@Lujain234

Lujain Alamer.

Ask me anything Follow
Ask @Lujain234

Sort by:

LatestTop

Previous

طيب الحين ي لجين انا دخلت نوره ومعدلي ٤ ونص مثلا ونسبتي الموزونة ٩٠ شلون ادخل التخصص كم يأخذون من ال٢ 😩💔

مايشوفون نسبتك الموزونة الا اذا تساويتي اتوقع انتِ وطالبة
شرايك ترسلين رقمك او اي شي اقدر اتواصل معك فيه غير هنا، ممكن انتِ فاهمه كلامي غلط🏃

انا طول حياتي احلم بالمسار الصحي وخاصة طب بشري بس من كلامك إنّو صعب وفيها ظلم خلاني أتردد وبعد الحرس الوطني بالقبول اليوم ٢ * تمريض لحاله والعلوم التطبيقيه لحالها * ذَا الشيء خلاني اتلخبط واتردد 😭💔

اصلاً شلون فكرتي بالطب البشري وانتِ ماحطيتي ببالك انه صعب! 😦
التخصصات الصحية بشكل عام تحتاج جُهد مضاعف، واقري عنهم بعد.
والحرس مو سهله بعد، كل مكان فيه صعوبته، لازم تحددين انتِ وش بالضبط من البداية
بتقدرين تتحملين ؟ولا انتِ تبين كل شي سهل ؟
وكل تخصص فيه صعوبته بغض النظر عن الصحي يعني.
بس انا انصدمت صراحة انك بتقدمين على صحي وخايفه عشانه صعب ، المفروض ماتفكرين فيه من الأساس، لأن شي معروف انه فيه صعوبته.
بس إذا انتِ تشوفين نفسك شاطرة وبتقدرين تتحملين ومركبتك عاليه بالعكس هذا مكانك! قدّمي وتوكّلي ❤️

ونوره المسار الصحي شلون تأخذ النسبه الموزونة ؟! كم تأخذ منها ؟!!

30 مدرسة وقدرات
40 تحصيلي

Related users

kalena1999’s Profile Photo كالينا
enas234’s Profile Photo EN.
Mod
Geed507’s Profile Photo Gh.
missnosah’s Profile Photo may
a1s2e3’s Profile Photo Dr.Aseel A. Almandeel LAS
maramalaklapi’s Profile Photo Maram.
likemarah4’s Profile Photo حط لايك ويجيك دبل *موزع هدايا*
يُتم

وكمان ودي بسعود بس قالو كلها واسطات وظلم ضعت ما اعرف ايش اختار 😭💔💔

الواسطات بكللللللل مكان، وماعليك اصلاً. ربي مراح يضيعك لو انتِ مشتغلة على نفسك
لكل مجتهد نصيب.

و كمان خفت من الانقلش انا موب مرهه فيه 😭💔💔

الإنقلش مب عائق أبدًا. والله فيه بنات مايعرفون شي بالبداية بس قدروا يمشون ومعدلاتهم مرررررة عالية، مُجتهدات 🙌❤️

انا أبغى صحي واليوم فتح القبول وحطيت نوره ثاني رغبه بس من كلامك ترددت وخفت مدري أغير واحط سعود أول 😭😭💔

وش اللي خوفك بالضبط؟
انتِ تبين صحي أكيد ومستعدة تتحملين ضغط!
لا تدورين السهل لأن اصلاً ماهو سهل، والسنوات بتبدأ تصعب، خلّيك قدها 💪
وقولي لي وش اللي خلّاك تترددين وانتِ وش تبين من أول

لجين الزينه بأستشيرك ...أنا احتمال أسافر برا السعوديه بس خايفة مع انه معي أخوي وزوجته ابي نصيحتك؟ وألي أشيل الخوف اللي بقلبي كيف؟

أنا لو أنقبلت هناك بالتخصص اللي ابيه بأروح وانا مغمضة 😂❤️ ومعي اخوي بعد
شوفي الغربة شينة صراحةً 🏃 بس في سبيل مستقبلك وكلها كم سنة وترجعين تهووون مره
انا ماأحب التحسّف ابدًا فإذا رفضتي الحين عشانك خايفة بتتحسفييين مرة مرة وبتكرهين نفسك 🏃
كلها كم شهر وتتعودين، واصلاً بتنشغلين بدراستك بعد، واتوقع كل الدول برا أول سنة تاخذين لغتهم لازم.
أستخيري قبل كل شي، وإذا اخوك مُصرّ عليك اطلعي واستخيري قبل 😍

