@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

Is interrupting people harmful? If so, why?

بشكل عام يعنى مش من الذوق، لانك قد تحرجه، او تفتح كذا موضوع تشتته وتجبره ميكملش تسلسل افكاره ويرد عليك، وممكن تنسيه الى بيقوله، او تأخد الحوار لجزء غير الى بتتكلموا فيه مثلا.
بس ده لا ينفى انه ممكن يكون سبب ترجع الى بيتكلم للموضوع الاصلى لو هو اسهب غلط فبيضيع وقت، او لو خلط مواضيع ببعض - طالما هى مش مناظرة مثلا لك حق الرد فى الاخر على كل حرف - او كان بيستعمل مصادر غلط، او تنبهه يشرح اجزاء ماداهاش حقها، او تقاطعه عن افشاء معلومات مفترض متتقالش، وهكذا.
الشىء مضر او مفيد حسب استخدامه.
2
5

If reincarnation exists, what kind of creature would you like to be in your next life?

اتمنى تكون ده حياتى النهائية واوصل للنيرفانا، مع ان -تحريا للواقع- اعرف ان فى حياتى الحالية ده انا فى سلام نوعا ما اه، بس عادى فى تفاعل من جهتى مع الدنيا ورغبات وتطلعات ومخاوف، فنوعا ما متمسكة بالحياة وبدى ايموشنز -وده صحى، بس، فربما لست قريبة منها حاليا بالمعنى الكامل، او لا اعرف، بس هى هدف جميل..
1
Liked by: Muhammad Medhat

ازاي اتخلص م ادمان السوشال ميديا انا قليل لما بشارك بس بمسك التليفون وقت كتير قد يشغلني عن شغلي ؟

ممكن اديك نصائح بسيطة، بس مهم تعرف ان مفيش حاجة بتصلح نفسها لوحدها بسرعة، المهم عزيمتك انت ورغبتك فعلا انك تقلل العادة الغلط وتعمل مكانها شىء افيد وتبدأ من دلوقتى مش كمان شوية..
ممكن مثلا لما تيجى تشتغل خلى الموبايل بعيد عن مرمى نظرك والنوتيفكشنز سايلت او مقفولة، ده هيخليك اكثر قدرة على التركيز شوية، بس لما تأخد راحة متبصش فى الموبايل طالما شغلك مخلصش عشان متنشغلش فيه وفى الرد على الناس وتتشجع على الكسل، ممكن تتحرك او تتمشى او تعمل شىء اخر يرجعلك نشاطك بس وافتح موبايلك فى اوقات الفراغ الاخرى او اخر اليوم، وكذلك هيساعدك تغير اماكن الابلكيشنز عندك على الموبايل نفسه - لو مش هتمسحها وتفتح من الويب وقت ما تختار، فلما تيجى تفتح ابلكيشن ما فى مكانه الى انت متعود عليه وتفتح غيره هتنبه نفسك ان مفترض متفتحوش، وده هيديك دقيقة كده تراجع قرارك، بس طبعا لو فتحته بعدها هتتعود ع المكان الجديد، فمتفتحوش كتير.. وحاول تتكلم او تتفاعل مع ناس حقيقين اكتر، ده هيشغلك وقتك اكتر كمان مع الانشطة المختلفة وهيخليك مش محتاج الالكترونيات زى ما انت متخيل حالا، وربنا يوفقك يارب 🌸

View more

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

Would you rather forget who you were or who everyone else was?

ليس وكأننى فاكرانى قوى اصلا بس اعتقد الافضل انسى الاخرين واتعرف عليهم تانى، كده كده المهارات والخبرات تراكمية فحتى لو هم سيئين وانا بتقى شرهم هبقى كأن نفس الحاضر بقدراتها بتصلح اخطاء نفس الماضى، والخيرين خيرين دائما وهنتعامل تانى، ومحدش هيتضرر ضرر جذرى لو نسيته، او لا اعرف.
1

How can you become responsible in your relationships?

