@Alolo_6

لولوه الصليهم

Ask me anything Follow
Ask @Alolo_6

Sort by:

LatestTop

Previous

كيف اعرف ان بذالوقت فية دورة بالجامعه عليها شهادة وين يقولون لكم!؟

عادةً الدورات اللي بالجامعة يعلنون عنها في حساب العمادة بالتويتر، وممكن برضو تلاقين إعلانات معلقينها عن دورات
ممكن كمان تلاقين بنات يتكلمون عنها، مثل دورة الإسعافات الأولية

السلام عليكم لوسمحتي لما نشتري كتب تحضيري صحي يعطونا كتب حق الفصل الاول والثاني ولاالفصل الاول فقط؟ وشكرا

وعليكم السلام ورحمة الله وبركاته
لا يعطونكم بس كتب الترم الأول
الترم الثاني بيخلونكم تشترون كتب الترم الثاني، وأصلًا الصحي الترم الثاني تشترون كتب الإنجلش بس

People you may like

ButhainaAlmajed’s Profile Photo Buthaina.
also likes
Ahmed_borham88’s Profile Photo برهاآم
also likes
docsabry’s Profile Photo Mohamedical Samir➿الضاكتور➿
also likes
dinamamdouh62’s Profile Photo Dina Mamdouh
also likes
Abdo2021’s Profile Photo ⓐbdo El ⓢhemi ( الضاكتور ) ツ
also likes
medooooya’s Profile Photo muhammed el shenawy
also likes
mohamed_fadelll’s Profile Photo Mohamed Fadel
also likes
asmayaser90’s Profile Photo asmaa yasser
also likes
jihad896’s Profile Photo Jí H Äđ
also likes
np50’s Profile Photo خُلُود رَمَضَان.
also likes
Manar115M’s Profile Photo Manar Mahmoud
also likes
MahmoudTalaaat’s Profile Photo Mahmoud Talaat
also likes
randa_sowan’s Profile Photo randa sowan
also likes
abdallahmaher2’s Profile Photo Abdallah Maher
also likes
tota14295’s Profile Photo Fatma Balabel
also likes
kareemmohamedaboelmagd’s Profile Photo Kareem Abo-Elmagd
also likes
marzokhossam’s Profile Photo Hossam Ayman
also likes
AhssanMustafa’s Profile Photo Ihsan Mustafa
also likes
Miiinar’s Profile Photo Manar A Ahmed
also likes
pmohamed21’s Profile Photo محمد
also likes
islamxe’s Profile Photo islamxetam
also likes
mayaral3ezaby’s Profile Photo *•.¸♡ مَـــيَــار ♡¸.•*
also likes
Sirafy’s Profile Photo Mohammed El-Sirafy
also likes
Sh_y_r_oO’s Profile Photo Shrouk
also likes
omarelmorsy9’s Profile Photo omar elmorsy
also likes
Want to make more friends? Try this: Tell us what you like and find people with the same interests. Try this:
#movies #indie #pop #cars #comics #football #dating #books #party #games
+ add more interests + add your interests

وش خطتك لأول سنة بالطب كمراجع وكتب وقريتي عن تجارب طلاب وكذا واستعديتي بالمكتب

اللي أفكر فيه بشكل عام هو إني أذاكر مثل ما تعودت أذاكر بس أحاول أطور طريقتي أكثر
طبيعي المذاكرة أول بأول، فيه طريقة حبيتها أظن قريتها من تجربة هشام الغفيلي، أقرا السلايدز ثم التيمز ثم أشوف فيديوز، إذا حسيت أبدًا ما فهمت أفتح كتب
الكتب ما فكرت آخذ إلا ثلاث، ليندا للفسيو، باثوما للباث، فارماكولوجي ريكال للفارما، ما أدري مره مره شايله هم الفارما وحاسه إنه بيكون صعب علي فأفكر فقط أفكر أكون التيم ليدر للفارما عشان فعلًا أذاكر له كويس، وعلى هالأساس أفكر أشتري كتاب للفارما
طبعًا الكتب إذا قدرت أحملها على اللاب توب كويس، مافيني أبدًا أشتريها، حجمها كبير وبكم راح تكلف، وأنا أبغى أتعود أذاكر على جهازي أفضل لي وأريح
التجارب قريت كثييير، أبرزهم ثلاث تجارب، تجربة هشام الغفيلي، تجربة شهد وملاك، تجربة علي الزهراني، أعجبتني جدًا جدًا، صح إني خفت لمن قريتها 😂 بس أحس استفدت كثييير وأعطتني صورة واضحة جدًا عن الكلية
عمومًا أحاول أكون عامة عشان الخطط بالتفصيل أحتفظ فيها لنفسي، كل ما قللنا حديث عن خططنا كل ماصار إمكانية تحقيقها أكبر، كل ما قلت خططي ما أسويها، فأفضل إني أخليها لنفسي عشان لعل وعسى أحققها 😂

