لولوه الصليهم

اسك بنت كانت تحضيري سعود او نورة وخلت صيدله ابي اسال عن النسب و كم حصلت عشان اتشجع 😭

July 27, 2016

http://ask.fm/halafisal
هذي البنت من دفعتي 436
https://ask.fm/roomy_3
هذي البنت من دفعة 435 الدفعة اللي قبلنا، وهي مسارها دكتور صيدلي
دفعتنا مابعد أعلنوا عن الدكتور صيدلي فعشان كذا ما أعرف اللي من دفعتنا أيش

1

0

Liked by: صِّبا.

لا اقصد تجربه بنت كانت من دفعتك او اكبر ودخلت صيدله ابي اسالها كم سؤال 😭 اعرف الاسك حق الجامعه بس ابي تجربه طالبه لو سمحتي

July 27, 2016

ما فهمت عليك، تبين رابط لتجربة بنت كانت تحضيري ودخلت صيدله؟؟ أو تبين الآسك تبع البنت هذي؟؟

0

0

لو سمحتي صار لي ايام ادور اسك وحده صيدله 😭😭💔💔💔 تعرفين احد عندي كميه اسئله لهم

July 27, 2016

http://ask.fm/pharmacy_las_ksu
هذا آسك تبع لاس التطوعيه لكلية الصيدله جامعة الملك سعود - طالبات
أتمنى يكونون مفيدين لك ❤️

0

0

People you may like

Buthaina.

also likes

• #ksu

برهاآم

also likes

• #medicalstudent

Mohamedical Samir➿الضاكتور➿

also likes

• #medicalstudent

Dina Mamdouh

also likes

• #medicalstudent

ⓐbdo El ⓢhemi ( الضاكتور ) ツ

also likes

• #medicalstudent

muhammed el shenawy

also likes

• #medicalstudent

Mohamed Fadel

also likes

• #medicalstudent

asmaa yasser

also likes

• #medicalstudent

Jí H Äđ

also likes

• #medicalstudent

خُلُود رَمَضَان.

also likes

• #medicalstudent

Manar Mahmoud

also likes

• #medicalstudent

Mahmoud Talaat

also likes

• #medicalstudent

randa sowan

also likes

• #medicalstudent

Abdallah Maher

also likes

• #medicalstudent

Fatma Balabel

also likes

• #medicalstudent

Kareem Abo-Elmagd

also likes

• #medicalstudent

Hossam Ayman

also likes

• #medicalstudent

Ihsan Mustafa

also likes

• #medicalstudent

Manar A Ahmed

also likes

• #medicalstudent

محمد

also likes

• #medicalstudent

islamxetam

also likes

• #medicalstudent

*•.¸♡ مَـــيَــار ♡¸.•*

also likes

• #medicalstudent

Mohammed El-Sirafy

also likes

• #medicalstudent

Shrouk

also likes

• #medicalstudent

omar elmorsy

also likes

• #medicalstudent

Want to make more friends? Try this: Tell us what you like and find people with the same interests. Try this:

#party #indie #movies #comics #food #beauty #student #music #anime #hiphop

+ add more interests + add your interests

ايش تخصصك واي جامعه؟

July 27, 2016

تخصصي طب بشري
جامعة الملك سعود

0

0

ماشاءالله الله يحفظك💕

July 26, 2016

جزاك الله خير ❤️

0

0

تحسين انك ذكيه او مجتهده؟

July 26, 2016

لا مستحيل ذكية 😂😂😂
أنا إنسانة مجتهدة حرفيًا، ما أحس عندي صفة الذكاء أبدًا، وألمس هالشي كثير جدًا جدًا بحياتي
حتى كل اللي حولي يقول هالشي، أنا ماني ذكية لكني جدًا جدًا مجتهدة 😄

0

0

كم جبتي باول محاوله بالقدرات؟

July 26, 2016

80
وقتها ما فتحت ولا شي 😁الشي الوحيد اللي سويته فتحت كم صفحة من كتاب قدرات حق بابطين وقريت كم صفحة، حتى كانت قبل الإختبار بساعتين تقريبًا 😂

