لو هيتكتب ليك دعوة باسمك ع ورقة وتتصور عند الكعبة هتكون ايه دعوتك ؟?
الدعوة كدعوة مش هتفرق اتصورت عند الكعبة او لا طالما اتدعت هناك. اما لو تقصد لو حابة اتمنظر قدام الناس بدعوة ف صورة قدام الكعبة احب تبقى ايه هقول معرفش اى دعوة خير.. لان وقتها هفرح بفكرة انه افتكرنى فى انقى لحظات حياته بصدق, ايا كانت الدعوة ايه.. هو يقول :)،،
استفتيكم ف شي اذا ظلمت حد من قبل اعمل ايه عشان ما احس بالذنب
مش هتحس بالراحة الا لما يحس بالسماح، انت ظلمته و عارف انك ظلمته و معترف فى سؤال لكل الناس انك ظلمته و احنا فى رمضان اساسا و بعدين مش قادر تروح تستسمحه و مستنى نجيب حل سحرى يريحك XD؟.. رد المظالم لاهلها. حتى لو الموضوع عدا عليه وقت طالما مازلت بتفكر فيه و اثاره موجودة يبقى كفر عنه و اسعى ان المظلوم يسامحك.
حسب الموقف بيكون التعامل، بس انا مبستحملش التجمعات المنافقة كتير.. دائما بتجنب التملق او الكلام عكس التصرف و هكذا، وبنتقد بصراحة و وضوح. يمكن عشان كده كل المنافقين بيحبونى؟ XD.
اعمل ايه مع صديقة عايزه تحسسني انها احلي مني ودايما تمدح في شكلها ادامي و بياضها و صوابعها الرفيعه ةلو واحده قالتلي انتي عسوله تقولي انتي لا عسولة ولا حاجه
فى حالتين, الحالة الاولى, ان ده عقدة نقص، تبدأ تقلل من الآخريين عشان تعلى من نفسها لانها شايفاها وحشة، بس طالما انت سامحة لها تعمل كده من غير م تردى او تتكلمى يبقى لها الحق فعلا تمارسها عليكى.. الاغلب لك انها "صديقة" لحد متلاقى صديقة, لان مفيش حد بيعتبر حد كده "صديق" مش "صاحب" الا لو كانت اتعرضت لمشكلة نفسية قريب، فـ لو انت باقية عليها علميها بالتجربة، امدحى فيها على حاجات حقيقية عشان تكتسب ثقة، بس فى نفس الوقت ردى جامد بهزار لما تتكلم عنك وحش بحاجات ف نفسها، ولما تتضايق كلميها بالراحة. بس لو انت مش باقية عليها - حاساها مجرد مصدر ازعاج لك - ابعدى عنها عشان متتعبيش انت نفسيا لو هتتأثرى بيها.الحالة التانية, ان انت الى عندك مشكلة، مثلا قالت "عسولة؟ مين ده؟ ده ولا عسولة و لا حاجة ??" بهزار و خدتيها انت بحساسية، اتكلمت عن حاجة بتحبها فى نفسها و انت سكتى و مجبتيش سيرة نفسك.. انا افترضت ده لانك موصفتيش نفسك :)، بس عامة، هتعرفى لوحدك بسهولة ايه الحقيقة، لان لو كده هيبقى الموضوع مع كل الناس مش هى بس ?.
أيهما تفضل أن تواصل حياتك كما هي، أو تبدأها من جديد؟
مش هستحمل ابدأ من الاول و ارجع بمعرفتى الاولى مش هنهزر بقى! ????
كيف تسعد فتاه؟ ?
على حسب انت عايزة تسعد "فتاة" وخلاص, و لا فتاة معينة :3 ؟ شوف اهتماماتها, بتحب ايه, بتكره ايه, عادة نصحتك تبطلها, هدية نفسها فيها و هكذا .-. *لوهلة حسيت انى قلبت تاما من OHSHC ?*
هل تبتسم للغرباء؟ نعم أم لا، ولماذا؟
اه لكل الناس, انا بعمل ده متعمدة لو شفت حد معرفوش ولاحظت انه شافنى لان "تبسمك فى وجه اخيك صدقة", غير ان انا شخصيا هفرح جدا لو حد كان بشوش معايا ?❤
إنتقد شيء مآ ? -
تربية اغلب الاهالى لاولادهم و اعتقادهم انهم صح :3. انا مش معترضة ان الاهل ينقلوا خبراتهم للاولاد, لكن نقلهم لعقدهم النفسية فيهم وحش قوى بجانب العقد الجديدة الى بيصنعوها! لتخيل حجم المأساه هقول ان برا بيدوا الاب و الام كورسات يعلموهم يتعاملوا ازاى مع الاطفال و يربوهم صح - و مع ذلك فى معقدين و ملتوى الشخصية عادى, ف تخيل هنا؟,, المحزن ف الموضوع انهم فاكرين نفسهم بيفيدوهم, او يمكن يأملوا ذلك,
انا موجوعة اوى من حد وهو عايش حياته عادى بس انا كل يوم بموت لانى اهانت كرامتى علشانه قليلب اعمل ايه وليه ربنا مش بياخدلى حقى ويزله :') انا موجوعة حقيقى
حاولى تنسى او "تتناسى" الموضوع و تعيشى حياتك عشان تعيشيها بجد..، انك تبصى له و تعرفى انه بخير و زى مهو هو و مش مهتم فعلا الى آلمك اكثر من المك نفسه، متضيعيش وقتك على حد بس اعرفى انك غلطانة من الاول، لان محدش يستحق ابدا التضحية كده,, بس انت الصح فعلا خيارين.. يا تدعى دعوة مظلوم لا ترد و ليلة القدر جاية.. يا تبقى احسن منه ومتلوثيش قلبك بالحقد على حد و تسامحى بمبدأ العفو عند المقدرة.. و ف الحالتين متحتكيش بيه مباشر ابدا واقطعى علاقتك بيه تماما عشان متتضرريش تانى، وكلى امرك لربنا بس و الوقت كفيل جدا يقوى قلبك بالمك ده و يذل الى بيغتر بنفسه. انتقام ربنا ممكن مبيبقاش ف ساعتها، بس لما بيجى بيبقى قوى قوى. صدقينى :) . ربنا يخفف المك يا حبيبتى و يحميكى ').
