على العموم شكراً لك ولرأيك وبإذن الله تتعدل الأوضاع ، وإن شاء الله يكون خير . شكراً لك أروى مرة ثانية. * ديما
ممتنّة جدًا لكِ ولأرامكو اللي تسعى للتطوير والتغيير إلى الأفضل دائمًا :") شكرًا لك ( )
بالصدفة دخلت حسابك هنا وقعدت أقرأ وشفت كلامك عن متطوعات إثراء المعرفة ، وثقي إن شاء الله أني راح أوصل وجهة نظرك والمواقف اللي مريتي فيها وبنحطها في الأعتبار () لأني من ضمن فريق العمل ، بس عندي إستفسار هل المواقف صدرت من بنات عليهم بطاقة متطوعات وإلا بطاقة موظفات؟ لأن البنات في الملتقى مختلفة أدوراه
أهلًا وسهلًا .. حيّاك الله ( ) ٢ منهم مع خالاتي وما شفتهم :$ ووحدة كانت واقفة عند البيت الزجاجي D: هذي اللي شفتها، ولا انتبهت للكارد صراحة :$
أروى أنا اللي قد قلت لك اختي وش بتلبس إذا راحت أمريكا، ذكرتِ؟ المهم اقول لأختي عنك وصارت تعرفك.. معك في نفس الجامعة ونفس القسم وكبرك بعد، وانتِ بعد تعرفينها :$ صدمة عمري واللهِ :p
أكيد أذكركِ :$ حيّاكِ ربّي في كلّ وقت ( ) أممممما ❤️❤️❤️ تكفين مين تحمست أعرف :$
أقوم الصباح أستعدّ للدوام أرجع من الجامعة منهدّ حيلي .. أنام :$ أقوم ، أحيانًا ماما تتقهوى المغرب، أتقهوى معها! وإذا ما تقهوت قعدت شويّ معها كانها مو مشغولة :$ بعدين أخلّص أشغالي .. إذا خلصت غالبًا تصير الساعة ١١ أو ١٢ .. أنام D:
من صغري .. أيّ شيء أشوفه في التليفزيون أو أسمع عنه لو من سواليف الناس، إذا خليت بنفسي أعيّش نفسي جوّ أنّي فيه :$ لكنّ اللي صدق ودّي أعيشه .. عالم : هاري بوتر : ( مرة أتمنّى أعيشه : (
السلام عليكم كيفكك ارووى احب حسابكك مرره ماشاءالله انسانه طمووحه
وش القسسم اللي تدرسينهاا
ابغى اعرف لييه فترة سافرتي برا
كان دوورة لغه ولا وش بضبظ لذا سمحتي ؟
وعليكم السلام ورحمة الله وبركاته سعيدة فيكم جدًا ( ) وأنا أحبّ وجود الجميع في أيّ حساب من حساباتي :$ ويسعدني جدًا تفاعلكم معي ❤️ بالنّسبة لدراستي .. أزعجتكم بقسمي هنا وفي انستقرام : ( أدرس ( نظم معلومات إدارية ) في جامعة الملك سعود :$ وبالنسبة لذهابي للخارج، سَبَقْ وأجبت أنّي كنت مرافق فقط مع زوجي :")
السلام عليكم،بما أنك تدرسين في الخارج هل الدراسة صعبة جداً كما نسمع؟
مين قال أدرس في الخارج ؟ o.0" رحت مرافق ٤ شهور ورجعت :$ والا دراستي هنا في جامعة الملك سعود D: لكنّ بشكل عام، معروف عند الغرب جديّتهم في العلم والتعلّم وما في لعب هناك أبدًا! هذا لا يعني أنّ أساتذتنا في الجامعة مقصرين، أبدًا الله يجزاهم خير، لكنّ الطلاب عندنا متعودين ع الدلع : ) وما يحبون الشغل ولا الدراسة : ) لكنّ إذا راحوا هناك، سبحان الله هم أحسن ناس في التعليم -.-" صحيح في تكنيكس مختلفة ومتطورة أكثر يشتغلون عليها الأجانب، لكن لو طُبِّقت هنا طلابنا بيقوموم الدنيا ويسبون في الأستاذ : ) نبي الدرجات وحنا مرتاحين P:
