@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

- مَاذا تفعل عندما تَرى فَلسطِين تُهان أمام عَينيك ؟ ?

ghuss_1997’s Profile Photoشَغف الأزرَق ✨
بدافع عن الى انا شايفاه صح، وببحث تانى، م انا مش هحتاج اقف او اتشل لما هحارب عن حاجة شايفاها غلط .. على الاقل فى قلبى او بلسانى.
بس كل مرة بيدفعنى الموضوع للتفكير فى ماهية الوطن وقيمته، و معنى الجنسيات والحدود، ويمكن الانسان و السلام.
2
Liked by: شَغف الأزرَق ✨

جربت في مرة تقرب من انسان مهبول ؟ “ψ(｀∇´)ψ

لا، المهابيل فى نعيم و انا على حافة الجحيم هنا ???✋
1

الفرق بين 'الحب والاعجاب 'الحبيب والصديق'

الاعجاب انك تنبهر الهالة، فيبقى نفسك تبقى ملكك او انك تنور زيها.. فتتخدع انه حب، بس الحب انك تدخلها و تعرف انها ممكن تضر- تضْعف-تضعّف-تقل- و تحاول تزودها.
1

اكبر خطوة ايجابيه عملتها ف حياتك !

mahmoud_12’s Profile Photoي ق ج _ 8926 _★
ان ولو بكلمة او جملة او فكرة او عادة او فعل اثرت فى حد بخير .. فى عقله الباطن بقى بالتعود بقى فى تفكيره فعلا فى انه راجع نفسه او حتى فى انه بقى تلقائيا بيقول كلام بسيط بردده ده مش مهم المهم ان بقى فى ف الواقع اثر .. خطوة ايجابية!
1
Liked by: ي ق ج _ 8926 _★

كتاب حلوو .. يفتح نفسي للقراءة ، اطلع منه بكم ثقافي وياريت نبذة عنه

رجال عظام و نساء عظيمات، من كتب السيرة الذاتية.. لو لقيت النسخة الكاملة منه فهو كتاب لقصة حياة غاندى- مدام كورى - ابراهام لينكولن و لفيف من العظماء فى مختلف المجالات بطريقة مبسطة - و مش كاملة الزوايا، هيحببك فى القراءة هيديك حافز، هيخلى عندك خلفية ثقافية و معرفية و هيلففك عصور فى ثوانى. يعنى اذكر اخر مرة قرأته كان من اربع سنين بس عجبنى!

المفروض اني اعمل ايه لما الاقي حد انا معجبه بيه جتي يقولي انه معجب بشخصيتي مع العلم ان احنا الاتنين نفس الاهتمامات وحتي نفس التفكير ونفس الطريق كل راسمينه زي بعض وطموحين الحمدلله اردة فعلي تبقي ايه

طالما كده يبقى خير و بركة، ايه الى يقلق؟
لمحى له بهدوء يتقدم رسمى طالما الموضوع من الطرفين.. و يا ريت لا بسبب السن و لا الوظيفة و لا ان فى مشاعر من ناحيتك تتنازلى عن ده او تتجاوزى الحدود معاه، خليكى عاقلة و صاينة نفسك للاخر. حفاظا على كلاكم.
بس اتأكدى ان اعجابه بشخصيتك معناه مبادلتك الحب فى المقام الاول، يعنى.. م انا معجبة بشخصيات كتير فيهم مميزات بس مش بحبهم بطريقة رومانسية! XD

رولا ، اذيك ؟ عايزة اسالك ازاي اقدر اسافر في فترة الثانوي .. تبع اي اي حاجة ساعديني ، انتي سافرتي الهند تبع ايه وازاي ووصلتي للحاجة دي ازاي يعني وايه الخطواط اللي اتبعها اعمل ايه من الصفر اعرف عن البحث العلمي من الصفر منين وازاي اجيب فكرة وازاي اطبق ساعديني الله يكرمك وتكوني اول شخص في بالي ادعيله .

