@LoloBatoot

Rola

Ask me anything Follow
Ask @LoloBatoot

Sort by:

LatestTop

Previous

في حاجه غلط انا بعملها وعارفه انها غلط ويمكن حرام كمان بس مش قادره ابطلها بجد، اعمل ايه؟ Don't skip فضلا

لو مكانك، هحاول اتفهم نفسى واتقبلها بالراحة، بعدين احدد انا بعمل كده ليه واحاول اعالج الخلل، وبيساعدنى على عمله ايه واحاول اضبط البيئة والظروف، وايه الخيارات البديلة الى اقدر اعملها بداله وتأخد مكانه واعدد بدائل، بعدين يجى نظام الثواب المادى والجوائز والحوافز والحاجات ده.
1
Liked by: Mahmoud mostafa

ازاي احب الكلية؟

انا هبعد شوية عن حتة "صبر نفسك بالمستقبل" وقرب من الكارير الى بتحبه والكلام ده.. حاول تنفتح شوية، تصاحب ناس هناك سواء فى الجروبات الاونلاين او تخرج معاهم، تشارك فى انشطة لو متاح، تستغل وقت الفراغ تتمشى متبقاش بس منغمس فى الدراسة ورابط الكلية بالضغط والامتحانات، كده، وبالتوفيق.
بس بالنهاية، مش شرط ولا لازم تحب الكلية، الفكرة انك تحاول تستمتع وتستفيد من الوقت والمكان الى انت فيه، وتكون ذكريات حلوة، لكن ايه المشكلة لو مكانش الجزء الحلو هو الكلية نفسها.
1
Liked by: Mahmoud mostafa

عندي مشكله اني بتوتر وواتخلبط ف الكلام قدام عدد كبير من الناس وتاعبني اوي الموضوع فيه حل ؟

لو بتتكلم عن موقف خطابة فى جمهور،
ممكن تجرب تزغلل نظرك، او متركزش فى عين حد بعينه، تبص مثلا على اكتافهم لو بعاد او على حاجة ثابتة من غير ما تبقى باين قوى.
وتحاول تنظم نفَسك وانت بتتكلم، بحيث ميطلعش الكلام لا بطىء قوى، ولا سريع جدا كأنك عايز تجرى،
ولو تقدر متحفظش نص بالحرف تقوله هيبقى افضل، عشان متتوترش لو نسيت، لكن تبقى فاهم انت عايز تقول ايه فى المضمون، وتمسك فى ايدك ورق فيه رؤؤس الافكار الى حابب تتكلم عنها ولو فى حاجة بالتحديد مش عايزها تتنسى.
واعتقد دقيقة دقيقتين تتعود على الجو بس وانت مش متوتر، وهتلاقى كل حاجة كويسة وسلسة.

Related users

ma9355481’s Profile Photo Dr Mohamed
RamyElAzb’s Profile Photo Ramy Mohamed
black555’s Profile Photo Black List
mugi_w’s Profile Photo Ammar yasser
mariamalamer14’s Profile Photo mariam alamer

مع او ضد : تحتفظ بذكريات شخص انتهت علاقتك بيه ؟

محدش بيمسح ماضيه، فاعتقد التعامل على حسب نوعية الشىء الى هحتفظ بيه، وهحتفظ بيه ازاى، واثره عليا وعلى الى حواليا ايه 🤷🏻‍♀️
1
Liked by: A B D O

صاحبي القريب مني دايما في اي قعدة وسط ناس بيقل مني بدون سبب و بره القعدة عادي وزي الفل والنهاردة قل مني و قررت اني مكلمهوش تاني ولا ارد عليه هل قراري صح ولا غلط لان صعبان عليا السنين والله واحنا اقرب اتنين لبعض وبينا عشرة معرفش هو بيعمل كدة ليه بس ساعدوني هل ده قرار صح ولا لا

