أحبك في الله
أحبَّك الله، شكرا لك 3>
Ask @AbeerAdel1
Previous
اجازتك ماذا ستعملين لها ؟
أشياء كتيرة، من ضمنها أرتاح وأستجم.
دكتور وجيه ...............
بروف. وجيه، أحمد الله إني أتعلم تحت يده، أتمنى أوصل لعلمه وبإذن الله. ❤
Related users
عبير وراك مشوار طويل في الطب .عشان كدا اباكي تحتسبي اجر هذا العلم لوجه الله وربي يكون معاكي يا رب
شكرا لك برضو !
الله يوفقك ويهديك وينورلك دربك ويجعلك ربي سعيدة يا رب قولي آمين
آمين يا رب العالمين، شكرا لك.
تعبنا من ...
لو قلنا 'الحمد لله على كل حال' حيكون جواب مريح أكتر بالنسبالي.
نفسي اشوفك واتعرف عليكي
أهلا وسهلا بيكي في أي وقت، لو كنتي معايا في الجامعة وشفتيني تعالي وكلميني يا ستي.
قريبتي مختبرات كلو حفظ ودراسة على غير فايدة في الشغل كدا اتوقع انا انتي اش تقولي
ما أعرف بصراحة إذا قريبتك طالبة مختبرات فكلامها أصح من اللي حأقولو.
Liked by:
عمر حبيب ريم
somaia
مين الي غير وجهة نظرك من التحضيري للطب
كان نفسي في مختبرات الصراحة، بس لقيت معدلي بفضل الله يسمح إني أدخل طب، فقلنا يلا مع الخيل يا شقرا. بس كدا :)
جميل أنو أصداء مشروعكم كانت على وجه ممتاز ، مبارك .ما فكرته ، وهدفه ؟
الله يبارك فيك، هو سيمينار في الحقيقة يتكلم عن Acute Coronary Syndrome.
Liked by:
منـار
مَرح آشِي.
كيف كان السمينار ؟
كان رائع وجمييييل بفضل الله ثم بفريق العمل الرائع وكمان دعم صاحباتنا. شكرا لسؤالك.
Liked by:
منـار
Asala kanpija
مَرح آشِي.
مين ارهق الطب ؟
محد أرهق الطب. الطب اللي أرهقنا :)
Liked by:
مَرح آشِي.
هات لايك وخذ دبل*موزع هدايا*
اش كانت وجهتك قبل الطب وليه غيرتيها
أنظمة. ما كان في سبب، كله جاء بمحض الصدفة.
كيف الطب ؟
مرهق.
يسعد صباحك.. حبيبتي ممكن تقولي كيف نزاكر الانجليزي بالتفصيل لانوو مرة يلعب في المعدل.. بس بيقولوا لنا انو الأسئلة مو من الجامعة من اكسفورد ومو من الكتاب..!
انجليزي الترم الأول أنا ما درسته الصراحة، فما أعرف المنهج ايش يتضمن أو كيف يتذاكر وكيف أسئلة الاختبار. اللي أعرفه إنو الناس الي شدت حيلها فيه جابت ايه بلس، فمهو صعب. حتى لو كنتي من المستوى الأول وكتبك أكتر بشوية عن الباقين، حتقدري إن شا الله. اطلبوا من أستاذتكم تعملكم اختبار تجريبي زي اللي حيجي في النصفي والنهائي، تجريبي يعني بدون درجات، بس إنتو ذاكروله كويس عشان تشوفي نفسك حتجاوبي تمام بعدين ولا يحتاج تذاكريله أكتر، وتعرفي أنماط الأسئلة. ويب قبل أي اختبار سواء انجليزي ولا غيره راجعي أسئلة الأعوام السابقة يجي منها كتير.. بالتوفيق.
كيف اذاكر بايو نظري ؟ ساعديني الله يسعدك
تحضيري؟ إذا تحضيري، أول نصيحة اطبعي السلايدات وضروري تكون معاكي وقت إعطاء المحاضرة وحاولي تكتبي على هوامش السلايدات كلام الدكتورة المهم، خصوصا د. عدلي، وبرضو اسمعي التسجيل.
د. عامودي ركزي قد ما تقدري ولو فصلتي ارجعي اسمعي التسجيل، وأحيانا تكتب أشياء على السبورة مهمة وتقرب المعلومة، وارسمي معاها رسومها الشجرية وبيضيها في البيت.. واسمعي التسجيل الين تفهمي.