انا حاسك مشتت.
"السفر" كفكرة فى منشأت كتير، مثلا تطوعى او كامبات ايزك، عايز تأخد دورات برا فى حجز اكثر من سامر كورس فى جامعات برا، عايز بحث علمى مؤتمرات الشباب او التأهل فى المسابقات زى ايسف او هكذا، بس الفكرة حدد الاول انت عايز تسافر ايه؟ و يا ريت لو نفكر ف "ليه" كمان.
انا سافرت الهند بروجكت تعليم و تبادل ثقافى مع ايزك، بتفتح الموقع نفسه و تشوف البرامج المختلفة الى تناسبك، ثم تعمل اكونت هناك و تحمل الCV بتاعك بما يتناسب مع شروط الى طالبينه و تخلص الانترفيو، و باذن الله مقبول.
البحث العلمى مجال كبير و واسع، بس لو من الصفر..
ف الاول لازم متلفش حوالين نفسك، و تحدد ايه المشكلة الى عايز تشتغل عليها؟ عايز تحل مشكلة الطاقة فى مصر؟ مرض السكر؟ مرض القلب؟ الصرف الصحى؟ و تتوالى المشاكل! اختار "بس" واحدة.
حددت المشكلة؟
شوف بقى فكرة عامة عن المشكلة نفسها و خصائصها، و الحلول الى حاولوا يحلوها قبلك كانت ازاى؟ و ليه مكملتش؟ "اعرف فين وقف الى قبلك"
بعدين فكر من معلوماتك السابقة او تركيب سيرشات فى حلول جديدة، و ادخل فى عملية التيست.
انت شغال فريق و لا لوحدك؟
اقترح لو هتشتغل مع حد انك لازم تشتغل لوحدك الاول مدة على نفسك.
ازاى تفهم الاساسيات و تكتسب الخبرة، و تصحح معلومات مغلوطة؛ مثلا ازاى تعمل سيرش موثق "مش من ويكيبديا مثلا" او تجيب ريسيرش بيبر من جامعة، او تلف و تخرج للتجارب.
نصيحة.. اقرأ كتير D:
عربى و لا انجلش؟
الانجلش عامة بيدى مصداقية للبحث و بيديك رينج اوسع للبحث و لينكات افضل.
العربى غالبا مضيق نطاق البحث، و ملىء بالعلم الزائف للاسف، فلازم تبحث بالانجلش.
فى مدرسة متخصصة و لا فردى؟..
الارشاد الى حواليك ايه؟ اقترح لو مش فى ستيم تروح لاقرب مركز تطوير او اكاديمية البحث او مشرفين و تزورهم تفهم منهم.
.
نصيحة بس.. البحث العلمى حاجة سامية، مش سكة لسفر و بس، لازم تدخله عشان عايز تعمل حاجة او فى دماغك فكرة او حتى افادة.. مش عشان يبقى اسمك باحث او تهاجر مثلا، فكر فيها.
لو انت بنت من المدرسة شرفينى فى الاوضة و لو احتجتى حاجة نتكلم D:
ربنا يخليكى يا حبيبتى وانا كمان هدعيلك ❤

View more

عادي بس مش مرتاح ، مش مرتاح خالص

ربنا يهديك و يريح قلبك باذن الله "( ?
حاول تفكر بايجابية و تحسس نفسك بقيمتك و تكسّب نفسك الرضا، ابدأ بحاجات بسيطة زى علاقتك بالناس و البشاشة و المودة، احساسك وسط الناس السعيدة هينعكس عليك خير.
او ممكن تقرب من نفسك اكثر .. ممكن عدم رضاك انك مش حاسس انك عايش حياتك، جرب رياضة جديدة .. جرب ترجع هوابة او شغف طفته الايام .. جرب تقول لا لو حاسس انك مش مرتاح و متجيش على نفسك.
وبالموازنة مع علاقتك بربنا.. يمكن ده تخليك تستقر اكثرهم، و تحس بالراحة النفسية اعلى طالما مفيش مشاكل معينة. ربنا يهدينا و يريحنا جميعا ?

كم من الوقت يلزمكم لشرح شعوركم الداخلى تجاه العالم نفسى اقابل حكيم من بتوع زمان يقعد يفسرلى العالم ده حته حته كدا يكون شرح طوييييل ياخد وقت طويل بس يغيرلى حياتى الشرح ده

حكيم؟
بس مفيش حاجة اصلا اسمها "الصح المطلق"، كداب الى يقول انه عارفه، مهما كان علمه و خبرته دلوقتى او زمان.
كل حاجة لو غيرت زاويتها تختلف، والحقيقة اه واحدة.. بس لها الف وجه.
فنتفق لو مفيش صح مطلق، يبقى الصح مراية نظرك للعالم، الصح بتاعك فى التعامل مع العالم بيتكون من خلفيتك انت و قيمك الانسانية انت و ثقافتك و معرفتك و تجاربك و خبراتك و تحليلك، ف هيفهمك هو ايه؟
خلاصة حياته؟
و لا شخصيته تعيش بيها نسخة عشان تحصل على نفس نتائجه الروحانية؟
فكرة ان شخص بشرى - مش قول الاهى - يشرح لك ببساطة دقائق الحياة الى هتطبقها بالتفصيل و تبدأ صفحة جديدة بيها كانك بتشيل انسانيتك و حس الفطرة و الفضول و كل قواعد حياتك و "هويتك" و تشتغل فى تربة غيرك!.
و بعدين لو فهمت.. ايه؟ ..
هتفهم كل حاجة و بعدين تعيش؟
م احنا بنعيش نفهم، و الرحلة هى الطريق.
نبدأها زى المكنة الى قدامها معادلات بتحلها؟
طب فين تجربة النفس البشرية؟ فين المعاناة! XD.
حلو الاستشارة، بس مش حلو الغاء الذات.
عايز تبدأ على نظافة اقف مع نفسك، افهمها، افهمها صح.. او حاول لان احنا بنعيش نفهمها.. و حط نقط عريضة مع كل نقطة تحسها صح و صلح، لان يمكن كمان مفيش حاجة اسمها "تغيير" جذرى يقلب حال البنى ادم.. عدا فى الصدمات الحقيقة :D، كلنا "بنتطور"..
لنتفق ان الانسان مخلوق فى كبد، ومفيش راحة فى الارض، ف كن حكيمك.
اتساءل احيانا ليه مبقدرش ارد ببساطة و اقول "و انا كمان!".
-
اتساءل ان كنت فقدت رغبتى فى الشرح؟
او اننى اشرح لكنهم لا يفهمون؟
أربما يفهمون بينما لا افعل؟!
... وماذا اريد ان اشرح؟
لا ادرى، ربما ما اريد دقيقة، ربما قرن، و ربما العدم!

