 😅
يعني أذكر اللي درستنا حين كانت هندية وكانت تدرسنا بالإنجلش، لكن باقي المواد دكاترتنا كانوا عربيات ويشرحون عربي عادي

People you may like

ButhainaAlmajed’s Profile Photo Buthaina.
also likes
Ahmed_borham88’s Profile Photo برهاآم
also likes
docsabry’s Profile Photo Mohamedical Samir➿الضاكتور➿
also likes
dinamamdouh62’s Profile Photo Dina Mamdouh
also likes
Abdo2021’s Profile Photo ⓐbdo El ⓢhemi ( الضاكتور ) ツ
also likes
medooooya’s Profile Photo muhammed el shenawy
also likes
mohamed_fadelll’s Profile Photo Mohamed Fadel
also likes
asmayaser90’s Profile Photo asmaa yasser
also likes
jihad896’s Profile Photo Jí H Äđ
also likes
np50’s Profile Photo خُلُود رَمَضَان.
also likes
Manar115M’s Profile Photo Manar Mahmoud
also likes
MahmoudTalaaat’s Profile Photo Mahmoud Talaat
also likes
randa_sowan’s Profile Photo randa sowan
also likes
abdallahmaher2’s Profile Photo Abdallah Maher
also likes
tota14295’s Profile Photo Fatma Balabel
also likes
kareemmohamedaboelmagd’s Profile Photo Kareem Abo-Elmagd
also likes
marzokhossam’s Profile Photo Hossam Ayman
also likes
AhssanMustafa’s Profile Photo Ihsan Mustafa
also likes
Miiinar’s Profile Photo Manar A Ahmed
also likes
pmohamed21’s Profile Photo محمد
also likes
islamxe’s Profile Photo islamxetam
also likes
mayaral3ezaby’s Profile Photo *•.¸♡ مَـــيَــار ♡¸.•*
also likes
Sirafy’s Profile Photo Mohammed El-Sirafy
also likes
Sh_y_r_oO’s Profile Photo Shrouk
also likes
omarelmorsy9’s Profile Photo omar elmorsy
also likes
Want to make more friends? Try this: Tell us what you like and find people with the same interests. Try this:
#food #electronicmusic #movies #sport #fitness #electronicmusic #electronicmusic #comics #summer
+ add more interests + add your interests

صعب التحضيري؟

لا أبدًا مو صعبة
بس رتبي وقتك واستمري على خطتك اللي حاطتها وراح تكون سهلة جدًا إن شاء الله

عندك ملخصات فيزياء

أنا كنت أذاكر من ملزمة الضياء ومن ملفات كانت موجردة بمدونة تهاني
اطلعي عليها هنا وبتلاقين مره أشياء مفيدة لكل مواد التحضيري بإذن الله
https://pyksutahani.wordpress.com
ولا تنسين تدعين لها على جميلها العظيم اللي قدمته ❤️

ابي ارقام مدرسين خصوصيين اذا عندك لكل مواد الثانوي و من ضمنهم قدرات و تحصيلي اذا تعرفين احد قوليلي الله يسعدك💛

آسفة جدًا ما أعرف أحد أبدًا

سمعت انه بالمقابله قبل التحضيري يعطوني ورقه اكتب فيها ترتيب التخصصات اللي ابيها مثلاً انا ابي طب اسنان، لكن ماراح احطه اول رغبه بورقتهم المؤقته بحط علوم طبيه ليه؟ على اساس اذا كانت نسبتي مو بمستوى طب الاسنان يمديني ادخل تحضيري صحي وما يصلح ولا لا؟اذا ما فهمتي قصدي عادي ارجع اشرحلك💘

الورقة مالها أي تأثير على قبولك بالتخصص، هم بس يسألونك عشان مثلًا إذا حطيتي طب أسنان تقولك ليش أسنان ليه مو طب بشري، طيب الأسنان يحتاج مهارة باليد بشكل كبير عندك هالمهارة ولا لا، مثل كذا يعني ماله أي دخل بالقبول ولا شي
هم لمن يقبلونك بالمقابلة خلاص أنتِ صحي مقبوله تمامًا ماراح يطلعونك 😁 تدخلين تحضيري تتنافسين مع كل البنات إذا مركبة تخصصيصك تقبلك أسنان بتدخلين أسنان، ما قبلتك أسنان تنافسين على رغبتك الثانية اللي هي علوم طبية وهكذا..
يعني إذا ما انقبلتي أسنان وهي رغبتك الأولى تظلين صحي عادي