View more

في كثير بس ابي شيء مضمون اي لوف ماث والمميز والمتميز وابي اعرف احسن شيء عشان اذاكر

حلوو حق I love math وبرضو المميز والمتميز، هذول عادةً اللي يذاكرون البنات منها وكثير مره يمدحونها
إذا قدرتي تحملين من هذول الموقعين مره كويس وبإذن الله تكفي
أهم شي ذاكري تجميعات ثلاث سنوات قبلك وركزي على آخر سنه، وبإذن الله تتسهل الأمور
بالتوفيق يارب ❤️👍🏻

التجميعات اللي بالقدرات كنتي تذاكرينة من وين؟

أذكر سألت بمنتديات يزيد عن التجميعات وفيه بنت الله يسعدها أرسلت لي على الخاص كل التجميعات
أما تجميعات 436 الفترة الأولى اللي هي دفعتنا أرسلت لي إياها صديقتي على الواتس أظن وذاكرت منها
عمومًا تقدرين تلاقين التجميعات، بس اكتبي بقوقل تجميعات قدرات وراح تلاقين كثييير مره وسنوات كثيره

لو كل يوم اذاكر عشان لا اجمع علي احس بطفش💔

طبيعي بتطفشين، عشان كذا لابد يكون عندك حلم يبعد هالطفش عنك ويشجعك تكملين
عمومًا وبكل صدق، أنا متعودة أصلًا أذاكر أول بأول، فحتى مع التعب كان الوضع معتاد عليه عادي، يمكن أنتِ ما تقدرين أبد تذاكرين أول بأول، فعشان كذا شوفي أيش أفضل طريقة ممكن تتبعينها عشان تقدرين تمشين بالجامعة، أعرف بنات بكلاسي كانوا ما يذاكرون أول بأول وما شاء الله درجاتهم مره عاليه، أهم شي أنتِ أعرفي أيش اللي يتناسب معك، إذا ما تنفع المذاكرة أول بأول معك لا تذاكرين أول بأول، جربي طريقة ثانية، مثلًا فيه بنات قبل الإختبار بثلاث أيام كذا يبدون يذاكرون، يضغطون مره على نفسهم ويطولون وهم يذاكرون وعادي يمشون، فيه اللي يترجمون المحاضرات ويقرونها عالخفيف وقبل الإختبار بكم يوم يذاكرون بجد وعادي يمشون، فيه بنات يناظرون فيديو للمحاضرة ويفهمون مختصر المحاضرة وقبل الإختبار يذاكرون بتفصيل كبير
كل واحد وطريقته اللي تناسبه، في النهايه أنتِ وش حاجتك أصلًا الأساسية؟؟ تحصلين درجات عالية صح؟؟ خلاص دوري الطريقة اللي تناسبك وتخليك تحصلين درجات عالية، سووها ناس ما سووها أهم شي إنها تناسبك
لا تستنسخين تجارب الناس واللي سووه، سوي لك خطتك أنتِ ونظامك أنتِ، لأن قدراتك تختلف عن قدرات غيرك، ومافيه أحد يعرف قدراتك كثر نفسك، فعلى هالأساس سوي لك طريقة مذاكرة تناسب قدراتك، وما عليك بتمشين أحسن مني ومن غيري بإذن الله
موفقه يارب 👍🏻❤️

