@Alolo_6

لولوه الصليهم

Ask me anything Follow
Ask @Alolo_6

Sort by:

LatestTop

Previous

من خلصت يوم الخميس دوام سافرت وانشغلت وكلو واخذت كتبي واغراضي ع اساس بدرس لكن ما مسكت شيء وبكرا رحلتي واحتمال محا ادرس الا ع يوم السبت في مشاريع وتقرير واشياء متراكمه كثير سحبت عليها وجالسه احس بتانيب الضمير مرا والله ايش الحل

الحل بسيط جدًا، روحي ذاكري 😁
شوفي الماده اللي قريب إختباركم لها وذاكريها يوم السبت، بعد ما تبدون تداومون بيمديك إن شاء الله تخلصين مشروعك بالجامعه وبطريق الروحه والرجعه، يعني أستغلي وقت فراغك وإن شاء الله راح يمديك تخلصين مشاريعك وتقاريرك
والمواد المتراكمه عليك أنتِ مضطره تذاكرينها وتخلصينها بوقت قصير، كيف راح تسوين كذا بتلاقين نفسك لا إراديًا تخلصينها لأنك مضطره تخلصينها، هونيها على نفسك وراح تهون إن شاء الله
بس أنتِ أبدي أدرسي وبعدين بتلاقين نفسك تنجزين إن شاء الله، أهم شي أنتِ أبدي

لولو انا بدأت بكتاب هدفك في القدرات لكن حسيت انه اكبر مني ومو قادرة اكمله ايش اسوي 💔

شوفي يا تكملينه ألحين أو تذاكرين كتب بابطين وبعدين ترجعين تكملين هدفك في القدرات
أنا أذكر صار لي نفسك، اللي سويته إني كملت كتاب هدفك في القدرات ثم ذاكرت كتب بابطين اللي هم قدرات١ وقياس١، لمن خلصت كتاب هدفك وذاكرت كتب بابطين ما أخذ مني أكثر من ثلاث أيام أظن عشان أخلص الكتابين، مره تطور مستواي بعد كتاب هدفك الحمدلله
فأنتِ قرري بنفسك تبغين تكملين الكتاب ولا توقفين تذاكرين كتب بابطين وثم ترجعين تكملين كتاب هدفك، لأن أحس ماراح تفرق مره، بس وش الأريح بالنسبه لك 😊

لولو انا من الناس اللي متابعتك من منتديات يزيد 💛جدا سعيدة انك حققتي حلمك و دخلتي كلية الطب البشري💛الله يوفقك و يسعدك 💛متأكدة أن راح يكون لك أثر مستقبلا 💛أحبك 💛

يا عمري عليك أنتِ ❤️ الله يسعدك يارب أضعاف ما أسعدتيني
مره أنبسط لمن أشوف أحد كان معي بأوقات اللي فعليًا كنت فيها صفر وثم وصلت للمرحله اللي أتمناها 😍
آمين يارب، تكفون كثروا دعوات بأن يكون مستقبلي باهر، متحطمة جدًا بالبداية السيئة اللي أنا جالسه أمر فيها 😢 جدًا أحتاج دعواتكم
الله يوفقك يارب ويرزقك من حيث لم ولن تحتسبي، أتمنى أنتِ كمان وصلتي لحلمك وأتمنى يارب تبدعين فيه، وأنا جدًا ممتنه لك❤️