هل واجهته بمشاعرك ده؟
صراحة كمان من رأيى، العامل الحاسم هنا مش حقك تبعد ولا لا، لان من حقك طبعا، وراحتك وامانك مهمين مهما كان، ومش معنى انه عشرة انه افضل صديق او انك مش هتقابل غيره، لكن الى شايفاه هيحسم فعلا هو طباع صاحبك، وانت الادرى بيها..
هل هو بيتكلم بحسن نية وواخده العشم، او انت بتضحك معاه على نفسك وتعدى، او ان حاجات هزرتوا فيها مرة وخلاص وكل شوية يكررها وضايقتك، او انه بيتكلم فى شىء اغلب الى حواليكم مش هينزعجوا منه؟ حاجة زى كده وقتها هتحتاج تعاتبه وتنبهه وتكلمه وتظهر ضيقك وتحط انت حدود واضحة لنفسك فى علاقاتك.
طب انت شايفه غيران، او بيقلل منك عشان يحس افضل عن نفسه، او بيستغل نقاط ضعف فيك بعدم امانة وهو عارف انها كده، او ان ده اسلوبه اصلا مع الكل؟ هنا الامر مش سوء تواصل، ده طبيعة انسان ورؤيته عن نفسه والى مش مريحة، وممكن مع ناس يأخدوا بالهم من نفسهم لو قلتلهم واستوعبوا، وناس تانية لا خالص، ومن حقك طبعا فى كل حال تبعد لو مش عايز تقف قصاده، ومش هتبقى خسرت صديق ولا حاجة، بالعكس هترتاح من تكسير المقاديف المتواصل والسم فى العسل.

View more

"كيف يصف الإنسان خيبة أمله في الأشياء كلها دون أن يبكي؟"

يقول الى حاسه مش لازم يبقى حاجة عظيمة او مرتبة، او يحاول يحتك بحد بيعرف يتكلم عشان يلاقى حاجة تحسسه بالونس ويلاقى نفسه فيها، او يحاول بشكل او باخر يجدد امله فى جديد بسيط مثلا.. وعموما حتى لو موصفهاش بشكل واضح، تصرفاته بعدين كلها هتدل عليها، بس ماله البكاء يعنى؟.
10
Liked by: مـُحـمــ ـد آلـ شـ ـاذلـ ـي Rana Sabry Rehan nasef Taghreed Nasser كولدبلاير M i N A Ahmed.'

عندي خلط علطول في التعبير ما بين العامية والفصحي دايماً بيسبب لي مشكلة في توصيل الأفكار وصياغة الكلام ... ده حله ايه؟؟؟

حاول مثلا تفكر ثانية قبل ما تقول جمل طويلة وترتبها لو الامر مضايقك جدا، واتكلم كتير واسمع ناس عشان تلقط منهم وتنشط مخزونك اللغوى، ومتدققش قوى مع نفسك طالما انت مفهوم.. عايزة اقولك ان الامر مبيبقاش بالسوء ده خالص حتى لو حد ضحك معاك وعلق على لفظ او كده، المهم ان المعنى وصل وانك مكنتش بتتكلف عمدا.

بالاضافة للسؤال اللي فات، ف أنا بجد صعوبة في صياغة الأفكار والكتابة بالفصحي بشكل عامي وسهل يوصل لكل الناس، وأوقات كتير بشعر بعجز غير طبيعي في التعبير، ودا بيؤرقني بشدة

عجز بالتعبير بسبب ان عندك اولولية للغة تانية تقصد، ولا لقلة الكلمات على لسانك، ولا لرغبتك فى الدقة، ولا لاحساسك ان كلامك معقد زيادة فبتسكت؟ انا حاسة بالتعاطف لكلهم الحقيقة ايا كانت الاجابة xD
بس جميعهم هتحتاج فيه تتكلم كتير مع حد، وتمارس اللغة معاه لحد ما تحس بالاريحية، وهنا مش شرط الكل يفهمك خالص او انك تقول كل شىء، لان محدش كده اصلا مع الكل، لكن ع الاقل لحد ما تقدر ترتاح مع نفسك ومتبقاش مركز قوى ومتحسش انك مخنوق.

عندي مشكلة رخمة، صعبة التجاوز، ألا وهي نسيان المعلومات أو الأفكار الموجودة في الكتب، وبجد صعوبة في استدعاءها بعد فترة، هل في حل فعّال للمشكلة دي؟

هى حاجة رخمة فعلا، بس اعتقد طبيعى تتنسى المعلومات بعد فترة، طالما متمش تكرار استعمالها واسترجاعها دوريا،
لكن بالنسبة للافكار العامة، قد يدل على قلة التركيز اثناء قراءتها، او قلة هضمها وشعورك بالتآلف معاها، او قلة الروابط بين الى بتقرأه والواقع،
فيمكن محتاجين حضور اكتر، وتوظيف الافكار ده بشكل او باخر فى حياتك، زى على صورة قصة او كتطبيق على حاجة انت عارفها بالفعل او تجميع على نفس الكاتيجورى، او بحدث حصل اثناء القراءة نفسها زى كلمة مميزة او نكتة تضحك او صورة، او حتى استعمال وسيط تانى مع الكتاب بنفس الافكار عشان تنغمس فى الفكرة وتثبتها، زى اغنية او فيديو او مسرحية عن نفس الموضوع، او باستعمال ملخصات تكتبها بايدك وبطريقتك بتعبيراتك فتفتكر جهدك نفسه..
بس لطيف كمان تحط فى دماغك ان كثرة القراءة عن الموضوع الواحد هتخليه تلقائى متشبع جواك، حتى لو مش بالضبط افتكرت كل شىء بالتحديد بالتعبير، لكن لو قرأته مرة بشكل عابر حتى لو فهمته، مش هيخليك ده تحس بالتعمق والالفة نفسها.. ولو حاسس ان المشكلة عامة ومش بس ع الكتب المتباعدة، ممكن تجرب تسأل دكتور، يمكن تساعدك فيتامينات للتركيز والذاكرة.

