دى ارهان الخامسة .. طيب البارت السابع للدكتورة ماريز ال هو قبل الاخير ف الكوسموتيك ؟؟ ملوش تسجيل هو وال aersol وهل ممكن اذاكرهم من ف غير تسجيل
انا بازاكر من غير تسجيلات عادى ^^ ممكن تلاقيهم تحت في التسجيلات
طيب ممكن تفولولي ادخل صيدله ازاي
انا ثانويه عامه علمي علوم
بس.مبدأتش مم الاول اوي بسسبب شويه.بدات بدات من حوالي شهر
وحاسه اني مش بنجز
تنصحوني باي
بصى انا هاقولك زى ما بقول لاخواتى الصغارين ^^ بصي يا دكتورتنا المستقبلية 😉 مش هاقولك زاكرى علشان تستريح والكلام ده لانه مش حقيقي ^^ زاكرى علشان تحققي جزء كبير من حلمك وتخدى شوط جامد اتجاهه ^^ احنا لسه في 1 وامتحانك في 6 يعنى لو ركزتى هتدخلى اللى انتر بتتمنيه واكتر كمان وتجيبى مجموع يرضيكى وبعدها تدخلى الكلية اللى بتتمنيها 👍 بصي امسكى ورقة وقلم واحسبى كل يوم بتروحى دروس اد ايه وشيلى كمان كام ساعة اكل ونوم 6 ساعات مثلا والباقي كله مزاكرة تمام ..بلاش فيس ولا اسك ^^ معلش تعالى على نفسك شوية واتعبى والمواقع دى هتبقي موجودة والله وانك تقعدى عليه هتقعد وهتفتحى كتير بس مش دلوقتى اعتبرى ان الخمس شهور دول هما الفرصة اللى هتخليكى توصلى لفرحة يمكن هتكون المرة اللى هتبكى من الفرحة لاول مرة فيها وهى فرحتك بتنيجة مزاكرتك وعملك بقا ^^ اكتبى ورقة كبيرة واكتبى عليها د/اسمك ودايما كل اما تلاقي نفسك ضعفتى او زهقتى بصي للورقة واسعى ✋ والله المستعان ربنايوفقك ويرزقك اللى بتتمنيه واحسن 😊
انا مش جايلي نفس للمذاكره وحاسه بوحده رهيبه من بعد امتحان انبارح وعماله اعيط ومعش عندي ضقه في مذكرتي
تنصحوني بايه علشان انا اتخنقت
بصي يا دكتورة بعد تفكير عميق في امبارح والامتحان وبعد حزن كبير ويوم مش كويس بكل المعنى الكلمة للاسف .. كان لازم نسال نفسنا سؤال واحد بس انا قصرت في مزاكرتى او معملتش اللى عليا ؟ بنسبة كبيرة اوى لا !! ..ايوه لا زاكرت وعملت اللى عليا بس ربنا مقدرش بقا هنعمل ايه ؟ الزعل هيفضل يخيم علينا لغاية ما اضيع المادة الجاية كمان ويبقي الزعل الضعف !! مبقولش منزعلش والله بس انا عن نفسي قررت انى اقول لنفسي وقفى الزاكرة لغاية يوم امبارح وحاولى تتناسيه بس لغاية ما نعدى المادتين الباقين لانك مش عندك استعداد تضيعي فيهم اى حاجة وبعدهم ابقي اعملى اللى تعمليه ان شاء الله تفضلى تعيطى او تخرجى اللى مزعلك كله بس الاهم انك تثبتى وتفكرى في اللى جاى بجد وكمان تفضلى تفكرى في اهلك اللى ما زالوا محتاجين يشوفوكى بخير مش ضعيفة وكمان محتاجين يشوفوكى قادرة تكملى اعمل كده علشان اهلك وعلشان حلمك اللى مهما وقعتى وحسيتى ان الدنيا خلاص قوم تانى وكملى واوعى تستسلمى ✋✋ وافتكرى اللى قاله الرسول .. ((ان اجتمعوا ان يضروك بشيء لن ينفعوك الا بشيء قد كتبه الله عليك .رفعت الاقلام وجفت الصحف )) خلاص بلاش نتكلم في الامتحان ده ولو سمحت ابدا زاكرى واعمل اللى عليكى وادعى واتوسلى لربنا يوفقنا ومتنسناش من دعواتك ^^