People you may like

ButhainaAlmajed’s Profile Photo Buthaina.
also likes
Ahmed_borham88’s Profile Photo برهاآم
also likes
docsabry’s Profile Photo Mohamedical Samir➿الضاكتور➿
also likes
dinamamdouh62’s Profile Photo Dina Mamdouh
also likes
Abdo2021’s Profile Photo ⓐbdo El ⓢhemi ( الضاكتور ) ツ
also likes
medooooya’s Profile Photo muhammed el shenawy
also likes
mohamed_fadelll’s Profile Photo Mohamed Fadel
also likes
asmayaser90’s Profile Photo asmaa yasser
also likes
jihad896’s Profile Photo Jí H Äđ
also likes
np50’s Profile Photo خُلُود رَمَضَان.
also likes
Manar115M’s Profile Photo Manar Mahmoud
also likes
MahmoudTalaaat’s Profile Photo Mahmoud Talaat
also likes
randa_sowan’s Profile Photo randa sowan
also likes
abdallahmaher2’s Profile Photo Abdallah Maher
also likes
tota14295’s Profile Photo Fatma Balabel
also likes
kareemmohamedaboelmagd’s Profile Photo Kareem Abo-Elmagd
also likes
marzokhossam’s Profile Photo Hossam Ayman
also likes
AhssanMustafa’s Profile Photo Ihsan Mustafa
also likes
Miiinar’s Profile Photo Manar A Ahmed
also likes
pmohamed21’s Profile Photo محمد
also likes
islamxe’s Profile Photo islamxetam
also likes
mayaral3ezaby’s Profile Photo *•.¸♡ مَـــيَــار ♡¸.•*
also likes
Sirafy’s Profile Photo Mohammed El-Sirafy
also likes
Sh_y_r_oO’s Profile Photo Shrouk
also likes
omarelmorsy9’s Profile Photo omar elmorsy
also likes
Want to make more friends? Try this: Tell us what you like and find people with the same interests. Try this:
#shopping #food #fitness #indie #beauty #comics #anime #fitness #dance #rock
+ add more interests + add your interests

ايش الاغلاط اللي سويتيها بحياتك او اشياء سويتيها وندمتي وتتمنين محد يغلط فيها؟

أكيد سويت أخطاء كثير لكن مهي هذيك اللي دمرتني أو شي لا، أنا إنسانه جدًا متصالحه مع نفسي، يعني مثلًا أخطاء الطفوله حاليًا أشوفها مو أخطاء قد ما هي تصرف طبيعي على عمري بهذاك الوقت 😂
الغلط الوحيد اللي أكرره وما أتعلم منه التأجيل التأجيل التأجيل 😩 يا جماعه لا تأجلون شغلكم أبد أبد أبد، كل ما أنجزتوا الشغل بالشكل اللي مخططين له أنتوا كل ما صارت إنتاجيتكم أفضل ومستواكم أفضل، رجاءً لا تأجلون وتندمون وربي مافيه ندم قد ندم التأجيل 💔

انا تعبت من نفسي ابي ادخل طب وخايفه :( احس مذاكرتي مو ذاك القد بالرغم اني في الاجازه مرا كنت متحمسه اذاكر واكل الكتب والحين ولاشيء :( وخايفه من المنافسه ايش اسووي :(

ما عندك أي شي تسوينه غير إنك تذاكرين وتعملين بالأسباب
سواء كنتِ خايفه من المنافسه أو لا أنتِ ماراح تقدرين تطلعين منها، أنتِ كذا ولا كذا تتنافسين، والطريقة الوحيده اللي تخليك توصلين لحلمك إنك تتنافسين بشكل قوي وتنجحين 😅
أقصد ما عندك خيار غير إنك تتنافسين، فلابد ما تضيعين أي شي عشان لو لا قدر الله ما وصلتي لحلمك ما تجلسين تأنبين نفسك وتقولين لو شديت حيلي كنت قدرت، هالشي راح يخيلك تندمين طول حياتك، فشدي حيلك كويس كويس كويس عشان بإذن الله توصلين لحلمك
تذكري دائمًا حلمك وكيف أنتِ تبغين وبشده توصلين له، بإذن الله هالشي بيخليك من نفسك تقومين وتذاكرين وترجعين تشدين حيلك
ومو مشكله لو أخذتي يوم راحه أو يومين عادي، مافيه أحد بالعالم يجلس طول حياته بمستوى عالي من الإجتهاد والجديه، إلا غصب تجينا أوقات ما نذاكر كويس ولا نشد حيلنا، بس بعدين نرجع نشد حيلنا ويمكن أفضل من أول، لازم فيه فترات إرتخاء وفترات شده طبيعي جدًا 😁

