لو سمحتي انا ف اولي تنصحيني انزل كورسات طبية أتدرب ولا لأ
ولو اه ايه افضل حاجة أصل في حاجات كتير ومش عارفة انهي الافضل؟!
عاوز تنزل كورسات تبقي تقرأ اول باول في مصادر مختلفة كمان .. كورسات ومفيش قراية مستمرة =0 ولا كانك اخدت اي حاجة وهتبقي شهادات علي ورق والسلام ، علم ذاتك بذاتك اقرا وجيب كتبةعن كل حاجة طبية مش بس otc ,, اقرا pharma اقرا عن الامراض عموما بتحصل ازاى اعراضها جيب صور للاعراض انزل صيدلية واتعامل مع الناس مباشرة، ، الكورسات كويسة اه بس مش كل حاجة ✋✋ الاونلاين كمان حلو لو تقدر تلتزم ✋
يا دكاترة عندي كركبة واصوت ف بطني و الموضوع محرج دا ايه. اتابع عند دكتور ايه و لو فيه اي حاجة اخدها موقتا
ولا دكتور ولا حاجة.. امشي علي " كلوفرين دي " ٣مرات وجيب ايوكربون كمان خدها عند اللزوم هيهدي الصوت ده
ومفيش واسطة 😂😂😂 خلينا ف الصيدلية 😂😂
لا نسعي ونعمل اللي علينا ونحاول وما يمكن تصيب بس وقتها هتحتاج دبلومة سيوتكس مثلا اقل حاجة علشان تقدم
من ناحية الصيدلية مقدور عليها .. بس لو الشغل في مجال التضنيع الدوائي ؟ كيف السبيل ؟ والسي في ابيض يا ورد
تصنيع دوائي = واسطة +دبلومة
بس انا معنديش خبره انا يدوب نزلت التدريبين بتوعنا وخلاص وكنت بتعامل مع ادويه محدده مثلا عشان الصيدليه ف ارياف وكدا
كدا ممكن اشتغل ف صيدليه زى الطرشوبى مثلا ولا اعمل اى ؟؟
اه ممكن عادي
ايه المواد اللي ليها عملي و كل مادة كام ساعة؟ و لو امكن و لو مش هتعبكم في الاجازة محتاج الجدول تكون صورته واضحة بتاع الدراسة و الامتحانات كمان من فضلكم..اجازة سعيدة و آسف على الطلب المزعج ده
كميا حيوية كلينكال ،علم الامراض ، تصميم الدوا بس هما اللي ليهم عملي✋
انا حاليا مش عارفه هعمل اى بعد التخرج ولا اشتغل فين بالظبط مش عارفه اى المناسب يعنى اشوفلى صيدليه اشتغل فيها ولا شركه ولا مصنع ولا اى بالظبط مش عارفه
ممكن تفتحولى الدنيا تقولولى اى الاحسن ونظام كل حاجه اى
الموضوع كله معتمد عليك انت ، انت حابب ايه ؟ عاوز الفلوس ولا الكارير؟ عاوز توصل لايه في شغلك؟ لو شخصيتك تسمح انك تشتغل مديكل اشتغل وجرب .. لو حابب الصيدلية انزل جرب ؟ متخليش حد يقولك تشتغل ايه شوف انت حابب ايه واشتغله ✋✋✋
علم الامراض اسمه باثولوجي
ايوا
ههههه والله طبيعين بس معلش الاقسام هتفرق معايا جدا او على الاقل قولى علم الامراض تبع قسم ايه وشكرا
صحة عامة ده بابلك "ميكرو " تصميم ادوية "مديسنال " كلينكال (بيو) الاسعافات والمقرر الاختيارى فارما ادارة الاعمال والتسويق الدوائي دي هيبقي ناس من تجارة وحقوق اللي بيدرسوهم لينا المواد الغذائية اظن بيو علم الامراض ( الفسيولوجي ) دكاترة من طب
أنا مسألتش ع الأسك ده قبل كده بس ربى يعلم كم الاستفادة اللى استفدتها منكم
ربنا يكرمكم فرد فرد و يجازيكم كل الخير و تشوفوا كل أحلامكم لمستقبلكم واقع 💙
بس أمانة عليكم يعنى ياريت بعد ما نتخرج يفضل موجود عشان ده اثبات اننا كنا هنا
والله كلامكم مبهج بطريقة غريبة والله العظيم ربنا يفرحكم يارب 💙🌸 اكيد هيبقي ربنا عالم احنا استحملنا ايه علشان يفضل مفتوح وبامر الله يفضل 🌸
انا يمكن مسالتش على اسك دا من يوم مااتعمل غير مرة او اتنين بس بجد الواحد بيشوف تعاملكم مع الناس فعز ايام الامتحانات والشد والله بيدعيلكم ربنا يكرمكم يارب ويجازيكم خير على تعبكم ومتزعلوش من الناس ال بتتكلم باسلوب مش كويس دى ربنا يهديهم بجد لان انتو مش مجبرين تساعدو باى حاجة خالص
الله يباركلك يارب والله العظيم كلامكم ده كتير علينا والله ربنا يوفقنا ويعدي الترم الباقي علي خير 🌸
اولا صباح الخير و السعادة عليكم يارب ثانيا مليون شكرا على كل لحظه من وقتكوا و مجهودكوا و مساعدتكم اللى بتطمن فى اوقات ضغط و تعب اصعاب كتيره جدا بتعدى علينا ربنا يبارك فيكم و يوفقكم دايما و يكتب ليكم كل خير
صباح الفل😍😍😍 والله شكرا ليكم انتم علي كل الملام الحلو ده🌸
بصوا هو ف كل زنقة امتحان و اسالكوا ع حاجه مش فهماها و بفهمها من شرحكوا الممتاز او بدور ع حاجه و بلاقيها هنا بدعيلكو جداا يعني ربنا يوفقكم دايما
والله كفاية عليا الدعوة دي وربنا يجعلنا عند حسن ظنكم ويجعل اعمل ده خالص لله 💙
أنا مش شايف حد باعت يقولكم شكرا ولا حد كتب ليكم علي جروب الدفعة بشكر مع كل المجهود الجبار اللي عملتوه وبتعملوه معانا فشكرا ليكم ومهما قولنا مش هنوفيكم حقكم ربنا يوفقكم وينورلكم طريقكم
واحنا مش محتاجين شكرا والله 💙💙 احنا محتاجين دعوة بس بصلاح الحال 🌸 ربنا يكرمك علي شعورك الحلو ده واحنا معملناش حاجة🌸