View more

1
Liked by: Reem alahmari

لولوه شكرا على تعبك معنا فعلا الاحظ انك تتعبين في الاجوبة مره الله يسعدك، انا تجيني لحظات ارجع افكر هل انا فعلا استحث اني ادخل طب؟ هل راح اتسبب في وفاة احد لا سمح الله؟ هل راح اكون طبيبة جيدة؟ فعلا انزعج من هذا الشيء.. قد مريتي بمثل هذي التجربة؟ وايش اسوي؟

أولًا جدًا شكرًا على لطافة كلامك وجدًا أسعدني كلامك، ربي ما يحرمك الأجر على هالكلام والله يسعدك أضعاف ما أسعدتيني ❤️
شوفي فكري فيها، كل هالدكاترة اللي بالعالم كانوا ببدايتهم ما يعرفون أي شي مثلهم مثلك حاليًا، أيش صاروا ألحين؟؟ صاروا من أفضل الدكاتره بالعالم وساهموا بإنقاذ حياة آلاف وممكن ملايين من الأرواح بعد فضل ربي، أيش فرقهم عنك؟؟ ولا شي ما عندهم شي زايد عنك أبدًا، مجرد إنهم آمنوا بنفسهم وبقدراتهم ثم اجتهدوا واجتهدوا واجتهدوا، قروا كثير شافوا فيديوز كثير تعلموا كثير، واصلوا الليل بالنهار عشان يتعلمون من أساتذتهم ثم بعدين الدكاترة اللي أكبر منهم لحد ما صاروا ناجحين جدًا في مجالهم
هالشي مو مستحيل وكل العالم يقدر يوصله، فقط يحتاج جهد ومثابرة واستمرارية وراح توصلين
مافيه دكتور بالعالم ما مات تحت يده مريض، لكن فيه آلاف من الأطباء بالعالم ساهموا بإنقاذ أرواح أضعاف ما مات مرضى عندهم، ماراح تمسكين مرضى كذا على طول إلا بعد تدريب كبير ومكثف جدًا، ماراح يوكلونك مريض واحد إلا لمن يتأكدون إنك تقدرين لا وكمان راح يكونون الأطباء حولك عشان إذا لا قدر الله صار شي راح يساعدونك، ومستحيل سابع المستحيلات راح تكونين إستشارية إلا لمن تكونين فعلًا مؤهلة إنك تكونين إستشارية
فلا تخافين، ماراح تكونين مسؤولة عن أرواح إلا لمن تكونين قادرة تمامًا على معالجتهم، ووقتها تأكدي تمامًا إنك راح تكونين طبيبة جيدة، ومع تطوير نفسك، قراءة وتثقيف وحضور مؤتمرات وتبادل الآراء مع أطباء عمالقة بنفس مجالك راح تتطورين أكثر وأكثر
كلنا كللللللنا نمر بهالمشاعر، طبيعي الواحد يخاف، وخصوصًا إنك بمجال حساس جدًا جدًا، أنتِ مسؤولة عن أهم شي للإنسان وهو صحته طبيعي هالشي يخوف، لكن أبدًا أبدًا لا تخلين هالشي ينحيك عن الإبداع والتميز، كيف ممكن تطلع لنا العمليات الحديثة مثل الليزر وغيرها لو وقفوا الدكاترة بسبب الخوف، كيف ممكن نلاقي علاجات جراحية للأورام ومثلًا الصرع وغيرها لو الأطباء وقفوا من الخوف، ما كنا راح نتطور بالعلم والعلاجات، كان كل العالم واقف عند نقطة وما تطور، التطور أصلًا هو إنك تكسر حاجز الخوف وتخرج عن المألوف، عشان كذا أبدًا لا تخلين الخوف يسيطر عليك ويوقفك، لأن بهالحظة أنتِ راح تتوقفين عن الإبداع والنجاح بشكل أكيد
موفقة يارب وياليت أكون أفدتك ولو بشكل بسيط 😅 وآسفة إني طولت عليك بالكلام 😓