View more

كيف ذاكرتي باثو عملي ومن وين ووش المطلوب اذاكر

ما ذاكرت له توني
أسألي بنات ثاني هم عندهم معرفه أكثر مني

للي يسالون بخصوص خصم الطلاب بجرير ، توني سالتهم يقولون للاسف الخدمة هذي مو متوفرة عندهم !! 💔

صححححح نسيت أقول إن الخصم كان لفترة معينه، ما أتذكر كم كان التاريخ بالضبط لكن كان آخر يوم للعرض بشهر أوكتوبر
وصراحه ما أعرف إذا بيرجعون الخصم أو لا ومتى يرجعونه، لكن اللي أذكره كان من فترة الإجازة إلى شهر أوكتوبر
أعتذر إني ما بينت هالنقطه 😅

ياقلبي امزح معاك 😂💛💛💛 قولي الي خاطرك فيه عادي يكفي مساعدتك وكلامك الي يسعد الخاطر 💕

يا قلبي عليك ❤️
هذا واجبي أكيد، دائمًا تذكروا أنا وكل بنات وأولاد دفعتي موجودين دائمًا، أي شي تبغونه أحنا موجودين لا تترددون بالسؤال أبد

اهم شي guys 😂😂😂😂داخله عرض

ما كان لها داعي يعني 😅 ؟؟
بس يعني كان قصدي أكون مو رسميه معكم 😁 لأن صدق بنات التحضيري أنتوا مثل خواتي والله وجدًا أحبكم ❤️

انا مستوى اي و مرة خايفة من مد الانقلش صح تطورت بالشهرين اللي فاتوا لكن فكرة ان الاختبار الموحد و فوق كذا ٨ ساعات تجلط😞اخاف تجيني أسئلة أعلى من مستواي 😞😞

دامك طورتي من مستواك فإن شاء الله ما عليك خوف
ولا تنسين هم حطوه موحد عشان يكون مناسب لكل المستويات، ما عليك أذكر باختبار المد الأول كانوا حتى بنات لفل a يقولون إنه سهل وpice of cake 😁
وصدقيني حطوها 8 ساعات لأنها ماده سهله وتقدرون تحصلون فيها a+ بسهوله
guys صدق والله الموضوع ما يخوف، إن شاء الله تختبرون وتطلعون من الإختبار وأنتم تضحكون على نفسكم كيف كنتوا شايلين هم الإختبار😅
لا تفكرين بسلبيه لأن ما يستاهل والله، كملي تدريب وتطوير نفسك وراجعي اللي ذاكرتيه وإن شاء الله ماراح يجيك أي شي صعب

العملي احياء كم يبي له يوم مذاكره ؟

Rahaffahad6’s Profile PhotoR
أيش طريقة إختباركم؟؟
إذا كان نفس طريقتنا بس شرائح واسمها ورسمه فأشوف يكفيه ثلاث أيام إن شاء الله
إذا طريقتكم تذاكرون كل الملزمة فأنصحك تذاكرين من ألحين، لأن كانت الملزمة مليانه كلام، فأفضل لك تذاكرين ألحين عشان يمديك تراجعين وما تطير المعلومات منك 😅
طبعًا بالنهايه يعتمد على طريقتك لكن هذا اللي أغلب الأحيان أشوف البنات يسوونه 😊
1
Liked by: وليد محمد، مغلق.

بس غيري صلاحيته ل public

كيف أغيره؟؟
أيش الزر بالضبط اللي أضغط عليه

لولو غريبة لما دخلت الرابط قال لازم انتظر طلب الاذن للدخول من صاحب الرابط ليش ؟؟

صدق 😩
guys مره آسفه بس ترا وربي ما عندي معرفه بكيف أنزل ملف من جهازي للنت، حملته من الدرايف وما أعرف هل طريقتي صح أو لا
إذا أحد يعرف كيف أرفع ملف يفيدنا لأن واضح إني ما أعرف كيف 😅

الرابط لكل الاختبار او بس الريدينق

لا للأسف ما عندي إلا الreading
بس ترا ملاحظه، فيه قطعتين وعلى كل قطعة عشر أسئلة، بحثت كثير عن الأسئلة الناقصه لوحده من القطع وللأسف ما لقيتها 💔 أظن فيه أربع أسئلة ناقصه، أنا جدًا آسفه لهالشي بس على الأقل شوفوا مستوى القطعة كيف تكون
وترا أحيان القطع تكون أسهل من اللي بالاختبار