لوىبدات من الثلاثاء هذا استعد للفاينل يمدني اخلص ؟؟ وكيف ممكن اجبر نفسي ع المذاكره انا معرف انظم وقتي :(

ليش تبدين الثلاثاء أبدي من اليوم 😊
كم باقي لكم على الإختبارات؟ إذا ثلاث أسابيع يمدي إن شاء الله
أهم شي أنتِ تذكري دايم إن مافيه وقت وإن باقي لك كثير ما ذاكرتيه وغصب عنك بتقومين تذاكرين 😁 حقيقي هذي أكثر طريقة تفيد معي 😅

لولوه وش رايك في كتاب الفريد الاخضر والبرتقالي ؟ مفيدين ولا اذكر ملفات احسن

أنا ذاكرتهم وملف كان خاص بالتدريب على استيعاب المقروء
أنا ما ذاكرت الملفات فما أقدر والله أفيدك أيش الأفضل آسفة
أنتِ أفتحي ملف عدد صفحاته قليلة وكتاب الفريد الأخضر أذكر عدد صفحاته قليلة، شوفي من اللي استفدتي منه أكثر وكملي معه

لولوه انا سويت غلط اني شتت نفسي في القدرات مابقى كتاب لفظي مااخذت اسمه مابقى ملفات ماحملتها الحين يوم جيت اذاكر مدري وش ابدا بالكتب ولا الملفات مدري وش اسوي لان اللفظي دايم ينزل الدرجه 😭😭💔

شوفي أبدي بالكتاب الأسهل من كلام الناس أو الأقل عدد صفحات، عشان تبدين من الأخف ثم تدرجين للأصعب ثم الأصعب
أو المهارة اللي مره أنتِ سيئة فيها وتحتاجين فيها تطوير ولها ملف خاص أبدي في هذا الملف
إذا قدرتي تغطين كل الملفات والكتب كويس، ما قدرتي على الأقل افتحي الملفات اللي فيها أساسيات أو اللي خاصة بمهارة عندك مشكلة معها

مبروك لولوه على ترشيحك للمتفوقات ممكن تشرحين لنا آلية الترشيح وكم اقل مركبه قبلوها

الله يبارك فيك
الشي الوحيد اللي أقدر أفيدك فيه هو هذا الرابط http://dsp.ksu.edu.sa/ar/node/1246
موضح فيه آلية الترشيح، غير كذا ما عندي أي فكرة بتاتًا

الحين اختبار الريض بيكون يوم احد و العلم الخميس، يمديني اذاكره بأربع أيام ؟ لأن ودي اركز على الريض و التقن

لحظة، ألحين الريض الأحد وبعده العلم يوم الخميس صح؟
إذا قصدك أربع أيام للعلم إيه يمدي مره مره، ترا سهله مره ذي المادة وبتقدرين تخلصينها بهالمدة بإذن الله
أهم شي لا تسحبين بهالأربع أيام وبيمديك إن شاء الله ما عليك

كيف اخلي الرسايل اللي تجي على الjunk mail تطلع لي من غير لا اظل ادخله

ما أعرف والله آسفه 🙁
إذا فيه أحد يعرف ممكن يساعدنا

اليوم متعكر ومزاجي وماني قادر افتح اي ماده واذاكر ايش اسوي 💔 بدأت احبط من الجامعة 😓

أنتِ تحضيري؟
إذا تحضيري الترم الأول عادي خوذي لك بريك اليوم وذاكري بكره، موادكم سهله ويمديك تخلصينها لو ضغطتي على نفسك بعد فترة
إذا أنتِ طب فنصيحة لا تأجلين لا تأجلين لا تأجلين، وربي أقولها لك من كل قلبي بعد ما مريت بحالة فشل ذريع بالفاونديشن لا تأجلين لأنك والله راح تندمين، تعوذي من الشيطان وروحي صلي لك ركعتين عشان ترتاح نفسك وأفتحي أي مادة وأبدي ذاكري، مثلًا محاضرة الفسيولوجي تبع motor unite سهله افتحيها وذاكريها وبعدين محاضرة دكتورة فوزية، بكذا خلصتي محاضرتين وأنجزتي وخلاص رجعتي لجو الدراسة من جديد
لا تخلين يأس لحظة يخرب عليك أيامك الجاية نصيحة نصيحة