د. فاطمة أحمد لو قدرتي تركزي أو تسمعي التسجيل خير وبركة، جزئية البروتينات أفتكر ذاكرتها من سلايدات البنات وسمعت تسجيل الأولاد..
بايو 1 مررررة سهل ترى مو عن إني عديته أو شي، بس حقيقي مرة سهل بس ضروري تفهميه وتحفظيه كويس عشان بايو 2 الترم التاني يعتمد عليه.
خدي المحاضرة وذاكريها في الويكند وبكدا أول بأول تكوني مذاكرته. وبس حطي في بالك إنو س هـ ل. ربي يوفقك ؛)
د. عامودي ركزي قد ما تقدري ولو فصلتي ارجعي اسمعي التسجيل، وأحيانا تكتب أشياء على السبورة مهمة وتقرب المعلومة، وارسمي معاها رسومها الشجرية وبيضيها في البيت.. واسمعي التسجيل الين تفهمي.
د. فاطمة أحمد لو قدرتي تركزي أو تسمعي التسجيل خير وبركة، جزئية البروتينات أفتكر ذاكرتها من سلايدات البنات وسمعت تسجيل الأولاد..
بايو 1 مررررة سهل ترى مو عن إني عديته أو شي، بس حقيقي مرة سهل بس ضروري تفهميه وتحفظيه كويس عشان بايو 2 الترم التاني يعتمد عليه.
خدي المحاضرة وذاكريها في الويكند وبكدا أول بأول تكوني مذاكرته. وبس حطي في بالك إنو س هـ ل. ربي يوفقك ؛)
لما لم تصبحي ليدر ؟
خفت أظلم الدفعة بانشغالي عنهم، أو أظلم نفسي بانشغالي بيهم.. اللي متكفلين بالليدرة حاليا ناس قدها إن شاء الله.
Liked by:
مَرح آشِي.
SARAH.
من 0 الى 10 مدى إهتمامك بالإنتقام ؟
حسب الموضوع وحسب الشخص بصراحة..
بسألك الجنتكس بالتحضيري نذاكر من سلايدات مين بالضبط ؟ لانو احسني ضايعه بينهم هند و لا نداء ولا فيصل
عن نفسي من أ. هند نفادي وجبت درجة حلوة الحمد لله، البنات يمدحوا د. فيصل علاف. غيرهم لا..
بس اقول واعرف انك ماطلبتي رأيي ترا اللون الاسود كان احلى جدااااااا
دحين أروح أرجع الأسود ولا تاكلي هم :))
حاجات أقدر أطور منها الانقلش عندي ؟
أفلام وكبداية تكون الترجمة بالانجليزي عشان اللي ما تستوعبيه في النطق تلحقيه في الترجمة تحت، وتعودك على القراءة السريعة كمان.
دروس اليوتيوب على قفا مين يشيل، وحلو تلقطي منهم الاكسبرشنز.
في النهاية، أحب أقولك لا تخلي إتقان اللغة هاجسك، مع الوقت راح تكتسبي مفردات جديدة، ومع الوقت راح تتعلمي تستخدمي القاعدات صح. حتغلطي وحتتفشلي في البداية، فلا تخجلي طول ما إنتي بتتعلمي وتطوري لغتك مرة عن التانية.
دروس اليوتيوب على قفا مين يشيل، وحلو تلقطي منهم الاكسبرشنز.
في النهاية، أحب أقولك لا تخلي إتقان اللغة هاجسك، مع الوقت راح تكتسبي مفردات جديدة، ومع الوقت راح تتعلمي تستخدمي القاعدات صح. حتغلطي وحتتفشلي في البداية، فلا تخجلي طول ما إنتي بتتعلمي وتطوري لغتك مرة عن التانية.
Liked by:
مَرح آشِي.
مشكوره حبيبتي ،وانا كمان ادرس التحضيري فالقنفذه معليش ترسلي لي سلايداتكم وان شاء الله تطلع سوى ): !!
أرسلتلك هيا، الله يوفقك.
السلام عليكم اختي ممكن الاقي عندك سلايدات بايو لاب . انا تحضيري فالقنفذة ومافيه غير المذكرة ومرة متعبه
سلايدات اللاب تختلف من دكتورة لأخرى، والأفضل الكل يذاكر من دكتورته اللي تدرسه لأن الأسئلة ما تجي موحدة كل دكتورة لها أسئلتها، أما بالنسبة للنظام عندكم في القنفذة ما أعرف والله. لو تحبي أرسلك سلايداتنا تبع التحضيري أنا حاضرة، ما أعرف لو كان نفس المنهج كمان ولا لا، ابعثيلي ايميلك..