انا مسجله بالتامينات الاجتماعيه هاذا ياثر على راتب الجامعه ؟

ماعندي أي فكرة والله، بس ماظنيت يأثر

لججججين ردي ربي يوفقك ايش تخصصات نوره الصحي قريت ما لقيت الا تخصصات قليله وخايسه قوليلي ما دامك فيها ايش التخصصات انتظرك ي ليتك تردي وبعد مين اسهل نوره ولا سعود امانه لجين ردي 😭😭😭💔💔

تخصصات نورة:
طب بشري
طب اسنان
صيدلة
اشعة تشخيصية
اشعة فوق صوتية
علاج وظيفي
علاج طبيعي
السمع والتوازن
أمراض التخاطب والبلع
التثقيف الصحي
الوبائيات
التغذية الإكلينيكة
ووالله ماأدري وش أسهل، يقولون بسعود اول ترم تجيبين معدل عالي بالراحة والترم الثاني تنضغطين شوي
عندنا بنورة كل الترمين فيها ضغط بس يمديك تجيبين معدل حلو، أهم شي لا تراكمين شي عليك.
انتِ استخييييري أهم شي
واقري الردود اللي كتبتها تحت.
والله يكتب لك الخير ويرضيك فيه ❤️

لجين مِن كلامك خلتيني جدا اخاف من الصحي 💔

والله ماأخوفك أبدًا، اذا لك رغبة قوية فيه وتحسين نفسك بتقدرين عليه إدخلي ☝️❤️
بس ماأبيك بنص السنة يضيق صدرك وتتحسفين انك دخلتيه ولك رغبة ثانيه بتخصص ثاني
الناس المجتهدة ربي مب مضيع لها تعب 🙌
والمواد فيه اشياء سهله واشياء صعبة، ومع تنظيم الوقت وتدرسين كويس وماتراكمين عليك شي بيسهل والله.
وأغلبه ترى أساسيات مافيه شي يخوف 🙌

مرررة شكرا 😢😢💓💓 كان فيني خوف مو طبيعي💔 الله يسعدك يا رب 😢😢💓💓💓

MahaAbdulmohsen’s Profile PhotoQueen
ياحللوك ماسويت شي ❤️، وإذا عندك اي استفسار تعالي 🙌❤️
ويسعدك ويوفقققك.
1
Liked by: Queen

اللي تبي جامعة سعود ومركبتها فالثمانين يعني اذا انتي ودك طب بشري او اسنان ماانصحك صراحه لان فطريقة التخصص ياخذون 50%من المعدل 50%من المركبة وان قبلتك سعود بتصيرين انتي فالاقل يعني وانا اعرف بنات جايبين معدلاتهم فالتسعين بس ما انقبلو لان مركباتهم كانت 86او87وهكذا الاولوية للي فالتسعين عاد استخيري قبل

atheer_188’s Profile PhotoAtheer.
ايه صح!
يعني مثلاً وحدة المركبة حقتها 87 او بالثمانين يعني ومعدلها 4.9 مادخلت بشري -أعرف وحدة-
عشانهم ياخذون 50 بالميه للمعدل و50 للمركبة زي ماقالت أثير.
يعني اللي مركبتها 90 وفوق هي اللي بتضمن تقريبًا. ويختلف حسب شطارة الدفعة 🙌❤️
أستخيروا قبل كل شي.
وهذي طريقة قبولهم.

آسفه لجين بس آخر شيء ابغى اقوله: الأغلبيه يقولون الطب في جامعة نوره ماله مستقبل، كيف حكموا؟ و ايش الدليل؟ طالما انو الجامعة معتمده من وزاة التعليم و فوق كذا لسى اول دفعه بالطب ما تخرجوا؟ .. استخيروا قبل كل شيء و الله ييسر لكم💜💜

rsm__1’s Profile PhotoRSM
كل يوم تعالي روابي 😢❤️
أحبك انا ❤️
شوفوا الرد هنا بعد 🙌
https://m.ask.fm/lasmedicalschool/answers/130002248092