في جامععتي ناوين يفتحوا تعليم عن بعد يعني من غير ما أسافر الجامعة تعملي قبول في جامعة أمريكية وأنا أحضر الماجستير من بلدي والدكتور يتابعني وأحصل على الشهادة حبيت الموضوع لإن لأس تطيع السفر نهائيا بالرغم أنني الأولى على الدفعة لكن أنا متخوفة جداً لأنني أعتقد أن الموضوع صعب جداً تخصصي مختبرات ؟رأيك ؟
أعرف ناس درسوا عن بُعد ماجستير، ما ترقّوا في وظايفهم، ولا أُخذت شهادتهم بعين الاعتبار.. يمكن بس زيادة خفيفة في الراتب أفضّل الدراسة بانتظام في الجامعة صراحةً على الانتساب أو عن بُعد .. وأهم شيء أنتِ ورغبتكِ، استخيري والله يكتب لك الخيرة والتوفيق وين ما رحتِ :")
وش تنصحيني أنزل مادة اختيارية : إدارة استراتيجية او تسويق الكتروني ؟؟؟
مم حسب ايش يهمّك ! عن نفسي ولأنّي عَ الخطة الجديدة.. الإدارة الاستراتيجية أخذتها مادّة أساسيّة مو اختياريّة، درستها مع أ. منى العتيبي الله يذكرها بالخير .. تجنّن ، تجنّن ، تجنّن من جميع النواحي ما شاء الله ( ) التسويق الالكتروني برضو مادّة أساسيّة، وباخذها هالترم إن شاء الله .. كل المادّتين أحسّهم مهمّات لنا كطالبات MIS ، وإذا أنتِ مو MIS أتوقع الأهم الإدارة الاستراتيجية
هذي اول سنه لي بالجامعه طبعا ماعندي صديقات بنفس القسم اللي انا فيه ودي ياعمري تقولين نصيحتك لي وكذا ❤❤
* شايله همه *
١. إذا أحد ذمّ أستاذة، لا تاخذين بكلامه D: هي ذمّتها ممكن بسبب موقف صار بينها وبين الأستاذة، يمكن أنتِ تحبّينها :$ يعني.. لا تحكمين عن الأستاذات من كلام الناس، خلّي لك حكمكِ الخاصّ :") ونفس الشيء عَ الموادّ __ ٢. بالنّسبة للصداقات، ما أقدر أقوللكِ إلا : الدّعاء، ثمّ الدّعاء :") ادعي أنّ ربي يسخِّر لك اللي يعينكِ دنيـا ودين :* __ ٣. لو صار في بحث أو مشروع وعمل جماعي، وشفتِ ناس مقصرة معك في القروب ولا تشتغل، عطي الأستاذة خبر بهالشيء .. ^ هذا في التحضيرية بعد التحضيرية، بعضهم يخلونا نقيم أعضاء المجموعة معنا، وأداءهم وعملهم وهل أدوها زين أو لا، اكتبي رأيك بصراحة
اروى تكفين اسألي اذا احد يعرب سواق يوصل من غرب الرياض الى جامعة سعود بعليشه
طرحت سؤالك في الانستقرام، مرّي عَ التعليقات بعدين وشوفي :$ + شركة العاديات وغيرها .. ما ينفعون ؟ :$
وشو الهابي ديز تسعين؟؟؟؟؟؟؟
في انستقرام، تحدي أنّي أكون سعيدة ١٠٠ يوم متواصلة الحكمة من التحدي، أني أفرح وأسعد بالأشياء الصغيرة :$
اروى بما انك وصلتي في الهابي ديز التسعين لازم تكون صورتين موب صوره يعني مثلا يوم تسعين تكون صورتين واحد وتسعين صورتين و هكذا مستانسين بالهابي ديز :"( ما اتمناه يخلص
هههههههههههههههههههههههههههه، يا زينكِ :$ اقتراح مُش بطّال واللهِ P: أنا جازت لي صراحةً فكرة التحدّي، وشكلي بدوّر على تحدّي ثاني .. بس يا ربّ مو ١٠٠ يوم : ( يوهّق شوي P: __ وَ .. أنا تعوّدت أنّي يوميًا أنزّل شيء ! لااااااازم أنزّل! لذلك، ممكن أكمل زيادة أيام من عندي P: شكرًا لوجودك .. وشكرًا لأنٌك أسعدتيني بكلامكِ :$