بما انك طالبة طب ابغى اسألك كيف كان جدولك اليومي مع العلم اني كثيرة نوم وهذا الشيء مسبب لي خوف :(، وكمان ممكن تفيديني بأشياء تمكنني من اللغة اكثر لأن فـ السنة التحضيريه مركزين عـ الانقلش لانقوج مره.
طيب أول شي لا تفرطي في النوم، لأن جسمك كل ما نمتي زيادة عن حاجته، راح يشعرك بالخمول أكتر وتحسي إنك تبغي تنامي زيادة وزيادة. ما أخفي عليك أنا نومي نوعا ما كتير..
اهتمي بمواد التخصص (البايو، والجينتيك بالأخص)، خدي المحاضرة وفي نفس اليوم لمن ترجعي البيت لازم تسمعي التسجيل وتذاكريها، لا تعتمدي على غيرك في التسجيل وتستنيه يرفعلك هوا، اشتري مسجلة كويسة لنفسك وسجلي بنفسك بحيث تلاقي كل شي عندك أول بأول. عندك بايو وجينتيك وحدة مرة في الأسبوع فمرة مو صعب إنك تذاكريهم حتلقي وقت بإذن الله. الحاسب والمهارات لو ركزتي في المحاضرة وحاولتي تحفظي مع الأستاذة وقرأتيها تاني وتالت في البيت عالسريع، تسعفك هادي الكمية من المعلومات لما تجي تسأل الأستازة عن الدرس الفائت، لكن الكويزات يبالها مزاكرة حقيقية.. اممم الإنجليزي الترم الأول ما أعرف محتواه، ما درسته، بس عدد ساعاته كتيرة وتأثر مرة مرة في المعدل فزاكري وجيبي درجات عالية فيه، حاولي تجيبي ايه بلس ترا مو صعب. الترجمة ضرورية في كل المواد، حملي قوقل ترانزليت في جوالك، كنت اطلعه في نص المحاضرة واترجم اللي ما اعرفه، وفي البيت كذلك. لا تستغربي لو اتملت ورقة المحاضرة كلمات مترجمة، بس في النهاية نصيحتي لا تشتري ملازم مترجمة كامل وتزاكري منها، حاولي تخففي ترجمة مع مرور الأيام. طولت عليكي سامحيني. ❤️
اهتمي بمواد التخصص (البايو، والجينتيك بالأخص)، خدي المحاضرة وفي نفس اليوم لمن ترجعي البيت لازم تسمعي التسجيل وتذاكريها، لا تعتمدي على غيرك في التسجيل وتستنيه يرفعلك هوا، اشتري مسجلة كويسة لنفسك وسجلي بنفسك بحيث تلاقي كل شي عندك أول بأول. عندك بايو وجينتيك وحدة مرة في الأسبوع فمرة مو صعب إنك تذاكريهم حتلقي وقت بإذن الله. الحاسب والمهارات لو ركزتي في المحاضرة وحاولتي تحفظي مع الأستاذة وقرأتيها تاني وتالت في البيت عالسريع، تسعفك هادي الكمية من المعلومات لما تجي تسأل الأستازة عن الدرس الفائت، لكن الكويزات يبالها مزاكرة حقيقية.. اممم الإنجليزي الترم الأول ما أعرف محتواه، ما درسته، بس عدد ساعاته كتيرة وتأثر مرة مرة في المعدل فزاكري وجيبي درجات عالية فيه، حاولي تجيبي ايه بلس ترا مو صعب. الترجمة ضرورية في كل المواد، حملي قوقل ترانزليت في جوالك، كنت اطلعه في نص المحاضرة واترجم اللي ما اعرفه، وفي البيت كذلك. لا تستغربي لو اتملت ورقة المحاضرة كلمات مترجمة، بس في النهاية نصيحتي لا تشتري ملازم مترجمة كامل وتزاكري منها، حاولي تخففي ترجمة مع مرور الأيام. طولت عليكي سامحيني. ❤️
عبير خلعلك الدكتور لمن عمل التقويم ؟وفين سويتيه ؟واحبك كمان
يب خلعت ضاحك واحد (السن بعد الناب)، في عيادات ماس لطب الأسنان في الزاهر. أحبك الله الذي أحببتني فيه يا جميلة. ❤️
Liked by:
3:36.
Next