يجب عليک أن تفقد الكثير من قلبك ليكتمل جزء من عقلک ، هكذا تقتضي معادلة النضج ! ، رأيك بـ هذه المعادلة ؟ اذا أيدتها فـ هل انت مـمن فقدوا جزء من قلوبهم لتُنضج عقولهم !؟
القلب مش عكسه العقل لانهم بيكملوا بعض، والى "بيفقد" من قلبه و يتحجر او يبرد مش بيبقى شخص متزن.. يفرق ده كتير عن لما عقلك يتطور و يتحكم بمشاعرك حسب الموقف فتنضج. -
أيهما تفضل أن تعيش للأبد؟ أم تعيش 10 مرات كل مرة حتى سن المئة سنة؟
لو هختار بين دول يبقى للابد، عشان اشهد تطورات كل حاجة لحظة بلحظة و اصلح كل الى اقدر اصلحه و محسش او احسس الناس بلحظات فراق و الم غير ضرورية. على الرغم من انى هحسها فيهم 'D ، و اطور فنفسى اكثر بشباب نسبى لا ينتهى. انى اوصل لسن 100 معناه انى هضيع ف البداية سنين طفولة ثم ف النهاية سنين عجز كبار و هفارق ناس كتير و هيفارقونى 10 مرات :3 .. اكيد هختار الابدية XD .بس بجدية، اعتقد ان دافعى الحالى للعيش الاحسن انى ماندمش لما اموت، ف لو كنت "مش هموت" و مفيش limit لحيااتى و الى معملتوش النهارده هعمله بكره او حتى عندى فرصة اصلح اخطائى.. اعتقد كنت هضايق. " الخلود حلم احمق، الحياة ثمينة لانها محدودة، و لان لها حدود نكافح كل يوم" -هاتورى هيجى.تفضيلى الشخصى انى مكنش هنا من الاول XD..
الناس الى لما بيتبعت لها سؤال تقول و انت مالك او مش هجاوب، او بتسأل ليه او ميخصكش او ايا كان و السؤال عادى، اما انت مش هتجاوبى على الاسئلة داخلة موقع اسئلة ليه يا حبيبتى؟ ??
متى كانت المرة الأولى؟ هل تستطيع وصفها؟ .. ما الذي تبادر لذهنك عند قراءة السؤال؟
لو كنت عايزة اتكلم عن حاجة مضايقانى مثلا بروح لحد بثق فيه و دائما رد الفعل الى ببقى عارفاه من قبل ماتكلم ?: -يا لانه مش متعود عليا حزينة مش عارف يعمل لى ايه -يا بيصالحنى بانفعال مصطنع و يمكن عايزنى اسكت وخلاص ? - يا يقلق بجد و يحاول يصالحنى و انا بتضايق اما احس انى بقلق الناس او عبء عليهم ففكل الاحوال بقفل الموضوع و افتح موضوع تانى و انا مبسوطة ??
انا كنت قرأت الاجابة ف كتاب قبل كده .-. هى فيها اختلافات اما انه خرج من الجنة من جهة التكريم - لان الشيطان كان اتقى من الملائكة و ذو مكانة اعلى. اما انه اتمنع يدخلها اصلا و ساعدته الحية - الى وقتها كانت ب4 رجول - الى دخل جوفها و يدين طلع و وسوس لهم، و لما وسوس لهم ربنا عاقبها و خلاها زاحفة و بقى فى عداوة بيننا و بينها.
ما هي فوائد كون الشخص مشهوراً؟
هيبقى حواليه ناس بيستمدوا منه طاقة او يأخدوه قدوة و يساعدوه بدعوة او هدية او كلمة حتى حلوة فهيحاول يبان مثالى عشانهم و يتطورعلى طول فيستفيد هو ?, بس هى سلب برضو لانه مش هيعيش حياته زى مهو عايز و مش هييدى لنفسه المساحة الكافية يزعل فتدريجيا هيتعب .-.