0

0

وش معنى أنشئ بريد من الجامعة؟؟

July 25, 2016

يعني تسوين لك إيميل جامعي
أذكر سوينا الإيميل الجامعي وقت ما حجزنا للموعد التعريفي، بيكون من ضمن الأشياء اللي تسوينها إنشاء بريد إلكتروني، بيرسلون لك هناك بطاقة الموعد تبع اليوم التعريفي تطبعينها
وعمومًا أي استفسار أو تواصل للجامعة أو أعضاء هيئة التدريس تقدرين ترسلين لهم رسالة من إيميلك الجامعي ويردون، مفيد جدًا الإيميل

0

0

الله يسعدك يا دكتورة شكراً🎈💕

July 25, 2016

بالتوفيق
إذا احتجتي أي شي ثاني تفضلي أكيد 👍🏻

0

0

اليوم التعريفي قبل الدراسة إن شاء الله بس اقول عادي مفتوح التسجيل؟

July 25, 2016

طيب أرجع وأقول التسجيل إلكتروني ما يحتاج تروحين عندهم، مجرد تفتحين الموقع وتسجلين، ويفتحون الموقع على بداية السنه
لكن تقدرين تروحين معه أول يوم دوام حتى لو ما سجلتي 😁

0

0

السلام عليكم ورحمة الله لولو اقدر اروح في اليوم التعريفي إن شاء الله واسجل في الباص؟

July 25, 2016

وعليكم السلام ورحمة الله وبركاته
التسجيل بالباص الكتروني ما تحتاجين تروحين لهم، لكن ماراح يجيك أول يوم الصباح لأنه ما يعرف بيتكم 😁
لكن تقدرين تركبين معه أول يوم بالرجعه ويعرف بيتكم ويصير يجيك كل يوم
اليوم التعريفي لدفعتكم أذكر إنه أول أسبوع بالدراسة فعادي يمديك ترجعين معه من أول يوم، لكن إذا اليوم التعريفي قبل الدراسة لا ما يمديك ترجعين معهم

0

0

يوم كنت في التحضيرية كم كان لفلك في الانجليزي؟ وهل تحسين أنه فيه احراج على الشخص انه يتكلم خصوصًا انه في ناس غيره كثير احسن منه ويمكن تتفشل؟ أنا انسانة خجولة جدًا وأخاف من الخطأ لدرجة أني اذا جتني مثل هذه المواقف وأجبرت أني اتكلم كل جسمي يشد بقوة ويبي يعصر نفسه من الخوف 😞

July 21, 2016

كان لفلي b
خل أقولك كلمة، اللي يخجل ماراح يتعلم
مستحيل من سابع المستحيلات إن يكون فيه أحد عارف كل شي، إلا لازم يكون فيه أشياء ما يعرفها، وطبيعي يخطأ في هالأشياء، والواحد ما يتعلم ويثبت بعقله الدرس كويس إلا لمن يخطأ ويعرف الصح، أنا بالبداية كنت خجوله وأخاف أجاوب ويطلع غلط ويضحكون علي، بس لاحظت كل البنات نفس مستواي مافيه أحد أعلى مني، حتى فيه بنت دايم تشارك مع التيتشر ومع ذلك أخطاءها كثيره، ما شفت أحد ضحك عليها أبدًا، وقتها عرفت إن الخجل ماله أي فايده وإني راح أضيع لو استمريت كذا، يا أوقف سخافه وأصير واثقه من نفسي أو أجلس بخجلي وما أطور وأندم أيام الإختبارات، فالخيار لك أنتِ، تبين تتطورين تغلبي على خجلك ما تبغين تتطورين خليك على نفس ما أنتِ
إذا بديتي تتكلمين طبيعي تصير ردة فعلك عنيفه وخايفه، بتعرقين وتتلعثمين ويمكن ما تطلع منك جمله صحيحه، بس بتعطيك التيتشر وقت وماراح تتركك إلا وهي فاهمه اللي قلتيه وماراح تسمح لأحد يضحك عليك، يوم عن يوم بيخف الوضع وبتتعودين، أنتِ بس أبدي وأهم شي واصلي ولا توقفين، بس شوفي شهر أو يمكن أقل وبتشوفين كيف تخلصتي من هالعاده نوعًا ما وبديتي تتطورين
ممكن برضو بالبيت تجلسين عند المرايه وتحاولين تتخيلين نفسك بالكلاس، مره تتكلمين كأنك التيتشر ومره كأنك أنتِ، عادي حطي أي وضع تتخيلينه وتفاعلي معه، كأن التيتشر تسألك وأنتِ تجاوبين بعدين تبدون تتناقشون مع بعض وكذا 😁 كنت أسوي هالحركه كثير على أساس أبتعد عن الخوف والرهبه ومنها كمان ممارسة اللغة
ولا تنسين أبد، مهما ضحكوا عليك بالنهاية هم ماراح يستفيدون ولا راح يتضررون، الأمر كله راجع لك، إذا سفهتيهم بتستفيدين أما إذا تأثرتي منهم راح تتضرين، وبعدين راح تندمين على إنك ما استغليتي الفرصة اللي منحوها لك الجامعة بوجود أجانب عشان تطورين لغتك