اكثر الناس يسبون جامعة نوره عشان طالباتها مو عشانها هي ، و هذا غلط كيف يحكمون عليها من طالباتها ، مو الكل سيء! و الناس السيئه موجوده بكل مكان .. و الحمدلله كلنا نقدر نفرق بين الصح و الخطأ و نختار الطريق اللي نبيه💜، سمعت كلام كثييير عن طالباتها يشيب شعر الراس منه لكن ما شفت ولا شيء من هالكلام!

rsm__1’s Profile PhotoRSM
ويقارنون بيننا وبين الكليات الثانية خصوصًا المسار العام، مايدرون ان حنا بعيدين عنهم مرة، وكل كلامهم عليهم 😥
اذا دخلوا بيشوفون ان كل ناس بحالهم وغرفة الدراسة مليانة بنات، وبرضو وقت البريك الكلاسات مليانة اللي يدرس واللي يقعد يشوف له شي، محد فاضي لأحد 😊🏃
انا تقريبًا تعرفت على أغلب البنات اللي بنفس السيب حق كلاسي، وكلهم عسلللللللللل
غالبًا ابتسم بوجه أي وحده تجي تسلّم 😢❤️
وطبعًا تصير كل السوالف عن الدراسة 🙌
وحلو يصير أسلوبك حلو وتكسبينهم بحيث انه يصير تبادل معلومات بينكم كبير خصوصًا ان التيتشرز يختلفون فما نعرف وش الاشياء اللي يقولونها. صدق البنات مره يفيدون، ماشفت فيه أنانييية الا قليل جدًا جدًا وطبيعي. ومايهم اصلاً
وخلّيكم متعاونين وطيبين عشان ربي يوفقكم ❤️

... و صدق ما واجهنا فيها ظلم كثير الحمدلله! صح فيه اشياء بسيطه نواجها لكن مو نفس ما اسمع بالجامعات الثانيه! ، انا ما اقلل من قيمة الجامعات الثانيه بس احاول اوضح لكم الجانب الحلو فيها

rsm__1’s Profile PhotoRSM
🙌❤️

بقول شيء للناس اللي متردده من ناحية جامعة نورة، انا من الناس اللي كانوا يسبونها لاني ما كنت اعرف عنها ولا شيء ، الحمدلله الحين مبسوطه فيها جججدًا ولو بيخيروني بينها و بين اي جامعه ثانيه راح اختارها، تأسيسها زي ما قالت لجين ممتاز جدًا و مناهجها مطوره، و تكفي بيئة الجامعه تهيئك نفسيًا للدراسه ...

rsm__1’s Profile PhotoRSM
❤️🙌

حبيبتي لوجين انقذيني انا تخرجت هذه السنة من الثانوي و نسبتي الموزونه ولله الحمد 89.2 لكن سمعت انه نسبتي هذه ما تسمح لي اني ادخل طب بشري في نورة ..وانا حلمي و هدفي اني ادخل طب بشري .يقولون انه الموزونه تاثر بالتخصص صدق ؟😢😢 اذا كان علی هذه الحاله معناها انا مستحيل ادخل 😭😭

MahaAbdulmohsen’s Profile PhotoQueen
89.2 تقصدين المركبة حقتك مع قدرات وتحصيلي؟
إذا ايه بالعكس حلوة مرة 😍!
ومافيه بشري على طول، لازم سنة تأسيسية أول، وعلى حسب معدلك فيها يخصصونك، وبإذن الله انك قدها تجيبين معدل عالي فيها 👏😍
الموزونة ماتأثر عندنا ابدًا. يشوفون نقاطك العلمية بعدين معدلك التحضيري.
واذا تساويتي انتِ ووحدة شافوا المركبة. ومركبتك كويسة مرة 👌
لا تشيلين هم ابد ولا تسمعين كلام الناس، قدمي وشدي حيلك بالتأسيسي وبتدخلينه بإذن الله ❤️
1
Liked by: Queen

لجين يا لجين، حابه اساعدهم معك💜. *من جماعة غوغو فيفرت*

rsm__1’s Profile PhotoRSM
الله يكثّر من أمثالك 🙌❤️

#٢ يعني ودي استشيرك هل هي قويه زي سعود وغيرها وهل دراستها زينه وكيف الانقلش كل شي بالأنقلش؟! يعني انتي برأيك هل هي كويسه دامك درستي فيه سنه كامله؟