View more

ممكن تقولى رأيك ف حاجة لو حد قريب ليا شاف صورتى ستورى واتس وانا معيطة وعيونى وارمة من الزعل والزعل دا بسببه وبعد ما شاف الاستورى مسألنيش حتى وطنش ومتكلمش انا اتجرحت اوى هو دايما امابيشوف صورى مبيقولش حاجة ولا يجبر خاطرى بكلمة مع ان والله انا ملامحى جميلة وعيونى ملونة وصحابى وكل اللى عندى بيحبو صورى

بصى، انك تستنى التأييد والدعم والمدح والمواساة والصلح وغيرهم من الاخرين وتراقبى ريأكشناتهم مش حاجة صحية عموما.. خاصة انك هتحسى ان العيب فى مشاعرك او فيكى انت شخصيا لما الى قدامك ميديكيش الريأكشن المطلوب، حتى لو الموضوع ملوش علاقة،
زى ما ممكن تكونى جميلة بس هو مش شايف يستحق الامر الاعتذار، او ان اوفر تنشرى صورة لك بتعيطى عشان تحسسيه بالذنب، او انه هيعتذر بطريقة تانية، او هيستنى تهدى عشان متزعقيش معاه، او شاف الستورى وهو مشغول، او حتى انت مش جميلة خالص بس ده مش هيفرق اساسا لان لو هو غلطان يفترض عشان علاقتكم تبقى كويسة يعتذر فده مش حجة، فايا كان نصيحة حبيت اقولك للعموم بس.
غير كده، لو الى قدامك 'عارف' بشكل واضح انك متضايقة بسببه، مش لازم تصنعيله حجج مصطنعة عشان يصالحك، او تستنى منه اعتذار عشان تكونى افضل، ممكن تحاولى تتفاهمى معاه لو باقية عليه اما تهدى، ولو فضل مصمم انت حرة تقررى علاقتكم تمشى ازاى.
بس عايزة اقولك طالما بيشوف الستورى دائما ومبيردش دائما، يبقى ربما بطبعه مبيردش او بيعدى الستوريز، مش شرط بيعاند او بيطنش.. بس هرجع واقولك انت الادرى بيه وبطبيعة علاقتكم، بس بصراحة لو هنصحك بشىء، متتعبيش دماغك.

View more

انت شخص هادي بطبعه؟

نص نص، اوقات كتير بحب اكون فى ركن لوحدى ومش بتكلم مع حد وببقى مستمتعة بده، واوقات كتير بكون صاخبة واكتر حد بيشجع الناس تتكلم وتتعرف ونهزر وبكون برضو مبسوطة.

متغير ياما عن زمان؟

يمكن لا، الاستعداد والاحتمالية دائما كان موجود.

عادي انك تخطب بنت كانت مخطوبه قبل كده ولا لا ..هوه سؤال متخلف بس حابة اعرف بتفكروا ازاي

شخصيا مش هيبقى عندى مشكلة طالما معملوش هو الامر مشكلة جامدة يطلعها عليا، او عملنا تعقيد يتعبنا بعدين، او اظهر بشكل واضح ان مش هننفع سوا..
لكن عدا ده، هحسه غالبا ناضج اكتر وفاهم نفسه وعارف بالتجربة يتعمل ايه ويتجنب ايه، فمعنديش مشكلة مبدئية ع النقطة.
1
Liked by: DEMON

ممكن تتجوزي في محافظه غير محافظتك

من غير جواز حتى انا حابة اعيش فى محافظة مختلفة.
1
Liked by: DEMON

تعمل ايه لو ضاعت منك حاجه كنت بتتمناها اوى؟

هحاول الاقيها وارجعها، معرفتش هزعل عليها وهعيط، بعدين الوقت بيأخد مجراه.