من وحى علاقات بتتكسر قدامى حالا: زى لما تحب تخرج من علاقة ما فتقول بكل صراحة -ولطف واحترام- انك عايز تمشى، مش لازم تكره الشخص الاخر فى نفسه او تشكك فى نواياه او تقلب الترابيزة عليه عشان تلاقى حجة لنفسك.. او زى لما تلاحظ مشكلة فى علاقة ما فتفكر تستفسر عنها وتصلحها وتثق فى الى معاك، قبل ما هتهدم كل حاجة.
عموما المسئولية فى العلاقات من رأيى تشمل الاخلاص والالتزام، الصدق، الرؤية للامام، الشراكة، ومحاولات الحماية والتحسين والتشجيع..
4
5

What is the most challenging part for you about communicating with others?

اعتقد استمرار الطاقة، الارتياح، وجود التفهم، والمبادلة.
2
Liked by: Sondos ali

"Our feelings are our most genuine paths to knowledge." Do you trust your feelings enough to make this statement true?

انا بحب مشاعرى وبقدرها وكتير بسمع كلام حدسى بس اعتقد لا، المشاعر بيدخل فيها الرغبات زى مجرد اُلفتك مع حاجة واستغرابك اخرى، والانحياز غير المبنى على دليل مش دائما صح، ولا هيديك المعرفة الصافية -قدر ما تقدر توصلها.
3
Liked by: Sondos ali Meh!

رولا انتي اكونتك هو المفضل عندي على أسك أنا عايشة فيه بجددد💜 Thank you for the inspiration والله you helped me ALOT

الله يسعدك ويبسطك ويحلى ايامك انت الى بسطتينى جدا 😂💓💓💓

لو حد حاسس انه detached عن العالم الخارجي أو مش حاسس بتواصل حقيقي و إن علاقاته على الرغم من انها تبان عميقة و قوية إلا إنه مش قادر يحس بالاتصال الحقيقي دا، بيكون دا بسبب ايه و هل ليه حل مثلا؟ عايزة رأيك

لا ادرى بالتحديد بصراحة، بس ممكن السبب يكون اكتئاب وفقدان المعنى، او خوف داخلى من الاتصال ده وقلة الثقة فى الاخر ففى نوع من انواع ميكانزمات الدفاع ان مش محتاجهم او بيمشى اموره عشان ميبقاش وحيد بس، او انكار للذات واهتمام باحتياجات الاخر بس فتبقى العلاقات عبء ومزيفة، او عدم تعرف عميق على الذات يخليك مش فاهم او مقدر نفسك واحتياجاتك والاخر، او نزعة مثالية اثناء النظر للامور تخليك دائما مش راضى ومنتظر افضل مش موجود، او انغماس عظيم فى الذات والى ناقصها بس، او عدم وجود اتصال حقيقى مع البيئة الى انت فيها ومفيش حد ملائم فاهمك او حاسك مثلا -بس فى امكانية يكون فى تواصل فى مكان او بيئة اخرى، مثلا وهكذا، وعلى حسب اما تستبصر داخليا المشكلة فين بنحاول نحلها قد ما نقدر وبالوقت كمان.

لو حابة اقرأ بهدف التثقيف واني ازود حصيلة معلوماتي اقرأ في مجال ايه؟ يعني ازاي انتقي الكتب اللي ترفع من مستوايا الثقافي والفكري بالذات؟ وبرضو سؤال بيدور في بالي كتير وكنت حابة اخد رأيك فيه، ازاي استثمر وقتي واحس اني مش بضيع عمري هباء؟ خصوصا إني مش لاقية شغفي في حتة ومش متميزة في إني اعمل حاجة معينة