لولوة الله يعافيك ممكن تنزلين صور اختبار النجم التجريبي 💙

شوفي ردي اللي تحت 👇🏻
وقوليلي إذا يشتغل أو لا 😊

اخاف بميد الانقلش ما افهم الكلام اللي بالجملة ولا اعرف اختار الكلمة تيس أسوي؟

إذا تقصدين الreading ترا حتى لو فرضًا ما فهمتي الكلمه المطلوبه منكم ترجمتها تقدرين تفهمين المعنى العام للكلمه، لأن ترا حتى المعنى اللي يطلبونه منكم يكون مره general
لا تخافين ترا سهالات الإختبار إن شاء الله، لا تشيلين هم وهدي نفسك وراجعي اللي ذاكرتيه وتدربي وإن شاء الله كلش بيتسهل ما عليك 👍🏻

ضايق صدري ما حليت زين بالريدنق اللي بالموقع💔مع ان مستواي نوعا ما يعتبر جيد جدا(ليفل بي) الاجابات متشابهة مرة💔مدري وش بسوي بالاختبار 💔

لا لا لا، ترا إختبار الreading اللي بالموقع مستواه عالي، مثلك أنا تدربت كثير على الreading ولمن جربت الموقع ما عرفت أحل أبد، مستوى اللي بالموقع كان أعلى من الإختبارات كلها، مو بس المد ترم الأول اللي كان يعتبر أسهل إختبار إنجلش
صدقيني مستوى الreading أسهل بكثير من اللي بالموقع، شوفي المثال تبع الreading اللي حاطينها بالملف اللي تذاكرونها، اللي بيجي بالاختبار تقريبًا نفس المستوى
وصح ما دربوكم على الإختبار؟؟ أذكر سووها لنا وخلونا نختبر تجريبي، مستوى الإختبار كان نفسه بالضبط
إذا ما دربوكم أنا عندي صور للإختبار بس للreading إذا تبغونها أنزلها لكم للتدريب يعني

الحين انا ادرس طب اسنان وباديه شغل عيادات من فتره طويله و اذا حاتني بيشنت يبيلها خلع استاااااانس يعني مع ان الموضوع ما فيه فله وانا اشوف الناس تتالم بسببي تتوقعين المرضوع عادي ولا انا فيني شي ايتحيت اسال صاحباتي و اهلي فسالتك😐

لسى بعدني طالبة طب ما أعرف عن أخلاقيات المهنه وهالأشياء 😅
وجهة نظري حاليًا هي إن شعورك طبيعي جدًا، حتى الجراحين لمن تجيهم حاله خطيره ينبسطون ويتحمسون مع إنها ممكن تكون قاتله للمريض، لكن هم بالنهايه ينقذون حياة المريض ويخففون من ألمه، الأهم إن تفكيرك هذا ما يكون مبالغ فيه لدرجة نسيان مشاعر المرضى ومدى ألمهم، إذا شغفك وحماسك على خلع الأسنان ما أثر على مشاعر المرضى فأنا أشوف إنه شغف طبيعي جدًا، بالنهايه هذا أحد أسباب دخولك لطب الأسنان، طبيعي راح تنبسطين لمن تسوينه 😁

"اي مكان فيه منافسه مستحيل تتكون فيه صداقات حقيقيه"سمعتها كثير و احسها صدق يعني معقول انا بستانس لصديقتي انها دايم تاخد مرتبه شرف وانا اطالع ولا اذا هي الدكتوره حبتها مره وانا مب مره توافقيني الراي ولا؟