عيد ميلادى النهاردة والحمدلله لوحدى ومحدش حتى افتكر😂

هو شعور وحش جدا، بس هل ده معناه انهم شرطا مش بيحبوك بجد او مش بيتمنولك كل خير او الامر جه عمدا؟ اعتقد لا خالص.
فيعنى الجزء المهم انك فاكره اهو، فكرهم انت، وهات حاجة حلوة كده واحتفل ع الضيق وارفع معنويات نفسك بنفسك.
كل سنة وانت طيب وسعيد ومحاط بناس بتحبهم ويحبوك فى سنة احلى كمان 💖
1
Liked by: Gihan Abd

نفسي البس النقاب وماما مش موافقه قال هيكبرني قولو اقنعها ازاي؟!💔

كله بيعتمد على حاجات مقولتيهاش زى عندك كام سنة، مقتنعة انه فرض ولا سنة، عايزة تلبسيه ليه، بتشتغلى ولا لا، البيئة الى حواليكى ازاى، وتقدرى تتراجعى عن قرارك بعدين ولا لا، وهكذا.

Do you believe searching for happiness is a mistake or something worth looking for?

بحس على حسب نوع السعادة، يعنى لو قصيرة المدى زى: مش عايز اخد حقنة لانها بتوجع، او بتبسطنى المخدرات لانها بتريح، او يلا اصرف فلوسى ووقتى كلهم من غير ما اخد بالى من الاساسيات، وكل ما فى هذه السياقات وما يشبهها، يبقى طبعا الاولى تحسبها بعقلك.. انما طويلة المدى؟ زى هلعب رياضة متعبة وابطل مياه غازية بحبها عشان ماعياش فابقى مبسوط؟ اعتقد ده تستحق التضحيات.
1
10

صفة بتفرح لما بتلاقيها في غيرك؟

اللطف، التفهم، المراعاة، الذوق، المبادرة، الرغبة فى تصليح الاشياء، الحكمة، حسن التصرف، الشجاعة، العقل المنفتح، العلاقات الطريفة مع الاخرين، الذوق الفنى المميز، لو حد عنده حاجة بيحبها او مهتم بيها فعلا وبيتكلم عنها، وهكذا كتير يعنى.
1
Liked by: DEMON

هي حاولت واعتذرت كتير بس مكانش في مني استجابة، وحشتني جدا ونفسي نرجع صحاب خصوصا اني بكره ان يبقي في شخص بيني وبينه حاجز او علاقتنا تتقطع بسبب زعل بس عدي كتير اوي.. حاسس لو حاولت مفيش حاجة هتتغير، انتي ايه رأيك؟

هل تقصد "تحاول" بمعنى ترجع علاقتكم لانك سامحت وخايف يكون الوقت عدا، ولا تحاول بمعنى وحشتك، بس مفيش امل سلوكها الى جرحك يتغير؟
لو قصدك الاولى، فوالله هو لو لسه فى مجال هينفع، زى لو علاقتكم كانت قوية وهى كانت حاسة بالندم ومستنية ده، او زى لو تقبلت الرفض الى فات على كرامتها مثلا، وزى لو ممشيتش فى حياتها جامد وبقى لها دوائرها المختلفة التانية الى لها الاولوية.
بس عموما، جميل تحس ان مفيش بينكم مشاعر صعبة، فلما ده يحصل، نفكر بعده هل علاقتكم هترجع اقوى ولا مش زى زمان.
اما لو قصدك التانية، فطبيعى محدش شيطان بالكامل، انت مش لازم تنسالها كل الحلو.. بس بعقلك: هل عيبها ده ضرك جدا لما حصل ومتقدرش تتغاضى عنه عشان حاجات تانية فيها، او يتغير بالتدريج؟ لو الاجابة اه، يبقى خلاص متجلدش نفسك، مش لازم متوحشكش، بس مش لازم تكلمها.

هعتبرها اشاره احاول تاني وتالت ولا كفايه كده؟

مفيش حاجة اسمها كده.. ما انا ممكن اقول "حاول وقاوم"، وانت بتتكلم عن موضوع الانسحاب منه هو افضل الحلول واقل الخسائر..
فلو انت شايف ان لسه فى مجال تكمل وعندك طاقة وقدرة وامل فى عائد يكافىء طاقتك كمل، شايف انك اغلب الاحتمال بتضيع وقت او ان ممكن تجرب طريق جديد اقف. انت الادرى.

Next

Language: English

4.1

1,266,418 reviews
© Ask.fm 2024