بعتذر على التأخر فى الرد بس بصراحة ربما متكونش اجابتى مفيدة، بس عشان مابقاش بستسهل الامر محتاج اننا نقعد قعدة صحاب -او انت مع نفسك- ندردش ونتعرف سوا انت محتاجة بالفعل ايه ويلائمك ايه ومن خلال ده نقترح حاجات ونفتح ابواب ونستشير ناس بتفهم فيه على كتب لان مش هقدر افيدك بعمق، لكن عدا ذلك -عشان اكون امينة- السؤال نفسه لازم يبقى محدد رغباته ومفاهيمه الاول.
نقطة "مجال ايه" ده حسبك انت وانت عايزة ايه، وكلهم بالنهاية هيشكلوا صورة متكاملة.. بس اقدر انصحك تحاولى تكونى اكثر تفتحا وتأملية وتحاولى تستفيدى بعمق من اى حاجة، الثقافة عموما مش بس بالكتب فلو بدأتى مثلا تفكرى فى دوافعك او دوافع الاخر بشكل مجرد من الظواهر الى برا وتربطى جواهر الاشياء ببعض ويكون تفكيرك بعيد عن المغالطات المنطقية - بقترح كتاب المغلطات المنطقية عادل مصطفى هنا- وتقربى من اشخاص بتحسى لهم فكر هتحسى بفرق فى تفكيرك ونفسيتك.
بالنسبة ليا، انا مش بعتبر حصيلة المعلومات نفسها اصلا مؤشر على علو المستوى الثقافى والفكرى، وحتى كنت بعترض على فكرة "المعلومات العامة" فى اختبارات الذكاء عندنا فى محاضرة، لان بالنهاية الى اعرفه متعرفيهوش والعكس صحيح ومبيقللش ده من كلانا طالما الشىء الناقص ده قابل للتعلم - الا لو بختبر الوعى بالمحيط او الانتباه والذاكرة وغيره، وكتير عموما ناس ريكوردرز وبيحفظوا قصائد ومعلومات وغيره ويبقوا مبهرين جدا لكن معندهمش فكر او مبدأ متناسق، فمش مهم اصلا لو قرأتى كتاب وحسيتى انك مش فاكرة منه كل التفاصيل والمعلومات..
لكن مع ذلك، كثرة قراءة الكتب عن مواضيع معينة بتخلى بينك وبين مصطلحات او الفاظ معينة الفة، وبتخلى بعض الافكار تلقائية عندك وربطها بغيرها، والتشرب للافكار ده وانعكاسه ع السلوك والوعى بالذات والعالم هو الى بعتبره الثقافة.
شخصيا قبل ما اختار الكتاب او الفيلم او حتى اغنية اى شىء بقرأ عنه التعليقات وريفيوهات متخصصين نقدية، ساعات بيكتبوا كتب تكمل الكتاب ده او تناقضه او اعمال اخرى بنفس الفكرة وده بيبقى مفيد جدا. غير كده ببص على الكاتب نفسه لمحة عن حياته والبيئة بتاعته، فلو انى حسيته حد ذو فكر يبقى كتابه اضافة - حتى لو كان اعلى من مستوايا فاحاول فيه او اجيب حاجة مبسطة- انما لو ذو شهرة لكن كتابه قديم فمتعوض فى حاجة غيره او محتواه اصلا تافه او مشهور لاى سبب غير قيم بسيب الكتاب، بس على كل حال مهم تبصى على المحتويات من جوا وان الكتاب ده انت محتاجاه فعلا، ومش شرط تكملى الكتاب كل مرة المهم تتشربيه وتحسى انك بتستفيدى.
احساس انك بتضيعى وقتك احساس وحش جدا، خاصة لو كنتى بتقارنى نفسك باستمرار بالبيئة الى حواليكى -وده غلط جدا، ربما حله تأخدى حياتك نفسها كالمشروع الى بتستثمرى فيه طول الوقت بابسط الحاجات. ممكن تشترى نوتة صغيرة وتكتبى فيها خطتك الصغيرة قصيرة المدى الى تحسسك بقيمة يومك البسيط وتحاولى تنفذيها وبتشعباتها من غير قلق، على سبيل المثال: هشوف بكره فيلم كذا وهقرأ الرواية بتاعته، خلصتيهم؟ هتحسى بمشاعر مختلفة جواها وافكار وصراعات ممكن تفكرى فيها وتعكسها على واقعك وهكذا تشوف الى شبهه عن نفس التوبيك وينقلك لغيره، ولما تكتبى
عموما عن الخطط هتحسى ان لسه فى حاجات بعينها ممسوكة بايدك كمان ممكن تتعمل قدام مش الدنيا عايمة.. بس عيوب ومميزات خطط الحياة عموما انها ع المدى الطويل ومستمرة لحد ما تبقى جزء مننا، مش حل سحرى بنعمله مرة ونفضل نأخذ ثماره.
ممكن تحبيه <3 جزئية الشغف بقترح عليكى فيلم soul بتاع بيكسار

View more

2
15
Liked by: حنون وما يخون | مُلهم إحسآسِيْ Sondos ali

Does true love ever end?