لا طبعًا ما أوافقك الرأي 😊
أكبر سعاده للشخص لمن يشوف أصدقائه ناجحين ومتفوقين، ممكن أنتِ بعدك بالمدرسة فما تعودتي تشوفين أحد أعلى منك بحكم صغر المجتمع اللي أنتِ فيه، لكن لمن تدخلين لمجتمع كبير مثل الجامعه وبتخصص صعب وما يدخله إلا الممتازين بتعرفين إن هالكلام غير صحيح أبدًا، لمن تكونين علاقات قويه جدًا ماراح يهمك أنتِ الأعلى أو هم الأعلى، هذول الأشخاص هم أقرب الأشخاص لك ومن الطبيعي إنك تنبسطين عشانهم، أوكي ممكن تتمنين تحصلين أنتِ نفس ما هم يحصلون لكن ما ينفع تتمنين يروح منهم ويصير هالشي لك، أنا آسفه بس هذا حسد 😅
الأفضل تفكرين ليه أنتِ ما حصلتيها وأيش كانت أخطائك وتصححينها عشان تتطورين نفسك وما تستمرين بنفس الأخطاء 😊
وإذا أنتِ بمجال صحي رجاءً غيري وجهة نظرك، لأن المجال الصحي مره مهم التنافس الشريف بين العاملين فيه، لمن يكون الجميع متعاون بالمجال الصحي ويساند بعض هنا راح يتطور المجال إن شاء الله، بكره لمن تكونين دكتورة قلب أو أعصاب أو أيًا كان تخصصك راح يطلبون منك استشاره كل التخصصات، هل من المعقول إنك ترفضين مساعدتهم عشان ما ينجحون ويكونون أفضل منك؟؟ هذا غير منطقي تمامًا 😅

View more

الله يريحك كنت خايفه من الريدنق 😪💜💜

لا تخافون، بس شدوا حيلكم كويس وتدربوا وإن شاء الله بيكون الاختبار سهل وبسيط
لأن صدق على كثر ما تتدربون على كثر ما تقدرون تحلون بالإختبار أفضل إن شاء الله
الله يوفقكم وييسر لكم ويرزقكم الدرجات الكامله يارب ❤️

الميد التيرم الاول حق الانجليزي وش فيه؟ وش للأقسام اللي داخله معه؟

نفس ماهو موجود بالملف اللي تذاكرون منها
عندكم أربع أقسام vocabluary, reading, listening, grammar
نفس برضو اللي اختبرتوه بتحديد المستوى، بس عدد الأسئلة يختلف

لولوه بميد الإنقلش الأول مستوى صعوبة الريدنق نفس مستوى الريدنق اللي موجود بموقع الإنقلش تبع الجامعة ؟

لا لا لا، اللي موجود بموقع الجامعه مستواه صعب صراحه ومو واضح أبدًا، ماراح يجيكم بأي اختبار إنجلش مثله، لا بالترم الأول ولا بالترم الثاني
صدقوني الإختبار سهل مره، على كل الدفعات كانوا يقولون إن أسهل إختبار هو اختبار المد للإنجلش الترم الأول، مره سهل
شفتي القطعة اللي حاطينها باللسته اللي تذاكرون منها، الإختبار نفس المستوى تقريبًا، وبعض النماذج يجي الإختبار أسهل بعد 😁

انا انقبلت هالسنه بجامعه بس مو سعود وسحبت ملفي ولايوم داومت لاني ابي طب وعلشان نسبتي ضعيفه جداً ما انقبلت عندكم اقدر اقدم السنه الجايه عندكم؟اذا تحسنت درجتي بالقدرات والتصحيلي؟

إن شاء الله تقدرين
أنا اللي أعرفه إنه تقدرين تقدمين السنه الجايه وتنافسين عادي مثلك مثل غيرك، بس أهم شي شدي حيلك وحصلي درجات عاليه جدًا بالقدرات والتحصيلي عشان ترفعين معدلك، لأن ترا المركبة تدخل برضو بالتخصص، يعني لو كانت مركبتك عالية إمكانية إنك تتخصصين طب تكون عالية، فعشان كذا شدي حيلك قد ما فيك عشان تحصلين مركبة عالية

اختبار النجم نفس مستوى الايلتس و التوفل؟

لا لا لا 😂 أسهل بمليون مره
خصوصًا المد الترم الأول مره مره سهل، بس أهم شي تدربوا وذاكروا كويس وبيصير سهل عليكم إن شاء الله

Next

Language: English

4.1

1,266,418 reviews
© Ask.fm 2024