View more

How long does it take for a guy to forget a girl whom he truly loved? She hurt him but so did he and he hurt her first and way more

هى هرتد هير فرست اند واى مور و بعدين بيقول انه ترولى لوفد هير و عايز يفورجت اباوت هير؟
طب قول مفروض يعتذر لها ازاى و يعوضها عشان رد فعلها الى عملته، حتى لو مش عشان علاقتهم ترجع لكن عشان ضميره و عشرتهم سوا، و بعدين نفكر ازاى ينساها!
..
بتختلف المدة من شخص لشخص، بس على حسب جهودك، و رغبتك طبعا، ابعد عن ذكرياتكم سوا، سواء اماكن دبل اغانى صور حتى لو هتمسحها او تحطها فى فولدر مخفى، و ابتعد عن الاشياء الى هتفكرك بيها زى مشروبها المفضل مثلا و الهدايا الى جابتها لك. و اتجه لانك تقضى وقتك مع اصحابك او العائلة و متسيبش فراغ يخليك تفكر كتير و تتألم، و يا ريت تقرب من ربنا.. فى الدعاء انه يهديك و فى الفعل انك تطيعه، ده كفيلة تخرج اى مخلوق من قلبك.
بس عامة.. اتمنى متحاولش تستغل شخص تالت عشان تنساها.
1
Liked by: Nour-han sobhy

اذا كان كل شيئ "ممكن" فهل من الممكن أن يكون هناك "مستحيل"

radwahisham45’s Profile Photoقرآنيـه بقلبـ♥ طفلة
وجهة نظر، عاملة بالضبط زى ان كان كل شىء خير فهل الحزن خير؟
والله الحزن فعلا خير.. من وجهة نظر تانية، لانك بدونه مش هتحسى بالسعادة لانك هتحسى بالتعود عليها، فهتبقى امر واقع، و لو مش هتبذلى مجهود تغيريه يبقى متستحقيش سعادة، فالى بيسعى يغيره بينضج و يقوى و يغير و يكسر Sadness will lasts forever، لما ينضج و يقوى و يتغير..
فهو سلبى.. بس متقطع، و خير.
بالتعويض فى معادلة المستحيل و الممكن هقول ان يمكن "المستحيل ممكن" من وجهة نظر تانية، لانك بدون وجوده مش هتحس بالممكن اصلا، الى لو مبزلتش مجهود تجيبه او تحققه او تعليه هيبقى فعلا بقدراتك الحالية مستحيل، فعشانه بتتعب و تتحرك و تتطور و تتخطاه.
كمثال توضيحى، مستحيل اخد جائزة الدولة التقديرية، ده حقيقة فعلا. بقدراتى الحالية اه مستحيل! ف المستحيل ممكن. بس عشان احنا عارفين ان حتى المستحيل مش ثابت وعشان ادينى دفعة للامام هقول "مفيش مستحيل مع شغف صادق"، ف مفيش مستحيل، اعتقد.

View more

1
Liked by: قرآنيـه بقلبـ♥ طفلة

تظاهر بالاكتفاء حتى وان كنت اكثرهم احتياجا لكل شيء .. ??

و ده عشان ايه و ليه؟ م اقول ايه الى انا محتاجاه ف الوقت الى محتاجاه فيه و اريح نفسى و اعصابى و اوفر وقتى ?
الترفع و التعفف غير التظاهر الى هيسبب مشاكل للواحد و يخلق فجوة تواصل.
1
Liked by: SaRa

Next

Language: English

4.1

1,266,418 reviews
© Ask.fm 2024