مهم نسأل نفسنا الاول يعنى ايه "الحب الحقيقى" اصلا؟ وهل هنحكم عليه من داخل العلاقة وفقا لمشاعر ما واحنا منعرفش المستقبل وبالتالى هى معرضة للانكار دائما لو العلاقة انتهت،
ولا من خارج العلاقة واحنا بنتكلم بشكل عملى بحت من ناحية معنى الصح والغلط والاستفادة الشخصية لكل فرد بس فى منظور ميعرفش تفاصيل عاطفية ذاتية.
والله انا معرفش بس الاستمرار من عدمه بيعتمد على حاجات كتير سواء الحب حقيقى او مش حقيقى، زى التوجهات والاولويات والنوايا والظروف ومعنى الخير والشر عند كل فرد اصلا "ممكن اديك مخدرات عشان بحبك، وانا شايفها حلوة وهى مضرة، هنعتبر ده حب ولا مش حب؟" وهكذا، وكل تجربة فيها نسبة ذاتية.
لو هفترض ان ال true love هنا هو الارتياح والامن الروحى والتقبل، اعتقد ربما اه.
ولا اعتقد ان عشان انتهى او اتغيرنا يبقى بالضرورة مكانش زمان حقيقى او صادق او مهم او مؤثر وقت ما كان موجود بالمعطيات الى كانت موجودة.
هنا البعض ممكن يقول طب ايه فرقه عن ال fake love كده؟ شخصيا بشوف ال fake زى رغبتنا فى تملك الاخر والتحكم فيه عشان رضا انفسنا، او رغبتنا فى اذيته لو مكانش معانا -ولو ان ممكن يبقى قلة نضج او كلام انفعالى، او زى الانبهار بالى فاكرينه فيه والقوالب الى مش عايزين نطلعه منها، وهكذا من الامثلة الشبيهة والى ساعات البعض مبيأخدش باله انه مش حب صادق او غلط وبيكمل فيه وبيحبه.
بس يعنى عموما، هل يهم؟ نحاول نحافظ على مشاعرنا وعلاقاتنا قدر المستطاع من غير ما نأخدها for granted والا نكدبها، ولو حصل وانفصلنا نفتكر الحلو والوحش، كلنا بشر بالنهاية، وكل واحد وطريقه.

View more

4
5
Liked by: حنون وما يخون | مُلهم إحسآسِيْ Dina Abass

حل للتسويف في المذاكرة؟ نفسي يكون ليا شغف مع اني بحب المجال نفسه بس مش قادرة اذاكر و حليت وحش في الامتحانات اللي فاتت و محتاجة اعوض ف نفسيتي مش كويسة عشان انا فقط وسط زمايلي اللي عكيت فدخلت في دايرة سلبية مغلقة :"" تقدري تفيديني؟

الفكرة انه ستايل حياة، يعنى حل تأجيل الاشياء الصريح هو عدم تأجيلها..
اهم شىء متسيبيش لنفسك فرصة تقولى "كمان شوية" او تحسى ان الحاجات كتير حواليكى ومش عارفة تبدأى منين مثلا فتأجلى او انهم سهلين هيخلصوا فتراكمى، لا قومى فى ساعتها دلوقتى -مش هصحى من بكره اعمل كذا- وجدوليهم، مش بانك تحطى وقت للمهمة مثلا لكن انك تحددى بشكل صريح مكتوب ايه هى مهام اليوم اصلا، ثم تقسميهم جواهم على شكل اشياء بسيطة تتعمل من بداية اليوم تبدأى فيها بمجرد استيقاظك، واحدة تخلص تيجى التانية، من غير ما تزنقى نفسك ومتسيبيش راحة خالص ولا تسيبى مسافات واسعة غير ضرورية ومهام قليلة، ومتبصيش لباقى الى عليكى كل شوية عشان متكسليش، المهم انك تخلصى النهارده، وتبقى عاملة حساب المواقف الطارئة وباقى الحياة عموما، ومجرد ما تحسى انك بتعملى حاجة هتتحمسى اكتر، وحتى لو ماتحمستيش هيفضل قدامك محتاجة تخلصى ايه النهارده عشان ترضى عن نفسك وتكملى مسئوليتك، وتقدرى ببساطة تعرفى ايه هيترحل لبكره وانجزنا ايه النهارده وده افضل كتير.. وممكن تحطى هدية معينة لنفسك لو كملتى فى مذاكرتك مدة اسبوع صح مثلا.
حابة تشركى معاكى حد يحمسك ويتأكد من خط سيرك هيبقى لطيف، بس احب الفت نظرك بجد متقارنيش نفسك بحد ومتبصيلهمش اصلا، انت بتسعى للامام بالنسبة لقدراتك انت وظروفك انت وبس فمتخليش علاقتكم تضغطك اكتر وتحسسك بالسوء عن نفسك اوتفتكرى فى ان الماضى كده كده هيعوقك وتقفى. وخلى الموبايل قدر المستطاع بعيد او معمول log out من كل حاجة نص ساعة المذاكرة وميتمسكش فى البريك بس عشان ميشتتكيش ويغريكى وتريحى عيونك لحد ما ترجعى تكملى، وربنا معاكى يارب.

