ممكن تكتبيلي اسماء قنوات تركيه انا ما اعرف بس kanal d??
يعني القنوات التركية وايد بس مثلا اقوى شي للمسلسلات Star tv Show tv Fox tr Atv Kanal D TV8بعدين عندج مثلا 24 قناة للاخبار والله قنواتهم وايد وايد اللي كتبتهم حيل مشهورين بالمسلسلات
ليش ممنوع بتركيا يمثل الممثل في اكثر من مسلسل واحد؟
لان الممثل يصور نفس المسلسل طول الاسبوع اهما يصورون ويعرضون يعني مثلا احنا بدينا نصور الحلقة الثالثه مثلا يوم الاحد نكمل نصورها الاثنين والثلاثا والاربعا والخميس وقولي مثلا الجمعه فريق المونتاج يضبطها ويسنعونها ويعرضونها السبت مثلا لكن يوم الجمعه والسبت مو اجازه الممثلين يبدون يصورون مثلا الرابعه فاهما مشغولين 24ساعه يعني لو يقوب المخرج للممثل تعال لي الساعه 2 الفجر الممثل لازم يكون فاضي له عشان جذي اغلبهم ما يصورون افلام وقت عرض مسلسلاتهم اللي لهم دور قوي فيه اذكر توفانا اخذت اذن المخرج عشان يوافق انها تصور فلم والمخرج وافق بشرط تعطي الاولويه لكارا بارا عشان جذي عطاها اسبوعين يعني حلقتين ما طلعت لنا كانت تصور فلمها بس قال لها بس اسبوعين وصج الاسبوع الثالث ردت بكارا بارااتمنى تكون وصلت الفكره