هو انا لو طلعت تست غلط او بدلت عينة مكان التانية هانقص الدرجة كلها -_-
صلى على النبي يادكتور/ة اولا كده احنا دلوقتى مش هنستفيد حاجة لما نفضل نفكر هانقص اد ايه ؟! غلط ولا صح وافضل احرق في اعصابي وخلاص يبقي الحل ايه بقي هنفكر في حكمة *لا تبكى على اللبن المسكوب * خلاص اللى ربنا يقدره بقي واعلم اللى ربنا بيكتبه هو خير ركز في اللى جاى فكر في الى بعده استعيذ بالله من الشيطان اللى بيفضل بيقولك هتنقص وهتعمل ابدا زاكر بجد للى جاى واستعد للفاينل بالتوفيق يا دكتور/ة يارب يوفقنا جميعا :)
معلش سؤال هو فى امتحان عملى العقاقير كان فى giant cluster of ca ox مثلا لازم اكتب موجوده فى اى نبات و لا عادى كان كاتب this is فانا اتعرفت عليها و مكتبتش هى فى انهى نبات و الموضوع ده موترنى جدااااااأاا بعدها كان السؤال استخدام النبات ايه جاوبت كل ده و مطلبش اسمه فمكتبتوش
لا يافندم عادي متقلقيش هيحسبوها صح ان شاء الله
لوسمحتوا يادكاتره ارجو الرد ع موضوع امتحانات السمر هتكون امته بالظبط وبيرتبوا المواد ازاى اصلى ماجله ماده من التيرم الاول وعاوزه اعرف الميعاد هيكون امته لان هسافر ف الاجازه ولازم اعرف حاليا ارجو الافاده
تقريبا يادكتوره ف شهر ٨ الامتحانات بتستمر لمدة اسبوع بيكون فيه يوميا ماده م السمستر الأول صباحا وماده م السمستر التاني مساءااما بأا نظام ترتيب المواد الله اعلم بالتوفيق
البيدج فيها عنصريه وتحيز ناحية اشخاص معينه لما بيسالوا ويطلبوا مساعده مش بتردوا عليهم وكانهم مش معانا ف الدفعه دا لان الادمن مش حابب الشخصيه او مش على وفاق معاها وممكن ميعملوش فولو ولا يبعتله اى حاجه تفيده ك باقى الطلبه
والله يافندم ولا في تحيز ناحية حد ولا حاجه معظم الأدمنز مبقوش بيفتحوا والي شغال الوقتي يعتبر ادمن واحد بس واكيد الي بيعرفه بيجاوبه والي مبيعرفوش مبيجيش ناحيته يعني مش قاصد حد بعينه
هو دكتور المسيرى شرحه حلو ؟؟ يستحق اسمع التسجيلات يعنى ولا اذاكر وخلاص بدون تسجيلات ؟
والله يافندم هو حضرته الى حد كبير كويس افضل من غيره صراحة يعننى بيوضح بس هاقول لحضرتك/ى نصيحة مش كل اللى يناسبنى ممكن يناسب حضرتك فالافضل بالتجربة جرب تسمع/ى محاضرة كده وبعد كده هتقدر تحكم بالتوفيق :)