View more

1
10
Liked by: حنون وما يخون | مُلهم إحسآسِيْ

When people say, "I have no regrets in life", are they telling the truth? How can people really have no regret in life?

اعتقد ناس وناس، بس مشاعر السلام الداخلى والتصالح مع الذات والدنيا والماضى موجودة، حتى لو لحظية، فتكون تمام غلطت او ندمت زمان بس تفهمت ده وتخطيته ولك اسلوب اخر غير جلد الذات فى التعامل معاه فملكش ندم، وممكن ساعات حتى يكون السبب هو عدم ادراك الماضى واخطاء الذات او عدم وجود الضمير الفعال اصلا فتنظر لنفسك من منظور افضل اسمى وبس.
4
5
Liked by: عبدالله الغامدي حنون وما يخون | مُلهم إحسآسِيْ Sondos ali

عندي فضول اعرف كتابك المفضل أو رواية و فيلمك المفضل و مسلسلك و بلدك المفضلة و سبب اختيارك ليهم لو في سبب 🥰😂

انا اسفة لو هحبطك بس لا امتلك مفضلات بعينها 🤣🤣🤣💔
يعنى عادى بحب فى كل حاجة حاجة او بتلمس قلبى او تعبر عنى او بتفيدنى او تنبهنى لحاجة، ومبحبش حاجة تانية.
5
Liked by: عبدالله الغامدي حنون وما يخون | مُلهم إحسآسِيْ ⁦⁦⁦Ali mohamed⁦ Dina Abass

رولا حابة اخد رأيك في حاجة .. إذا كنتِ في كلية طب اسنان يعني عارفة مستقبلك و هتشتغلي ايه وكدا تعملي ايه عشان تطوري من نفسك في سنوات الدراسة؟ أقصد اني عايزة اعمل حاجة جمب الدراسة واستغل فترتي الجامعية بس مش عارفة اطور من نفسي ازاي أو اعمل ايه أو امشي يومي ازاي مع العلم اني بقرا و بلعب رياضة فقط يعني

اعتقد انت تقصدى ازاى تستغلى فترة الشباب انت كبنى ادم بعيدا عن الكارير والكورسات والاستقلال المادى وكده، صح؟
انت عايزة حياتك ازاى؟، مفيش حاجة جبر عليكى، او وحش مثلا انك بس بتقرأى وتلعبى رياضة -بس اختارى حلو الى بتقرأيه طبعا xD، بس اعتقد احنا بنحدد نوعية التطوير المطلوب وهيبقى ازاى ودرجته قد ايه ومريح ازاى لنا -لانه ستايل حياة مش جدول يومين- لما نحدد الجانب الى فيه قصور او ممكن يبقى افضل او نحب نتعلمه من اول وجديد -بس بشكل واقعى مش مجرد امال او شوفنا حد بيعمله وشكله حلو فنعمله من غير ما نكون محتاجينه فعلا، فكله على حسب امكانياتك ووقتك ورغباتك انت الى انت ادرى بيها..
ممكن تستغربى نصيحتى العامة بس اعملى لنفسك نظام غذائى متوازن مع الرياضة، ده مفيد جدا للصحة والنفسية والمستقبل، جددى قوة علاقاتك الاجتماعية وروابطك، وابعدى عن الاشخاص الى بيمتصوا طاقتك او بيهلكوكى بلا مبرر واضح تستمرى معاهم، وحاوطى نفسك بحاجات تدفعك تتحركى ويبقى عندك دافعية دائما، وحددى الاركان الاساسية الى عايزة تبنى حياتك عليها بعمق اكتر، زى تعميق الجانب الروحانى مثلا، وشوفى ايه العادات الغلط الى بتعمليها وتحبى تستبدليها بافضل، وكله بالتدريج طبعا، وحاولى تنفتحى على العالم وتعبرى عن نفسك وتفهميها اكتر، سواء بهواية مثلا زى الرسم او بتجربة لغة وثقافة تانية، وهيفيدك قوى لو استعملتى نوت تكتبى فيها الى عايزة تعمليه تحسسك بالترتيب والتسلسل والانجاز، واستمتعى، وربنا يوفقك ويرضيكى. 🌸