انتي لولوه عمر صوره حقتك بتويتر بنت لأبسه اسود

لا مو أنا
اسمي بالتويتر لولوه الصليهم نفس اسمي هنا

لولو الله. يسعدك ميف افهم قاعدة كيرشوف 😭😭

كلميني على تويتر خاص عشان أشرح لك الخطوات اللي أنا كنت أمشي عليها، أسهل للشرح
هذا حسابي بالتويتر loloah_3

قولي لي من تجربتك كيف كنتي تذاكرين للقدرات يعني تذاكرين بفهم انا حاليا قاعده اذاكر مجموعه من كتب القدرات وابي هل اني قاعده اذاكر بالطريقه الصحيحه ؟؟

شوفي القدرات كنت أفتح الكتاب وأشوف الجزئية اللي وقفت عندها أيش، إذا قوانين وشرح كنت أسوي كابتشر للصورة (كنت أذاكر من جوالي) وإذا أسئلة أحاول أحل الأسئلة بنفسي وأشوف حلي صح خلاص أنتقل للسؤال اللي بعده، إذا حلي غلط أشوف طريقة الحل بالكتاب وأحاول أفهمها وبعدين أحل بنفسي
إذا مره مره ما فهمت شي كنت أفتح منتديات يزيد وأنزل السؤال اللي ما فهمته وأطلب منهم يشرحون لي، وما كانوا يقصرون أبد الله يوفقهم ويسعدهم ❤️
بس شوفي صدق مافيه طريقة صحيحة، كل واحد وطريقته والله، فيه ممكن ناس ما كانوا يذاكرون نفس طريقتي ومع ذلك درجاتهم أعلى مني ما تدرين، كل واحد يذاكر بالطريقة اللي هو مرتاح لها ويحس إنه يستفيد منها فعلًا

اليوم تيتشرنا دربتنا عالسبيكتق الزبدة أني بلمت على أني افهم لها بس مدري وقت الإجابة احوس مدري ليه😢

عادي أذكر أنا كنت مثلك كذا، بس يحتاج شوية تدريب وكلش بيكون سهل لا تخافين
شوفي هذا ملف جمعت فيه الأوراق اللي تدربت عليها for listening
https://drive.google.com/open?id=0Bw10eoxr-IoBd241UmMxS0xaN1E
تدربي عليها وبتتسهل إن شاء الله ما عليك
1
Liked by: آﻻء

اغلب كلاسي مايحط ولا نقطة مكياج + انا احط واقي شمس وروج خفيف وبس عادي محد يشوف احد

صح بالضبط محد فاضي لأحد 😅

نص بنات التحضيري بدون مكياج و انا منهم، خليك على طبيعتك و لا تخافين محد يدقق في هالأشياء السطحية

بالضبط 👍🏻
حتى ترا بالكلية محد ينتبه أبدًا 😂

انا شايله هم شي شبه سخيف وترددت اسال عنه لكن الحين انا مره مو راعيه ميك اب الا بالمناسبات اما كدوام يومي ما احب واحس مالي خلق احط بالجامعه السنه الجايه بالتحضيري واذا بحط راح يكون شي لا يُذكر ايش انطباع البنات عن اللي ما تحط ميك اب؟و التخصص اللي ابيه شي اساسي فيه الكمامه فكيف بيكون الوضع؟

عادي أنا مثلك، وحتى بعد كحل ما أعرف أحط 😂
وبعدين عادي معظم البنات إذا مو كلهم بالدوام يحطون مكياج خفيف مره، وحتى كثير ما يحطون مكياج أبد 😁
الموضوع ما يحتاج أبد تشيلين همه لأن أصلًا محد ينتبه ولا يدري عن أحد، نادر جدًا اللي يلاحظون ترا 😊
بالنسبة للكمامة، أظن قصدك جراحة صح؟ إذا كان كذا قصدك فعشان تكونين جراحة لابد تخلصين سنوات الطب أول بعدين تتخصصين جراحة، فماراح تدخلين غرف عمليات من أول سنة أبدًا 😄 وإذا بتدرسين طب أول سنة تحضيري بعدين سنتين كذا بتكون علوم أساسية، فمستحيل تحطين كمامة وبتكونين بالجامعة عادي مثل كل باقي التخصصات

Next

Language: English

4.1

1,266,418 reviews
© Ask.fm 2024