شوفي اسهل طريقة ربط الاشياء ببعضها وماله داعي التعقيد يعني مو غصب تتعلمين كلمات طويله بالعكس الكلمات الصغيره تفيد اكثر ولا تتوقعين من نفسج بيوم وليله تتكلمين بطلاقه برايي حطي نفسج طفل توه بيتعلم فالبدايه برايي اشياظ بسيطه مثل الارقام الايام الاشهر الالوان الاحرف الشغلات او المحادثات اليوميه اصلا قام تتعلمينهم من المسلسلات فلا تركزين وايد عليهم بعد هلمرحله دخلي شوي على شغلات اعمق بس ما تطري بالبال مثل اسامي الحيوانات اغراض المطبخ اسماء السيارات البيوت اي شي يعني اشياء بالحياه اليوميه وانصح انج تشوفين مسلسل واحد عل الاقل يوميا خلج مع ترجمه افضل وسمعي اغاني مثلا مترجمه اذا تقدرين سمعي راديو او اقري شغلات سواء بانستا او تمبلر وشوفي فيديوهات باليوتيوب راح تلقين الاتراك على طبيعتهم افضل لج بالبدايه مراح تفهمين شي لكن ما عليه اهم شي تحطين نفسج بالجو لازم اللغه تسمعينها تشوفينها وتقرينها نصيحه صغيره اخذي دفتر نوت صغير سجلي فيه كل كلمه تتعلمينها سجلي الكلمة ومعناها طريقة النطق مو لازم لان اساسا قبل كل شي لازم تعرفين النطق لكل الاحرف وهذا الدفتر مثلا انتي بالسياره اقري شوي وكل يوم اقريه لدرجه راح تملين من الكلمات بجذي راح تحفظينهم معلومه الانسان لازم تمر عليه الكلمة خمس مرات على الاقل باوقات وطرق مختلفه وبايام مختلفه عشان تثبت بمخه 👌🏼ان شاءالله فدتج بشي💙
الممثلين الاتراك عموما ما عندهم سناب او عندهم بس برايفت هبه سناب جات ما وصلت لهم عدل اللي عندهم فقط بعض الممثلين الشباب وشويه من الكبار يعني سيرناي شاتاي ما عندهم
والله بكل الاعلانات اللي طلعت ( من كثرهم عاد كلهم اثنين😂💔) المهم كاتبين ايلول اللي اهو الشهر الياي يعني بعد اسبوع الشهر الياي فتوقعي والله اعلم ان حيل قريب لان نزلو اعلان ثاني برايي يا اسبوعين او ثلاثه بالكثير👏🏼
تابعت حب للإيجار عجيب بس أبيج ترشحيلي واحد من هالأثنين علاقات معقدة أو الأزهار الحزينة ماقدر اتابع أكثر من مسلسلين :$ ومشكوره
صعبه والله في فرق كبير بينهم بس من ناحيه الاقوى الازهار يمكن اقوى نزلي شوي تحت قبل شوي رديت على وحده بالتفصيل رايي فيهم شوفي الازهار دراما حيل وحزن اما علاقات العكس تماما كوميدي ورومانسي
الله يسلمج يارب 💗💗سامحوني ادري وايد اسئلتكم بس الواحد واهوا مسافر يالله يشوف تليفونه 😂😸 فالحين بالسياره قام استغل الوقت ارد عليكم 👏🏼بحاول قد ما اقدر كل يوم بالسياره ارد بما ان المشاوير طويله هني بامريكا 😸💙