View more

3
Liked by: وليد محمد، مغلق. Sarah Dr.Abdulrahman Alkaff

كم جبتي باللفظي و الكمي؟

ما أذكر 😶
عمومًا اللفظي كان أعلى من الكمي

اتحفونا قد بكيتوا بسبب ضغط الدراسة🌝؟

ياما وياااماااا 😂
خصوصًا بأيام ثالث ثنوي والقدرات والخياس 😷 كان عندي كره عظيم جدًا تجاه القدرات وكان شغلي الشاغل القدرات ودائم خايفه منه ومتحطمه منه
نفس الشي التحصيلي لكن أخف من القدرات خصوصًا إني ذاكرت للتحصيلي من زمااااان
التحضيري بالبداية فقط وبأيام الفاينلز الترم الثاني، غيرها عادي ما كان شي مرعب جدًا 😁

اذكر قريت انهم ما يعطون خصم للاجهزة واللابتوبات، متاكدة انتي؟

إيه أنا توني شاريه اللاب حقي ومسوين لي خصم 😶
يمكن بعض اللاب توبات ما يعطون خصم ما أدري عنهم، لكن أذكر لمن جيت أشتري قال اللي يشتغل لأبوي إنهم يسوون خصم على الأجهزة للطلاب وأعضاء هيئة التدريس
ما أدري يمكن غيروا ولا شي، اتصلوا عليهم قبل ما تشترون وتأكدوا

كم خصم الطلاب عند جرير ؟ وكيف اقدر استفيد منه ؟

عند جرير الخصم يكون 25%
جيبي بطاقتك الجامعية وبطاقة الأحوال وأعطيهم إياه وأطلبي تخفيض الطلاب

ايش هو تخفيض الطلاب

فيه محلات لها تخفيض الطلاب لكن ما أعرف إلا جرير 😁
يخفضون على كل الأجهزة 25% المطلوب منك تجيبين بطاقتك الجامعية وبطاقة الأحوال وأطلبي منهم تخفيض الطلاب وبس

نصيحه للتحضيري للحصول على الخمسه ♡

عيشوا تجربتكم بنفسكم أنتم، لا تستنسخون تجارب غيركم وتطبقونها على نفسكم، أعرفوا طبيعة كل مادة والمصادر تبعها وأبدوا أنتوا حددوا الطريقة اللي تناسبكم
حاولوا تترجمون على الأقل المحاضرات وتقرونها على السريع، يعني مو لازم تذاكرون مذاكره جديه أول بأول بس على الأقل أقروا المحاضرات، نظموا وقتكم بالطريقة اللي تناسبكم أنتم مو اللي يقولونها الناس
لا تسمعون كلام السلبيين وتذكروا دائمًا اللي قدروا قبلكم ما عندهم أي شي زايد عنكم، فبالتالي أنتم تقدرون مثلهم وحتى أحسن منهم 👍🏻
لا تنسون تعطون لنفسكم وقت لأن نفسكم لها حق عليكم، إذا حسيتوا خلاص ما فيكم تتحملون عطوا نفسكم راحه عشان ترجعون بنفسية أفضل
توكلوا على الله وخلوا نيتكم بالمذاكرة التعلم من أجل نفع الأمة عشان تؤجرون عليها بإذن الله، لو تقدرون تصدقوا بمكافآتكم لو بشي بسيط، وراح يجيكم خير من حيث لم تحتسبوا
موفقين يارب ولا تخافون أبد الموضوع جدًا سهل وما يخوف، سهلوها على نفسكم وهونوها وبتشوفون كيف الوضع بيسهل

View more

كيف جاك تخفيض الطلاب؟ لاني انا بدخل التحضيري الحين واحتاج لاب توب اتوقع، بس كيف يجيني تخفيض طلاب؟

تخفيض الطلاب موجود بجرير، ما أعرف عن باقي المحلات بس أعرف التخفيض اللي بجرير
تجيبين بطاقتك الجامعية وبطاقة الأحوال وتطلبين منهم يعطونك خصم طلاب
أظن يخصمون 25%

بكم الاب توب حقك كم سعره

أخذته من جرير مع تخفيض الطلاب كان سعره 6400 تقريبًا
أظن سعره الأصلي كان 7500 تقريبًا

Next

Language: English

4.1

1,266,418 reviews
© Ask.fm 2024