ما أعرف، بس تلاقي رقمهم على ملزماتهم، دقي واتأكدي.
السلام عليكم
ممكن تعطيني نصايح ازيد بيها مستوايا في الانقلش خاصة لطالبة طب مستجدة وهل واجهتي صعوبة في موضوع اللغة ؟
اممم ما أعرف صراحة، بس شخصيًا اتعلمت أكتر شي بالسماع: أفلام، أغاني، كتب صوتية، إلخ. هل واجهت صعوبة؟ لو كان قصدك على المصطلحات الطبية، فطبيعي في البداية تحسي إنها كتير وغريبة وكيف راح تحفظيها، بس حتلاقيها تتكرر من كذا دكتور وفي كذا مادة يعني لا تشيلي هم حتنحفظ مع التكرار. بالتوفيق.
طيب كتاب Robbin باثو احتاج اشتريه؟
كمذاكرة للاختبار يكفيك السلايدات وتفريغاتها. للاستزادة اشتريه، الكتاب ممتع وسهل، من رأيي حمليه واقري فيه، لو عجبك وناسبك اقتنيه ورقي.
لأن توفرت عندي أوراقه أول بأول مو زي الترم الأول، مرّ أكثره وبعدين حصلت عليها. أوراق د. بدر نفس محتويات السلايدز ١٠٠٪ بدون زيادة أو نقصان وهذا الحلو فيها، اللهم إنه عامل جداول، موضح نقاط بالعربي، الفقرز *figures* الموجودة بالسلايدز -ويحبوا يجيبوا منها الدكاترة في الاختبار- تكون مشروحة كويس كنقاط مستخلصة وهكذا.. ولو توفر عندك تسجيل د. بدر كمان، تكوني حصلتي على المعلومات كلها فهما وحفظا بإذن الله.
السلام عليكم ..
عبير بالنسبه للبايو حق سنه تانيه من فين كنتي تزاكري ؟ من سلايدات الحريم أو الرجال ؟ و كنتي تسمعي لمين ؟
وعليكم السلام ورحمة الله وبركاته، الترم الأول حست عشان أعرف من فين أذاكر ! كنت أحضر أغلب المحاضرات بس ما أفهم إلا لد. عبير ×) فأذاكر من سلايداتها، والبقية من تسجيل الأولاد وسلايداتهم زي د. عمرو ، د. محمود ، د.وسام وأحيانا من شييتس مدرس خصوصي اسمه بدر. الترم التاني من شييتس د. بدر بس.. بالتوفيق.
السلام عليكم ، كيف حالكم ؟ عندكم افكار لعمل تطوعي يخدم الحجاج والمعتمرين نسويه في المسجد الحرام بس مانبغى توزيعات لانها فكرة تقليدية نبغى فكرة ابداعية وجديدة ؟ اتحفوني ☺
وعليكم السلام والرحمة، لا .. 😀
ممكن تقولولي كيف بتزاكروا ؟! .. وهل في طريقة مزاكرة صحيحة !!
كل شخص تناسبه طريقة معينة فمحد يقدر ينصحك في دا الشأن، جربي كل الطرق اللي تخليكِ تفهمي وتحفظي أكبر قدر ممكن من المعلومات ولوقت طويل، وراجعي وعيدي وزيدي عشان لا تنسي. ذاكري بكل حواسك، بالقراءة، بالصوت، بالحركات، لوني تفريغك/ملخصاتك، اشرحي لماماتك أو لصحباتك لعل وعسى تثبت المعلومة، وهكذا.. وأولا وأخيرا، اخلصي نيتك لله وخذي بالأسباب واجتهدي، ودعوات الوالدين تسوي العجب. 💙
ياعسل كتير قالوا علم المناعة تعجيزية وكتير رسبوا فيها مع ان المحاضرات قليل كيف ازاكرها !!*ثانية
تحتاج فهممم لو ما فهمتي ما راح تقدري تحفظي. كيف تذاكريها؟ احضري المحاضرات لو كنتي تفهمي على الدكتورات واكتبي معاهم على السلايدز، د. عماد يدرس الأولاد بعض المحاضرات برأيي ممتاز جدا ويفهم بس لازم تفرغيله بجانب السلايدز.. اتفرجي فيديوهات لدكتور نجيب وفرغي معاه، حتكون طويلة شوية ساعتين أو تلاتة ساعات بس حتطلعي فاهمة إن شاء الله.. في تفريغات لشهد حافظ، طالبة من دفعة ٣٢ الله يجزاها كل خير تفريغاتها مرة مرتبة وتساعد في الحفظ، في اختلافات بسيطة (ناقصة/زايدة) عن منهجنا.. ممكن تفيدك المراجع *لا تشتريه إلا ونتي متأكدة إنو أسلوب الكتاب ناسبك وفهمتي عليه* : -basic immunology (Abul Abbas) -kuby -Lippincott الترم الأول أسهل من التاني فحاولي تشدي حيلك فيه وتجيبي درجة حلوة، بالتوفيق.