دراستها ممتازة جدًا، وطوّرت فيني أشياء كثييييير.
سعود اول ترم يدرسون اشياء عامة اتوقع والترم الثاني ينضغطون يدرسون فيز وكيم وريض اتوقع كل شي مع بعض. نورة مقسّمة نصين وندرس معه سلم وعرب
وسعود مايدرسون مصطلحات طبية مثلنا يدرسونها بشكل بسيط جدًا.
عندنا بنورة كل لكشتر عن سستم ١٣ محاضرة ودسمة شوي بس جدًا ممتعة! تحسين بوناسة عرفتي اشياء كثير =)).
وايه كل شي بالأنقلش، ماعدا السلم والعرب ومو عائق أبدًا أببببدًا
انا ماسبب لي عقدة الا مادة الانقلش نفسها عشان المادة طويلة وغثيثة شوي. ولا باقي المواد بالعكس بتمشين فيها
انا ماأقولك الكلام هذا عشاني فيها لا والله بس أقولك المزايا اللي فيها 🙌
وإذا مره محتارة ماتدرين وش تحطين انا لو مكانك كذا بأحط الحرس رغبة أولى ونورة رغبة ثانية. وبأستخير قبل 👌
وفريدة قالت كلام حلو "من متى واحنا نقارن الشايب بالشاب" 😂👏
2
Liked by: Marko" Night SHroud

السلام عليكم ياختي بفضفض لك شوي على اني ماعرفك ولاتعرفيني بس لقيت الاسك حقك بمنتديات جامعة نوره المهم ....انا توني متخرجة من الثانوي نسبتي الموزونه86.01 انا ودي ادخل جامعة نوره مسار صحي جد والله بس كل اللي عندي صحباتي وأختي يقولون لا وماادري ايش ادخلي سعود انا حسّيت ماادري يعني فاودي استشيرك بنوره

وعليكم السلام ورحمة الله وبركاته،
نسبتك حلوة 👏، هم وش سبب رفضهم؟ لا تقولين عشان دراستها أرجوك 😥، والله التأسيسي مو سهلللللله أبدًا، لدرجة كانوا قابلين ٧٠٠ طالبة وزيادة، وصار انسحاب كبير خصوصًا من الأحياء الترم الثاني! صار عددنا ٥٠٠ وشوي بس. بالعكس دراستها وتأسيسها جدًا ممتاز وقوي، وفيه كثير كانت مو رغبتهم نورة والحين يقولون الحمدلله ان حنا فيها، وفيه بنات نسبهم عالية تدخلهم اي جامعة يبونها بس اختاروا نورة جامعة ناشئة وانا الدفعة الثانية اللي فيها تأسيسي ومرة مسببة ضجة والمقارنات بينها وبين سعود كثييير.

وش كنتِ تدرسين السمستر الاول؟

سلم، مصطلحات طبية، فيزياء، أحصاء، إنقلش، أحياء.

فيه عدد معين للقبول من برى الرياض ?

لا ماحددوا، بس اتوقع لما تمتلي المقاعد يوقفون 🙌

السلام عليكم ورحمة الله وبركاته كيف آلية التخصص بعد التأسيسي هل جامعه نورة نفس سعود ؟ ( معدل التحضيري *10 ) + ( التراكمي * ,5 ) ولا طريقه مختلفه وشكرا لك <3

وعليكم السلام ورحمة الله وبركاته.
لا تختلف تمامًا.
واتوقع كل ماتساويتي انتِ ووحدة راحوا للي بعده
اول شي: معدل النقاط العلمية.
ثاني شي:المعدل كامل.
ثالث شي: المركبة.
1
Liked by: may

تبيني اصبر لشوال هههههه على ماأقدم .. مكن اموت وانا انتظر

لا تنتظرين اجل، افضل تروحين لهم اذا كنتي من منطقة بعيدة روحي اول مايفتح التسجيل لهم

متأكدة ان التقديم اليدوي كان قبل الدوام باسبوعين ؟

شوفي انتِ قدمي يدوي. ولو ماانقبلتي روحي للعمادة على طول، قدّمي يدوي وبإذن الله تنقبلين.
وحدة تقول رحت بأخر رمضان وردوا عليها رابع العيد

Next

Language: English

4.1

1,266,418 reviews
© Ask.fm 2024