View more

7
30
Liked by: حنون وما يخون | مُلهم إحسآسِيْ ⁦⁦⁦Ali mohamed⁦ Aya M. Shokry Asmaa Awny نُورْ Dina Abass

In life we are surrounded by judgements, what will happen to the world if people have no concept of criticism and judgment?

اعتقد برضو هتبقى مشكلة وحشة جدا، لان المشكلة مش فى فعل "الحكم" نفسه قد ان البعض مبيرقيش احكامه الاولية للواقع ويفضل جامد على نظرة واحدة، او انه يأثر على حاجات مينفعش يأثر فيها ويدخل فى حياة الاخر.
بحب البوست ده:
https://m.facebook.com/story.php?story_fbid=10157215597121084&id=516706083
6
Liked by: حنون وما يخون | مُلهم إحسآسِيْ ⁦⁦⁦Ali mohamed⁦ Dina Abass Emily Pettinella نُورْ

Why do we always get things we don't want?

اعتقد ان اهم حاجة نقولها لنفسنا الاول هى: "هذا ليس حقيقيا"؛ ساعات كتير بتجيلنا حاجات كنا عايزينها، وساعات لا، فاحنا مش بالكامل منبوذين مثلا، بس يمكن الانسان بيركز اكتر على الى هيساعده يحس افضل عن نفسه، زى شعور الاستحقاقية الجامدة، او توزيع المسئولية لو غلط، او تركيز احساسه بالالم فى كل مشاكله فيقدر يعيط او يهون على نفسه، من غير ما يشوف الصورة الكاملة دائما ويحسب كل حاجة ويعمم بنظرة سوداء كل حاجة..
ده اتقال؟ يمكن بقى نتكلم لو السؤال: ليه ساعات بتحصل معانا حاجات مش عايزينها؟.. ربما لان الدنيا كده، هى مش عشان نرتاح، لكن هنعمل بالى معانا، ويهون علينا الحاجات الحلوة الى بتحصل فى النص، وندعى ربنا يكترها.
4
10
Liked by: حنون وما يخون | مُلهم إحسآسِيْ نُورْ ‏ ﮼بَتول

Why do we act like people with opposing views and opinions are bad people?

الامر اعتقد له علاقة بكثرة الاحتكاك بالمختلف، فساعات البعض من الى ماحتكوش بالواقع ونضجوا كفاية بيبقى عنهم نظرة ثنائية للعالم: يا خير يا شر، يا معايا بالكامل يا ضدى بالكامل.
وبما ان الناس بيميلوا يبقوا مع الى شبههم عشان يحسوا بالتأييد الى بيديهم الثقة والارتياح والانتماء والامان، هيبقى مواجهة المختلف -خصوصا لو انت محاط من كل اتجاه باشخاص بس شبهك- بالنسبة لهم غريبة ومش مألوفة وخارج القوقعة، فمش هتعتبره صديق، عكس البيئات المفتوحة.
ساعات كمان، بيبقى لان الشخص ده خايف يواجه اى تشكيك فى قناعاته او وجود احتمالات اخرى -او حتى غيرة ان الاخر قادر يعبر عن قناعات وهو لا- فبيعاديه ويشيطنه عشان يطمئن لمعتقده.
غير بقى ان لو تجاهلنا كل الى فات -لانه مش بيتكلم فى جوهر الاختلاف- فاصلا اختلاف الاراء ممكن يرتبط باختلاف توجهات وطرق الحياة وتوابعهم الكبيرة، فطبيعى ميحبوش بعض، فالنباتى المؤمن بتساوى جميع الكائنات مش هيشوف تضحية العيد بحب، والشخص الى مقتنع بالرأسمالية مش هيحب نمط حياة التكافلية بدون عائد نفع عليه، الخ وهكذا، لانهم ببساطة مش مقتنعين ببعض والا يبقوا بينفوا الى مقتنعين بيه.