View more

2

0

Liked by: Dr.Nawal وليد محمد، مغلق.

شكرًا لدعواتك الطيبة ❤️ والله يحقق لنا أمانينا جميعًا يارب

July 20, 2016

الله يحقق للجميع أمانيهم يارب ❤️

0

0

سبحان الله ، أنا عكسك تمامًا عندي ميول كبير للفيزياء والرياضيات فدخلت هندسة عشان أطبق العلمين هاذي ع أرض الواقع وأخترع أجهزة وأدوات وتقنيات جديدة ❤️ أهم شيء آنه الواحد يدخل المجال الي يحبه عشان يقدر يفيد البشرية بشكل أكبر

July 20, 2016

الله يوفقك يارب ويكتبلك كل الخير يارب، ويكتب لك ربي فوق ما خطر على بالك وتتنتفع فيك الأمة الإسلاميه
جدًا جميل يكون كل شخص داخل مجال عن حب وشغف والأجمل إن يكون في نيته التطوير والتحسين للبشريه والعالم، جدًا فخوره إن فيه أشخاص مثلك في هذا البلد
الله يكتبلك التوفيق وتوصل لمكانه العالم كله يفتخر فيك ❤️

1

0

Liked by: أماني سعد

اخذتي الايلتس؟

July 20, 2016

لا ولا حتى فكرت 😁
سعره غالي وإختبار الفاينال تبع الجامعة أسهل، وبالترم الأول بعد يعني مافيه أي فايدة 😄

0

0

ما أدري كيف تتحملي تدرسي تخصص ما في رياضيات وفيزياء 😂🌚

July 20, 2016

ولو إني مابعد درست التخصص، لكن أنا أكره الفيزياء من أول ما درسته، فبالعكس أنا أحمد ربي ليل ونهار إن تخصصي مافيه فيزياء 😁
أما الرياضيات ما عندي ذاك الميول له عشان أندم إن تخصصي مافيه رياضيات 😅
على حسب ما أعرف فيه بعض الدروس بالطب فيها علاقة بالفيزياء والرياضيات، مثلًا في دراسة الدم أو القلب ناخذ دروس عن الموائع والضغط وهذي الأشياء، الرياضيات فيه حسابات لازم نحسبها عشان نعرف، مثل الجرعات وهذي الأشياء، ما أعرف إذا الطب يدرسونها ولا الصيدله لكن كأني قد شفت طلاب الطب يقولون إنهم يحسبون
فعشان كذا فيه شوية فيزياء ورياضيات، لكن بشكل قليل جدًا وهذا أحسن شي 😂

0

0

وكمان لا هنتي اذكري تجربتك كامله بالقدرات وكيف قدرتي تجيبي معدل مرتفع فيها والحاجات الي استفدتي منها والمراجع والكتب والمواقع الله يكتب اجرك..