المذاكرة اللي تلاحقك ليل نهار وتشردي منها. XD أقرب شي جا عبالي صراحة. XD
ايش الشي اللي يميز طب المختبرات عن غيرو؟!
او ايش الشي اللي اول ماتشوفوه تقول دا حق طب المختبرات او بيدل عليه يعني!
أعتذر ما أعرف، ماني طالبة مختبرات. ><
ياعسل الله يسعدك ساعديني 😭انا في الاناتومي مني عارفة من فين ازاكر.. تدرسنا دكتورة امال والاولاد د مصطفى فمني عارفة من فين ازاكر هل سلايدات البنات ولا الاولاد ولاتفريغات ولا فيديوهات وجيه ؟؟
**سنة تانية
كنت في نفس موقفك العام الترم التاني، شخصيا ما مسكت ڤيديوهات وتفريغات بروف. وجيه رغم إنك تضمني ١٠٠٪ حتفهمي كويس بعد الله، لكن المحتوى وإن تشابه في أكثره بس لابد فيه اختلاف. مسكت سلايدز د. آمال يوسف مش أمل الشاذلي *للي يلخبطوا* وسلايدز بروف. مصطفى. وفي جزئية أعطاها د. مظهر للميل ذاكرت سلايداته *جانا واحد سؤال في النهائي من جزئيته ماكان موجود في السلايدز حقته*.-قسم الفيميل يفهم كويس د. آمال وأمل، بس شخصيا ما تعجبني السلايدات الدش فأرتاح ل د. آمال. -لا تسمعي أو تتفرجي للميل، خدي سلايداتهم لو تحبي. -وبروف. وجيه خليه للأشياء اللي مافهمتيها وكان عندك وقت تدوري في الڤيديوهات فين النقطة دي بالزبط انشرحت. بالتوفيق..
اللي تفهمي عليهم ويعجبك ترتيب سلايداتهم، كل شخص له دكتوره اللي يفهم عليه. شخصيا، سلايدات د. محمود / د. عبير و د. عمرو موحدة / د. عبد الرزاق ذاكرت الأسئلة بس، وأتوقع دا شي غلط ما أنصحك تعملي كدا ذاكري وخلي الأسئلة كمراجعة فقط.
ياعسل انا سنة تانية مني عارقة ازاكر الفسلوجي والبايو والاناتومي من فين ؟ من سلايدات البنات ولا الأولاد بما انو والاسئلة من عندهم ؟ ولا من التفريغات؟؟؟
الفسيو: د. بهاء تفريغ / د. سراج سلايداته / بروف.عامر سلايداته بالإضافة إلى التفريغ كمان لأن يجيب من كلامه في المحاضرة / د. عادل سلايداته + تفريغ / بروف. تبريز سلايداته. البايو: من السلايدات. الأناتومي: على سنتنا بروف. وجيه تفريغ / بروف. مصطفى سلايداته / د. آمال و د. أمل سلايداتهم.
ايش يعني السيمنار
يعطوكم حالة مرضية مع أهداف لازم تحققوها وتبحثوا عنها، أنت وفريق العمل المكون غالبا من ١٣ شخص، تدرسوا الحالة مزبوط من كل النواحي: أناتومي وامبريو وهستو وبايو وفسيو. في يوم مخصص يكون نازل في الجدول بإسم سيمينارك، حتشرحوا كل اللي تباحثتوه سوا وبإشراف الدكاترة طبعا، تشرحوه للدفعة وأعضاء هيئة التدريس اللي يدرسوكم وأحيانا حتى اللي ما يدرسوكم يجوا، والكل يقيمكم وعليه درجات.