View more

10
15
Liked by: حنون وما يخون | مُلهم إحسآسِيْ نُورْ Ahmed Elsharkawy Rawan. Eng. Yousef Mohammed Nagy Gedo AHMED Eman ☕ بسنت

If you were an actor, would you rather perform as a theater or movie actor?

اعتقد اكتر هيبقى حسب النص الى هيجذبنى ورسالته، والمخرج ورؤيته للعمل، وفريق العمل مدى لطفه وجديته.
بس لو هنثبت كل حاجة ونتكلم فى فكرة هل احب اعرض حاجة وسط جمهور مباشر مع امكانية تعديل تلقائية وتفاعل معاهم احيانا، ولا اسجلها واضمن انها متقنة وانا منغمسة فى شغلى لوحدى.. فلا اعرف.. هيفضل حسب انا بأدى ايه وهو محتاج ايه، بشكل عام ربما هحب جدا اجواء المسرح اكتر والتفاعل مع الناس، بس ربما يجهدنى التكرار كتير عكس الفيلم المسجل -وربما لأ لو حاباه ومقتنعة بيه.. فلا اعرف، المهم ان فى قابلية.
1
Liked by: حنون وما يخون | مُلهم إحسآسِيْ

Why do you think some people have trouble reasoning logically?

عشان عاطفتهم غالبة عليهم، او ميولهم ورغباتهم وتحيزاتهم السابقة مأثرة على حكمهم ورؤيتهم للدنيا والتشابكات والمنافع العليا، او مفترضين معطيات مش موجودة او مشوشة او ببيانات غلط زى "ان العالم بالضرورة عادل" او الخ، وده ممكن تكون مشكلة اما تلقائية تماما والشخص ميحسش انها موجودة، او مشكلة ضبط نفس واتباع الاصح.
5
5
Liked by: حنون وما يخون | مُلهم إحسآسِيْ ڤيرس. نُورْ

Do people care more about winning than actual justice?

جموع الناس بالعادة اه لما بيتحطوا فى منافسة -حتى لو كنا مش بتكلم على حدث مهم بعينه والتطلع اليه- بيبدأوا شوية يربطوها بمشاعر زى الكرامة والكبرياء وقيمتهم كافراد، ولو مش هما بنفسهم الى بينافسوا بيتقسموا احزاب او تجمعات بتدافع عن القواسم المشتركة، وربما يرفضوا الحاجة الصح لو خرجت من حد مختلفين معاه.
مش معنى كلامى ده ان مفيش ناس عندهم اخلاص او سعى للحقيقة او العدالة بغض النظر عن التحيزات، لان فى، بس النقطة ان حتى اكثر البشر حبا للعدالة ساعات بتجيلهم المشاعر ده بشكل عابر او رغبات خير لانفسهم واكيد بيهتموا بيها، بس موقفهم كناس عقلانية يبينلك ان كل ده مش مهم قوى قد بعد ما تحس المشاعر ده هتعمل ايه؟ حتى لو متقبلتش الخسارة او التقصير او ايا كان بصدر رحب سعيد، هل هتنصاع لعنادك، ولا تميل اكتر للانصاف؟.
2
5
Liked by: حنون وما يخون | مُلهم إحسآسِيْ

احياء لعيد ميلادي القادم تحب تقولي ايه؟؟

كل سنة وانت سعيد وطيب 🤣💕✨🦋
احنا منعرفش بعض يمكن، بس حاول تبسط نفسك كده وتفتكرها وتعمل حاجة بتحبها او تقعد مع ناس بتحبهم، وادعي لنفسك اهم حاجة بصدق تبقى سنة جديدة جميلة مليانة خير عليك يارب 💓
متسمعش اى كلام سلبى حتى لو بهزار او تسمحله يضايقك، المهم تبقى مبسوط دلوقتى، بعدين كمل حياتك عادى: حاسب نفسك، شوف مثلا تحب تحاول تصلح او تقلل ايه شايفه وحش، واشتغل على نفسك لقدام عشان مستقبل احسن، وربنا اكيد هيكرمك ✨
3
Liked by: حنون وما يخون | مُلهم إحسآسِيْ Asmaa Awny Ahmed Hassan
+1 answer Read more

Next

Language: English

4.1

1,266,418 reviews
© Ask.fm 2024