July 19, 2016

http://www.yzeeed.com/vb/showthread.php?p=4080414#post4080414
👆🏻 هنا ذكرت كل تجربتي في ثالث ثنوي، القدرات والتحصيلي والمدرسة، أتمنى الإطلاع عليها لأن فعلًا كتبت كل اللي بخاطري وكل اللي مريت فيه بكل صدق، أتمنى تستفيدون منه 😊

0

0

ماشاء الله طيب كيف قدرتي تجيبي ذي النسبه العاليه ف التحضيلي ممكن تذكري تجربتك كااااامله

July 19, 2016

أولًا أنا ما حصلت الدرجات من مذاكرتي أو من جد واجتهاد، كل الموضوع هو توفيق من رب العالمين، غيري ذاكر أحسن مني ووقت أطول وعندهم معلومات أكثر وما حصلوا عالي، باختصار لأنه توفيق من رب العالين وبس
أما طريقة مذاكرتي يبغالها وقت صراحه 😁 لأني كنت أذاكر المناهج في الإجازات الصيفيه، يعني لمن خلصت أولى ثنوي ذاكرت المواد العلميه تبع أولى، لمن خلصت ثاني ثنوي ذاكرت المواد العلميه تبع أولى وثاني، أما مواد ثالث راجعتها من الكتب اللي يبيعونها، وبصراحه ما استفدت كثير من الكتب كثر ما استفدت من المناهج
كثير ناس يقولون تجربتك متعبه فما أدري راح تستفيدون أو لا 😁 لكن عمومًا أنا بالنسبة لي أفضل مصدر كان المناهج، والتجميعات للتدريب طبعًا

0

0

التحصيلي اختبرتي بس الاول؟

July 19, 2016

أختبرت الاثنين لكن من أول محاوله جبت 95، المحاوله الثانيه عشان ما ذاكرت شي جبت 87 😅

1

0

Liked by: Faris

بسألك الله يسعدك إيش أفضل موزونتي ما دخلتي صحي هل أدخل علمي أول أنساني بعدين أحول ! ولا ادرس انتقالي ؟ و بسأل الانتقالي أنا اختاره يعني اروح للجامعة و اقول ابغی انتقالي ولا كيف !

July 19, 2016

شوفي الفرق هو، العلمي أو الإنساني لازم تجيبين معدل عالي مره عشان تحولين، ولازم تتوفر مقاعد عشان يقبلون التحويل، فهل أنتِ واثقه إنك راح تقدرين تجيبين معدل عالي أو تقريبًا 5 وبالتالي تحولين ولا ما تتوقعين إنك تقدرين وبعدين تجلسين بالعلمي على طول، هذا السؤال لازم تعرفين إجابته جدًا كويس عشان تقررين
بالنسبة للانتقالي فيه انتقالي صحي، لكن ماراح يكون عندك مكافأه، فهل متقبله الوضع وعادي عندك ما يكون لك مكافأه؟؟ إذا عادي خلاص سجلي
الانتقالي تقدمين له من هنا http://darp.ksu.edu.sa/
بالمناسبة، كونك ما انقبلتي بالبوابة يعني مركبتك منخفضة، هالشي يأثر كثير على قبولك خصوصًا بالتخصصات اللي عليها منافسة مثل الطب والأسنان وبصريات وممكن كمان صيدله، لأن وقت التخصيص راح ياخذون نص من مركبتك ونص من معدلك، فحتى لو جبتي 5 في كل الترمين ممكن ما تدخلين تخصص عليه منافسة عاليه، ولازم تتقبلين هالشي تمامًا، للأسف بنات يشدون حيلهم عشان يتخصصون طب مثلًا ومركباتهم منخفضة ولمن ما يدخلون يتحطمون ويسبون بالجامعة والنظام الجديد، فلازم تتقبلين الوضع قبل لا تدخلين بأشياء ممكن تكونين بغنى عنها 😁

View more

0

0

رياضيات الانساني يختلف عن العلمي

July 18, 2016

ما أعرف عن العلمي، لكن أذكر رقم المقرر يختلف، فأتوقع إنه إيه يختلف عن الإنساني، لكن ماني متأكده مره لأني ما درست لا علمي ولا إنساني، وما أعرف بنات درسوا إنساني أبدًا 😅

