لجين قلبي ..رأيك بقسم ادارة أعمال للبنت ؟له مستقبل أو لا ؟
لحظه أنتي وش ميولك؟ وش هدفك بالحياة لما تدخلين تخصص معين، وش بتحققين من وراه؟ تحسين انك بتبدعين وبتطلعين بشي جديد بالتخصص ويكون بك بصمتك الخاصه فيه؟ نصيحتي هي انك لازم تعيشين التخصص بحياتك عشان تتمكنين منه او يكون هو حياتك عشان تبدعين فيه..وبخصوص له مستقبل او لا، هي مسألة توافيق من ربي، ياما و ياما ناس افضل التخصصات وماتوظفوا وناس اقل التخصصات ومتوظفين. إنتي أحسني نيتك باللي تدرسينه وتوكلي على الله. وأدخلي اللي تحبينه ومايهمّك احد.❤️
اول مادخلت الجامعة لغتي عاديه مرره، بس أفهم وش يقولون وأعرف أرد إذا كان رد بسيط، بس إذا طويل لازم يصير فيه تكسير واضحك لأنه شوي خرابيط بس يوصل وش اللي ابي اقوله-هذا بالبدايه- بس الحين الجامعة مشتغله علينا بشكل قوي بهاللغه يعني الحين متعدله مررررره مررره وبشكل ملحوظ وأفهم أكثر وأكثر وحتى النطق. يارب لك الحمد
لجين الله يعافيك الحين انتي وش نظامك بالجامعة ؟متى تطلعني من بيتكم؟ومتى ترجعين له؟ولا جالسه عند قرا يبك بالرياض؟
هالاسبوع ماعندي الا محاضرة وحده اروح واجي. اطلع خمس وربع او خمس ونص واوصل ٦ و٤٠ دقيقه او اقل. واطلع ١٢ ونص واوصل 2 انتي بالدلم يعني وتبين تشوفين المسافه ولا شلون؟ مدري شهالإصرار مليون الف سؤال عن روحتي ورجعتي o_o