اجتماااعية الحمدلله 🙈❤️ أحب الناس والاختلاط فيهم، ومو من الناس اللي تعرف تقعد وحيدة! مع أني أحس أحتاج كثير أقعد مع نفسي؛ بس ما حصل 🚶🏻💔 وأكره البيت 😁 وما أعرف أقعد يومين متواصلة فيه 😁 إذا ما طلعت الله يعين اللي قدامي 🙆🏽 عشان كذا أحب أيام الدوام والدراسة! أطلع أشوف الحياة والناس 😁💔
ما في شيء محدد.. أدخل اللي أحبه واللي ما أحبه! لكن كل شيء يتغير :$ بس ما أحب دبنهامز ولا ماركس وسبنسر ولا H&M، لأنهم كباااااااار ومتشعبييييين وأحس أني أتشتت فيهم ولا أعرف أدور 😅
الحين جامعه الملك سعود .. بعد ماتخصص ياخذون معدل التحضيري بس ؟ ولا ياخذونها مع الموزونة ؟،،
ياخذون معدل التحضيري فقط عشان التخصص بعدين مثلًا لو دخلت إدارة، تدرسين إعداد عام سنة.. ياخذون معدل الإعداد العام + التحضيرية عشان التخصص 😁 يعني معدل التحضيرية مستمر معك الى التخرج
السلام عليكم .. انا قبلوني سعود كليات انسانية .. وانا ابغى احول بعد التحضيري للكليات العلمية .. كم لازم اجيب ؟ وكم ترم الكليات الانسانية ؟ فصليين دراسيين ولا فصل واحد بس ؟؟
وعليكم السلام ورحمة الله وبركاته أول ما يبدأ الترم اسأل القبول والتسجيل في التحضيرية عن المعدل المطلوب منك تجيبه في الترم الأول؛ عشان يحولونك الترم الثاني .. وكل التحضيرية في سعود تدرسها في فصلين مو واحد، لكن بإمكانك إذا جبت المعدل المطلوب تحول بعد الترم الأول، وإن شاء الله ما يضيع من سنواتك الدراسية شيء .. الله يوفقك
برأيك هل اللي يبغى نظم معلومات ادارية لازم يكون عنده خلفية بالبرمجة والتصميم والتحليل وعموماً التقنية ؟
الحاسب ما يتطلّب هالشيء قبل تدخلينه، لأنك راح تتعلمينه حبة حبة إن شاء الله! 😁 فما بالك بالـ MIS، اللي أصلًا مو شغلتنا برمجة ولا نبرمج ؟ 😁 حنا محللين أكثر شيء.. وبرضو ما يحتاج يكون عندك خلفية، بتتعلمينه إن شاء الله في الدراسة 👌🏽 حلو تكونين بشكل عام مطلعة على آخر التقنيات، ايش اللي تطور وايش طلع جديد .. لكن مو ضروري أبدًا 💁🏽
وش تنصيحيني بجامعة كطالبة تبغى تدرس إدارة ويهمها المادة العلمية وقوة التدريس في المرتبة الأولى وقوة الشهادة في المرتبة الثانية؟ ويهمها تطلع من الجامعة وهي كويسة ومتمكنة جدًا من التخصص
أهنّيكِ ما شاء الله؛ لأنك من الناس القلة اللي قابلتها وقالت لي: أبي جامعة قوية، وأستفيد منها 👌🏽 أهنيك لأنك ما صرتِ من الناس اللي تقول: طيب دراسة سعود "يقولون" صعبة 😢 الله يوفقك لكل خير، وييسر لك أمورك ❤️ بالنسبة لسؤالكِ .. يا عمري أنا حالي حالكِ طالبة جامعية.. الفرص اللي كانت متاحة أمامي هي جامعات الرياض! فضّلت منها (سعود وَ سلطان) لأنهم مُصنفين من الجامعات القوية في السعودية (ولا ننسى جامعة البترول طبعًا 😁) وهذا على حدّ علمي القاصر 🙏🏽 ما اطلعت على خطة أيّ جامعة أخرى، ولا شفت الأساليب التعليمية المتبعة لأي منهم.. لكن هذا المُتعارف عليه ❤️ لذلك إن كنتِ من سكان الرياض، أقول لك: سعود أو سلطان! كلية الإدارة في سعود قاعدة تشتغل الآن على الحصول على الاعتمادات الأكاديمية .. العام حصل قسم الإدارة عليه، وقبل يومين يمكن حصل قسم الاقتصاد ما شاء الله 🙏🏽 والعاقبة للبقية بإذن الله ❤️ هذا الشيء يشهد للجامعة أكيد؛ لأن هذي الاعتمادات ما تجي بسهولة أبدًا ❤️ والله ييسر لك وينول لك ما تتمنين ❤️