ولله الحمد تخصصت نظم معلومات إدارية هذا الترم
وش تنصحين بمادة إختيارية من خارج القسم
المهارات الإدارية ٣٣٠ ادا
إدارة الاعمال الدولية ٣٠٢ ادا
ادارة الموارد البشرية ١٠٢ ادا
ما شاء الله، ع البركة .. والله يوفقك ويسهل أمركِ أنا أخذت كل هالثلاث 😁 فبقول لكِ تجربتي .. موارد بشرية، مع أ.مي اليحيى.. ممتعة وحلوة ومرة مفييييييدة 👌🏽 بس لازم تركزين معها وتكتبين كل شيء تقوله لأنها تجيب من شرحها + أسئلتها بالفهم.. وتجيبين أ+ وفي أ.منى العتيبي.. أستاذة تجنن تجنن الله يذكرها بالخير، ما أخذت معها الموارد، أخذت معها مادة إجبارية، بس هي من الأستاذات اللي شهادتي فيهم مجروحة من جميع النواحي.. تعامل وأخلاق وشرح ❤️ __ إدارة دولية، أخذتها مع أ.ريما بن سعيد.. الله يذكرها بالخير حبيبة ولطيفة وتجنن، ومتعاونة والمادة حلوة مرة معها 👌🏽 __ المهارات الإدارية، صراحة المادة كأنها دورة تطوير ذات 😁 بس نسخة دسمة 🙄 أخذتها مع دكتورة، كانت روعة الدكتورة.. بس يعني أحس المادة مو ممتعة في المذاكرة 😅 أحسها متعبة شوي 🙈
حبيبتي كم سنة ادارة الاعمال مع السنة التحضيرية وترم التدريب؟
جاوبت تحت عليه كم مرة 😁 إجمالي الدراسة في كلية إدارة الأعمال / جامعة الملك سعود هو ٩ مستويات = ٤ سنوات ونص، شاملة: - سنة تحضيرية - ٣ سنوات دراسة - ترم تدريب (٣شهور كاملة تدريب، تكملين فيها ٥٠٠ ساعة)
اقدر احول من تخصص في كلية علمية الى تخصص في كلية انسانية (لغات و ترجمة) ؟ يعني نفرض اذا انا درست تحضيري كليات علمية و تخصصت بادارة مثلا ، هل اقدر احول من الادارة الى لغات ورترجمة ؟؟
امانه ردي بسرعة ):
دليل الطالب اللي بتنزل فيه اسئلة الانجلش اللي بينزلونه في العمادة مادري الخ .. فيه وحده سألت عن كيفية المذاكرة للانجليزي و قلتي لها كذا ، معليش عالكلام المو مفهوم ):
إي تذكرت.. الكلام اللي كنت ناسخته من أختي .. شكرًا، الله يجزاكم خير جميعًا للمساعدة ❤️
صباح الخير أروى اعتبريني اختك الصغيرة وقدمي لي نصيحة انا بالامام اداري لسا تحضيري كان ودي بسعود مره بس الحمدلله على كل حال المشكلة اني كارهه جامعتي الآن ودي انقل منها بأي وسيلة تعرفين كيف انقل لسعود ؟ 😢 ساعديني الله يوفقك 😢❤️ نفسيتي دمار واحس مو متقبلة اي شيء خايفة مره مو راضية اقتنع 😭💔
مساء الورد 🌸 لأنك زي أختي بقول لك: حتى لو كنتِ مو متقبلة المكان، لازم تركزين على دراستكِ وتحرصين تجيبين معدّل كويّس! لأنّ لو ما جبتِ بأول سنتين معدّلات زينة، بصعوبة بترفعين معدلك بعدين.. وهالشيء من تجربة! أول ما خلصت تحضيري، نفسيتي كانت دمار ولا تقبّلت التغيّر بسهولة أبدًا؛ وهالشيء أثّر على دراستي ومعدّلي نزل كثير 💔 وبعدين تعبت مرّة معاه عشان أرفعه لو شيء بسيط! : / بالنسبة للتحويل، ما عندي خلفية ولا خبرة بهالشيء، بس ممكن تراجعين عمادة القبول والتسجيل في جامعة الملك سعود، وتشوفين إذا تقدرين تحولين، وايش شروط التحويل! وركزي على دراستك ومعدلك، يمكن تكون من ضمن شروط التحويل معدّل معيّن .. وإذا ما تيسّر التحويل تأكدي أنها الأفضل والأخير لكِ جامعة الإمام، ولا تتضايقين من هالشيء أبد .. موفّقة 🌷