0

0

لولوة ❤️ الحين اختبار تحديد مستوى اللغة الانجليزية كم الدرجة المطلوبة للفل c &b

July 18, 2016

الإختبار مافيه درجات، على حسب عدد الأسئلة الصحيحه اللي حليتيها يحطونك
لكن كم عدد الأسئلة ما أعرف صراحه، عمومًا أكثر من النص لفل b أكثر من ثلاث أرباع لفل c
لا تنسون إن الإختبار مافيه رسوب ولا أي شي، مجرد يحدد مستواك عشان يعطونكم الدروس المناسبة لتطوير لغتكم، مهم جدًا جدًا تحلون اللي تعرفونه وبس، فيه بنات ما حلوا كويس يقولون نبغى نكون لفل a ونتأسس زين وصارت الإختبارات صعبه عليهم

0

0

الله يجزاك الجنة يارب وسهل لك دربك💜💜

July 17, 2016

أجمعين يارب ❤️

0

0

لولوة كيفك؟💜 لولوة أنتِ قد رحتي بالباص في التحضيري وعلميني كيف اسجل وميف الطريقة وهل امان معهم بعد الله سبحانه؟

July 17, 2016

الحمدلله بخير
إذا قصدك الباص الحكومي أنا كنت أروح وأرجع معه 💔
طريقة التسجيل الأصلية تفتحين الموقع حقهم هنا https://eservices.ksu.edu.sa/TransportationSystem/، اسم المستخدم الرقم الجامعي وكلمة المرور السجل المدني، تدخلين وتحطين طلب جديد، لازم ترفقين صورة موافقة ولي أمرك وصورة وصف بيتكم ولازم الصيغه pdf، هذي عشان يطلعون لكم بطاقة الباص، بس ما يحرصون عليها مره أذكر ما سألوا عنها إلا مره كل ترم 😁
لكن عمومًا يمديك تروحين لمقر الحافلات من أول يوم، قوليلهم الحي والشارع اللي ساكنه فيه أو شي قريب من بيتكم وبيقولون لك رقم الباص والمسار، أركبي معه ووصفي له بيتكم، وخلاص تروحين معه كل يوم حتى لو ما سجلتي بالموقع
هم أمينين جدًا ومره كنت مرتاحه والسواق كان جدًا كويس وإذا صار أي شي اشتكوا عليه وعلى طول يغيرونه، أذكر قد صار مره لنا إنه سقط علينا واحد بالطريق البنات مره خافوا وكلموا مسؤولة الحافلات وعلى طول بعدها غيروا السواق مع إنه ماله دخل 😁
نصيحتي لا تروحين مع باص الجامعة إلا إذا انقطعت بك السبل، الباص مره زحمه البنات كثار، يجي مره مره بدري، مافيه غير وقتين خروج وأحيان ما يكون مناسب، مو مريحه الكراسي وإزعااااج مره صوت المحركات، الباص يخضك وأنتِ جالسه 😂 أنا كنت أذاكر بالباص وكان تعب تعب مره، فلا تروحين معهم إلا إذا ما لقيتي أي شي غيرهم
بالمناسبة مقر الحافلات اللي تروحين لهم مكانه مو واضح، إذا قررتي تروحين مع الباص قوليلي عشان أوصف لك إياه بالضبط، أنا تهت ثلاث مرات عشان ألقى المكان 💔

View more

0

0

السلام عليكم ورحمة الله 💜 أختي حابة أسئلك عن اللبس في التحضيري بكل مساراته ايش نلبس وكيف كم البلوزة وطول التنورة وهل يشددون على اللبس وهل عادي علي العباية؟ شكرا مقدماً❤️❤️

July 17, 2016

وعليكم السلام ورحمة الله وبركاته
اللبس في التحضيري تنوره وبلوزة، أي لون عادي مسموح، البلوزة الكم عادي أي شي،طول التنوره حاولي تكون طويله، لأن أذكر دايم صديقاتي يقولون يمسكونا الأمن يقولون لنا تنورتكم قصيره ويكتبون لهم إنذار 😁 يشددون عادةً على البلوزة الشفافة والتنوره القصيرة، أنا دايم ألبس كم طويل وتنوره طويله وماقد وقفوني ولا مره
العبايه ممنوعه تمامًا، وإذا شافوك بعبايه لازم يفصخونها منك

0

0